Muhammad Mufti Syarfie

Muhammad Muftie Syarfie adolah anggota Komisi Pemilihan Umum (KPU) Provinsi salamo tigo periode berturut-turut. Hal itu dapek terjadi, kabarnyo, dek inyo wartawan. Wartawan banyak aka dan pengetahuan, sampai sangaik dibutuhkan tenaga dan pikirannya di organisasi panyalanggaro pemilu itu. Kesimpulannyo, dek inyo wartawan nan hebat.

Muhammad Mufti Syarfie

Biografi
Kalompok etnis	Urang Minangkabau

Awal Kehidupan

Mufti Syarfie lahia di Sibolga taun 1953, tapi kaduo urang gaeknyo "urang awak" tulen nan barasa dari Nagari Lawang Tigo Balai,Kecamatan Matur, Kabupaten Agam, Sumatra Barat. Alkisah, kaduo urang gaeknyo Muchtar Sutan Tanameh (ayah) dan Siti Samaah (ibu), sasudah menikah lalu merantau ka Tapian Nauli awal taun 1950-an jo tujuan mengubah nasib. Di sano kaluargo tasabuik manjadi pedang ketek . Mako di situlah Mufti lahia sabagai anak paliang gaek dari anam bersaudara, semuanya laki-laki.

Ketika Mufti memasuki usia sekolah, kaduo urang gaek pindah ka Merbau di Kabupaten Labuhan Batu, Sumatra Utara. Di sanalah nyo masuak sakolah rakyaik (SR). Tapi hanyo tigo tahun, inyo kudian dijapuik nenek dan dibaok ka kampuangnyo Dusun Monggong Surau Banda Andaleh, Nagari Lawang Tigo tadi. Di sano inyo malanjuikan sakolah diasuh sang nenek bernaman Nipah nan inyo panggil "Inyiak" dan kakek banamo Amin Labai Salam nan biaso dipanggilnya "Tantuo".

Tamat dari SD Saribulan, Tigo Balai, 1965, dalam usia 12 taun Mufti dikirim kakek dan neneknya meneruskan pandidikan ka Madrasah Tawalib Parabek, Bukittinggi, sampai tamat taun 1972. Sasudah itu inyo malanjuikan ka Institut Agama Islam Nagari (IAIN) Imam Bonjol (kini UIN Imam Bonjol) sampai memperoleh gelar sarjana mudo (BA).

Ketika kuliah, Mufti alah harus karajo kareh untuak hiduiknyo surang. Ketika itulah inyo berkenalan jo dunia surek kaba. Bukan langsuang sabagai wartawan. Mulanya sabagai tenago loper (Pengantar koran) dan pancari iklan untuak surek kaba Singgalang nan wakatu itu masih terbit duo kali saminggu. Pekerjaan itu inyo lakoni sampai taun 1977 saaik inyo tamat kuliah.

Karier

Tahun1978 Mufti pindah ka Harian Haluan. Mulai manulis berita, tapi pekerjaan rasminyo adolah sabagai patugeh tata latak (lay out).

Tampaknya dek inyo punyo bakaik manulih berita, dan bapandidikan sarjana mudo lai (wakatu itu masih langka wartawan bapandidikan perguruan tinggi), mako Mufti pun mandapaik paratian Pemimpin Redaksi Annas Lubuk. Sasudah malalui proses uji coba, inyo akhianyo diangkek manjadi reporter dan staf Redaksi Haluan. Sajak itulah karier wartawannya taruih menanjak. Sabagai reporter, inyo spesialis meliput bidang politik, pamarentahan dan pembangunan. Posnya terlama adolah di Kantor Gubernur Sumatra Barat basamo mentornya Masri Marjan.