Muammar Khadafi

Muammar Muhammad Abu Minyar Khadafi atau Gaddafi (bahasa Arab: معمر القذافي Mu`ammar al-Qadzdzāfī) adolah saurang tokoh revolusi jo politikus asa Libya. Inyo bakuaso di Libya sabagai Kapalo Revolusioner Republik Arab Libya dari tahun 1969 hinggo 1977, nan kamudian sabagai "Pamimpin jo Panuntun Revolusi" Jamahiriyah Arab Libya dari tahun 1977 hinggo 2011. Pado mulonyo inyo mampajuangan nasionalisme jp sosialisme Arab, tatapi kamudian mangikuikan ideologinyo surang nan disabuik. Teori Internasional Ketiga

Inyo dilahiakan di Surt pado maso panjajahan Italia dalam kaluarga Badawi nan miskin. Khadafi mulai manganuik nasionalisme Arab kini masih mangenyam pandidikan di Sebha, jo kamudian inyo masuak ka Akademi Militer Kerajaan di Benghazi. Kini inyo bakontribusi di militer, inyo mandirian sabuah kalompok revolusioner nan kamudian malengseran pamarintahan Rajo Idris salamo paristiwa kudeta Libya 1969. Satalah naiak ka tampuk kakuasaan, Khadafi maubah Libya manjadi sabuah republik nan diparintah dek Dewan Komando Revolusioner. Inyo mamarintah malalui dekret, mausia urang-urang Italia, jo manutuik pangkalan-pangkalan militer Barat. Inyo mampakuek juo hubuangannyo jo pamarintahan-pamarintahan nasionalis Arab, khususnyo pamarintahan Gamal Abdel Nasser di Mesir. Inyo turuik mampajuangan penyatuan negara-negara Arab, tatapi upayo iko indak mambuahan hasia. Salain itu, inyo adolah panganuik modernisme Islam nan manggaloan hukum syariah jo mandukuang "sosialisme Islam". Inyo menasionalisasi industri minyak bumi sarato manggunoan kauntungannyo untuak mampakuek militer, mandanai kalompok-kalompok revolusi di lua negeri, jo mambalakuan program-program sosial nan mamantingan pambangunan parumahan, panyadioan layanan kesehatan, jo pandidikan. Pado tahun 1973, inyo mamprakarsai "Revolusi Rakyat" nan mambantuak Muktamar Asasi Rakyat nan disajian sabagai sistem demokrasi langsung, tatapi inyo masih tetap mangandalian proses pangambilan keputusan nan penting. Pado tahun nan samo, inyo mulai mangamukakan Teori Internasional Katigo-nyo nan diterbitkan di dalam Buku Hijau

Khadafi manjadian Libya manjadi sabuah negara sosialis nan disabuik Jamahiriyah ("negara rakyat") pado tahun 1977. Walaupun inyo alah indak mamacik jabatan resmi di pamarintahan, inyo maambiak peranan simbolis sabagai "Pamimpin Revolusi" dan masih menjadi panglima tatinggi militer. Inyo surang dapek mangandalian politik Libya lewat Komite-Komite Revolusioner. Pado dasawarsa 1970-an dan 1980-an, Libya talibek dalam konflik perbatasan jo Mesir jo Chad nan barakhia jo kakalahan. Pado maso tu, Libya mandukuang juo kalompok-kalompok militan asing jo mandalangi pengeboman Lockerbie di langik Skotlandia, hasilnyo Libya manjadi pariah di dunia internasional. Hubungan mereka dengan Amerika Serikat (AS), Britania Raya, dan Israel sangatlah buruk, sampai-sampai AS malancaan pengeboman dari udaro jo Perserikatan Bangsa-Bangsa maagiah sanksi ekonomi. Samanjak tahun 1999, Khadafi mulai manjauahi ideologi sosialisme Arab nan manggalaan privatisasi ekonomi, perbaikan hubungan jo negara-negara Barat, sarato Pan-Afrikanisme. Inyo pernah juo manjadi katua Uni Afrika dari tahun 2009 hinggo 2010. Namun, salamo peristiwa kebangkitan dunia Arab pado tahun 2011, meletus demonstrasi di Libya timur nan manantang korupsi jo tingkek pangangguran nan tinggi. Kaadaan taruih mamburuak hinggo Parang Saudara Libya bakacamuak, jo NATO kamudian malakukan campur tangan militer nan mamihak Dewan Transisi Nasional (DTN) nan anti-Khadafi. Pado akhianyo, pamarintahan Khadafi dijatuhaan, sarato Khadafi malarian diri ka kota asalnyo di Surt, tatapi di situ inyo ditangkok sarato dibunuah dek para militan DTN pado 20 Oktober 2011

Khadafi adolah tokoh nan kontroversial. Inyo marajoi politik Libya salamo ampek dasawarsa sarato manjadi subjek kultus kepribadian. Inyo mandapekan babagai penghargaan jo manuai pujian karano inyo mamiliki pandangan anti-imperialis sarato mandukuang kasatuan Arab (nan kamudian baubah manjadi kesatuan Afrika), inyo juo alah maningkekan taraf hiduik rakyatnyo. Di sisi lain, kalompok fundamentalis Islam manantang bana reformasi sosial jo ekonominyo. Salain itu, inyo juo dikutuak sabagai saurang diktator nan alah malakukan palanggaran hak asasi manusia jo mandanai terorisme di lua negeri