Wikipedia

Mobile Legends: Bang Bang

Mobile Legends: Bang Bang (Mandarin: 无尽对决, pinyin: wújìn duìjié) adolah sabuah pamainan piranti mangarik barupo MOBA nan dikambangkan jo ditabikan dek Moonton.[1]

Alua pamainan suntiang

Mobile Legends: Bang Bang adolah sabuah pamainan MOBA nan dirancang untuak hape. Kaduo tim nan bamain bajuang untuak mancapai dan mahancuaan tower musuah sambia mampatahanan tower tim inyo surang untuak magandalian jalan satapak, tigo "jalur" nan dikenali sabagai "top, "middle" jo "bottom", nan mahubuangan tower-tower.[2]

Di masiang-masiang tim, ado limo pamain nan masiang-masiang magandalian avatar, nan disabuik sabagai "hero", dari parangkaik inyo surang-surang. Karakter takontrol komputer nan labiah lamah, nan disabuik "minions", batalua di tower tim nan bajalan magikuikan tigo jalur ka tower tim lawan, malawan musuah jo menara.[3]

Kontroversi hak cipta suntiang

Riot Games, parusahaan nan magambanggan jo manabikan pamainan PC League of Legends, mangajuan gugatan pado tanggal 11 juli 2017 kapado pagambang Mobile Legends: Bang Bang ko yaitunyo Shanghai Moonton Technology ka Pangadilan Negeri California karano alah malangga babarapo merek dagang dalam pamainan tasabuik.[4] Gugatan tasabuik didasarkan ateh dugaan palanggaran kakayoan intelektual dek Moonton, para pangacara Riot Games manutuakan dalam gugatannyo, bahwasanyo Moonton malakuan palanggaran ateh kakayoan intelektual malalui pamainan video nan inyo kambangkan, yaitunyo Magic Rush: Heroes Mobile, Legends: 5v5 MOBA (namo partamo kali sabalum Mobile Legends: Bang Bang).[5] Palanggaran tasabuik, antaro lain, manganai aspek logo, karakter, rancangan peta, rancangan hero, jo rancangan monster.[6] Inyo pun malangkoki surek gugatan jo ilustrasi untuak mampaliekan aspek-aspek palanggaran kakayoan intelektual nan dilakuan dek Moonton.[7]

Moonton kamudian marilih sabuah parnyataan pado hari nan samo malalui halaman Facebook nan mangklaim bahwo "hak ciptanyo alah tadaftar jo dilindungi di banyak negara di sado alah dunia". Salanjuiknyo diklaim dek Moonton bahwa inyo mampunyoi hak kakayoan intelektual dan mangancam tindakan hukum baliak kapado media jo pesaing karano mambaritaan jo manyebaan informasi palsu tentang Moonton jo pamainannyo.[8][9]

Karakter suntiang

Pado dasarnyo karakter pado mobile legends dibedaan manjadi 6 role diantaranyo; Marksman, Fighter, Tank, Mage, Assasin, jo Support. Satiok role ko mampunyoi spesialisasi jo kamampuan nan unik, total jumlah karakter hero saat Mei 2023, elok pado server original maupun advance adolah 120 hero.

Moonton sacaro taratur bakarajosamo jo negara-negara di Asia Tenggara nan marupokan pangsa pasa inyo nan paliang gadang karano disinan pemain Mobile Legends tabanyak di dunia, dengan mambuek karakter baru balata balakang sijarah atau carito rakyat masiang-masiang negara untuak maningkekan daya tarik pamainan. Karakter nan badasaan karajosamo tasabuik yaitunyo Lapu Lapu (Philiphina), Minsitthar (tainspirasi dari Kyansittha; Myanmar), Kadita (tainspirasi dari Nyai Roro Kidul; Indonesia), jo Badang (Malaysia)

Rujuikan suntiang

  1. ↑ Suckley, Matt (8 Maret 2018). "Mobile Legends is quietly out-grossing Arena of Valor in many countries". Pocket Gamer. Diakses tanggal 28 Febuari 2021.
  2. ↑ Fauzi, Moch Prima (12 Juni 2017). "Tips dan Trik Bermain 'Mobile Legends: Bang Bang'". Okezone.com. Diakses tanggal 28 Febuari 2021.
  3. ↑ Khalid, Umair (19 Juni 2017). "Mobile Legends Jungle Guide – Jungling Tips, Best Junglers, Monster Respawns, Buffs, How to Farm Jungle" Archived 2019-03-25 di Wayback Machine.. SegmentNext. Diakses tanggal 28 Feb 2021.
  4. ↑ "'League of Legends' creator sues 'Mobile Legends' developer for copyright infringement". Inquirer.net. 11 Juli 2017. Diakses tanggal 28 Feb 2021.
  5. ↑ "Mobile Legends Digugat Atas Tudingan Menjiplak Riot Games". Pikiran Rakyat. 12 Juli 2017. Diakses tanggal 12 Juli 2017.
  6. ↑ "Riot is suing a mobile game company for copyright infringement, and it's definitely not hard to see why" Archived 2017-09-01 di Wayback Machine. (dalam bahaso Inggrih). Diakses tanggal 28 Feb 2021.
  7. ↑ TechNode (11 Juli 2017). "Gugatan Riot Games Ancam Keberadaan Mobile Legends: Bang Bang" Archived 2017-11-20 di Wayback Machine.. Wikiba.asia. Diakses tanggal 28 Feb 2021.
  8. ↑ "Mobile Legends: Bang bang". Mobile Legends on Facebook (dalam bahaso Inggrih). Diakses tanggal 27 Feb 2021.
  9. ↑ "Mobile Legends Dev Releases Statement Re: Riot Suing Mobile Legends". YugaTech. 12 Juli 2017. Diakses tanggal 27 Feb 2021.
Diambiak dari "https://min.wikipedia.org/w/index.php?title=Mobile_Legends:_Bang_Bang&oldid=3144621"