Moroni, Komoro
Moroni adolah ibu kota jo kota tagadang nagara Komoro. Kota ko talatak di barat daya pulau Grande Comore di Lautan Hindia.[1] Pado tahun 2003, panduduaknyo bajumlah 41.557 jiwa, manjadian kota ko salah ciek ibu kota nan paliang saketek panduduaknyo di Afrika. Wilayah kota mancakuik area salaweh 30 kilometer persegi di kaki Gunuang Karthala, salah ciek gunuang barapi aktif tagadang di dunia.[2]
.jpg)
Sijarah awal Moroni indak pasti. Bukti tatulih paliang awal manganai pamukiman di Kapulauan Komoro ado sakitar abaik ka-7, kamungkinan baasa dari navigasi Arab jo ahli patanian babahaso Bantu.[3] Samantaro tamuan karamik dari abaik ka-7 hinggo ka-10 manunjuakan bahwasannyo kapulauan ko adolah bagian dari wilayah Swahili nan paradabannyo sadang bakambang.[4] Tapi bilo urang Moroni sandiri patamo kali manatap indak dikatahui. Namun pado milenium kaduo, Moroni alah manjadi sabuah kota nan mapan.[5]
Rujuakan
suntiang- ↑ "Moroni-Comoros". Britannica.
- ↑ Braimah, Ayodale (22 Desember 2014). "MORONI, COMOROS (10TH CENTURY- )". Black Past.
- ↑ Crowther, et al. "Coastal Subsistence, Maritime Trade, and the Colonization of Small Offshore Islands in Eastern African Prehistory." Journal of Island and Coastal Archaeology, 11:211–237, 2016
- ↑ Fleisher, Jeremy, et al. "Ceramics and the Early Swahili: Deconstructing the Early Tana Tradition." African Archaeology Review (2011) 28:245–278
- ↑ Ouledi, Ahmed, and Mahmoud Ibrahime. 2007. Les Comores Au Jour Le Jour: Chronologie. Moroni: Komedit.