Moammar Emka's Jakarta Undercover
Moammar Emka's Jakarta Undercover atau Jakarta Undercover: Refleksi Cinta, Pesta, dan Realita adolah film nan berasal dari Indonesia. Film dengan genre drama dan roman iko diangkek dari carito novel karya Moammar Emka.[1]
| Moammar Emka's Jakarta Undercover | |
|---|---|
| Sutradara | Fajar Nugros |
| Produser | Susanti Dewi |
| Panulih | Piu Syarif Fajar Nugros Moammar Emka |
| Pamain | Oka Antara Baim Wong Ganindra Bimo Tiara Eve Tio Pakusadewo |
| Musik dek | Threehouse Sound |
| Sinematografi | Padri Nadeak |
| Panyuntiang | Yoga Krispratama |
Parusahaan produksiy | Grafent Pictures Demi Istri Production |
Tangga rilis | 23 Februari 2017 |
Durasi | 129 menit |
| Nagara |  Indonesia |
| Bahaso | Indonesia |
Film Moammar Emka nan kaduo iko disutradarai jo Fajar Nugros sakaliguih ditulih langsuang jo inyo. Panulih novel pun ikuik andil dalam manulih naskah film basamo jo Piu Syarif dan Fajar Nugros. Film nan mancaritoan tantang sisi lain atau dunia malam ibu kota iko ditayangkan pado 23 Februari 2017 dan dibintangi jo artis nan alah bapangalaman. Artis tasabuik mode Oka Antara, Baim Wong, Ganindra Bimo, Tiara Eve, jo Tio Pakusadewo.[2]
Sinopsis
suntiangFilm Moammar Emka's Jakarta Undercover marupokan film nan diadaptasi dari sabuah novel. Novel tasabuik ditulih jo Moammar Emka dengan judul nan samo.[3]
Film iko mangisahkan tantang saurang pria banamo Pras. Pras marupokan pria daerah nan pai ka ibu kota yaitu Jakarta untuak manjadi jurnalis. Inyo nio manjadi jurnalis nan sukses jo baguno untuak banyak urang. Satalah sampai di Jakarta, Pras karajo di sabuah parusahaan media nan produknyo majalah. Di sinan, Pras barado di bawah naungan Djarwo. Djarwo adolah pamimpin redaksi di parusahaan media tasabuik.[2][3]
Bajalannyo hari, Pras nio mampunyoi tulisan nan manonjol namun sayang kaadaan politik wakatu itu indak panas sahinggo inyo indak dapek manulih banyak tantang politik. Akhirnyo inyo manamukan sabuah topik, yaitu manganai sisi lain dari ibu kota. Inyo sangaik baniat untuak mandapekan fakta dari topik tasabuik sahinggo inyo biso mambuek sabuah tulisan nan rancak.
Pras pun barusaho untuak mawujudkan kainginan inyo tasabuik. Namun sayang, idealisme nan inyo punyo luluh lantak satalah inyo tau kalau tulisan tasabuik akan dimanfaatkan untuak tujuan tatantu. Talabiah Pras alah kanal jo Awink. Awink marupokan cowok nan karajo sabagai panari malam. Batamu dengan Awink mampunyoi warno baru pado iduik Pras apolagi dari Awink lah Pras kanal jo Yoga. Yoga marupokan urang nan sangaik talibek dalam kahidupan malam ibu kota Jakarta.[2][4]
Kahidupan Pras barubah sajak kanal Awink jo Yoga, talabiah inyo banyak tau tantang kehidupan malam Jakarta. Ditambah lagi, Pras batamu Laura. Laura marupokan saurang model nan masuak ka dalam bisnis prostitusi. Dalam film iko, Pras dihadapkan pado babagai pilihan, mulai dari mangaja karir yaitu manjadi jurnalis nan sukses, atau mamiliah persahabatannyo.[4]
Daftar Pamaran
suntiangPamain Moammar Emka's Jakarta Undercover adolah:
- Oka Antara baparan sabagai Pras
Pras marupokan saurang pria daerah nan pai ka ibu kota. Inyo mampunyoi tekad jo cita-cita untuak manjadi wartawan nan hebat, sukses, dan baguno bagi banyak urang.[1][2]
Saaik inyo ka Jakarta, kondisi politik sadang indak banyak parangai, sahinggo inyo indak bisa manulih sasuatu nan revolusioner. Satalah inyo manamukan sabuah bahan tulisan nan acak, inyo manjadi sangaik sumangaik. Topik itu adolah pesta, alkohol, jo prostitusi, nan marupokan tigo elemen pantiang dibaliak kahidupan ibu kota.[5]
- Baim Wong baparan sabagai Yoga
Yoga adolah urang nan pantiang dalam bisnis dunia malam. Sabalum batamu Laura, Yoga maraso bahwa inyo indak mampunyoi kahidupan. Namun satalah batamu Laura, inyo jatuh cinta dan nio mambebahan Laura dari karajo di tampek nan indak ancak dan manyikso iduiknyo.[1][2][5]
- Ganindra Bimo baparan sabagai Awink
Awink adolah panari malam nan karajo di dalam kehidupan malam ibu kota. Inyo baparan sabagai laki-laki nan mode padusi, sahinggo maleok-leok bantuaknyo. Walaupun karajonyo mode itu, Awink marupokan sosok nan manyanangkan, setio kawan, jo sederhana. [1][2][5]
- Lukman Sardi baparan sabagai Djarwo
Djarwo marupokan pamimpin redaksi di kantua tampe Pras karajo. Inyo marupoakan wartawan nan idealis dan atasan nan dikagumi jo Pras. Djarwo adolah urang nan banyak ado di Indonesia, indak hanyo di Jakarta. Namun idealismenyo harus luruh karano realita.[1][5]
- Edo Borne nan baparan sabagai Frans
Dalam film iko, Frans digambarkan sabagai urang nan perhatian jo urang-urang dengan aura negatif. Inyo adolah saurang gembong narkoba sarato manjadikan banyak padusi sabagai anak buahnyo.[1][5]
- Tiara Eve baparan sabagai Laura
Laura adolah saurang model nan masuak ka dalam dunia bisnis prostitusi. Namun inyo harus terjun ka dunia itu untuak mamanuhi sagalo kabutuhan iduik.[1][2][5]
- Agus Kuncoro baparan sabagai mama San.[1]
- Richard Kyle baparan sabagai Ricky.[1]
- Nikita Mirzani baparan sabagai Sasha. Sasha marupokan salah satu urang nan talibaik dalam dunia malam.[1]
- Tio Pakusadewo baparan sabagai Agus Dharmono.[1]
Kontroversi Film
suntiangFilm nan mangusung tema kahidupan malam ibu kota ko mampunyoi banyak kontroversi lantaran alur carito nan disajikan. Banyak urang bapandapek bahwa film iko hanyolah film porno dan esek-esek. Namun, sang sutradara yaitu Fajar Nugros mangatokan bahwa film iko indak murni film porno.[6] Salain sisi dunia malam Jakarta, film iko sabatuanyo jugo manyoroti perilah padusi, premanisme, kamiskinan, sarato jertian kaum minoritas. Hal tasabuik adolah hal yang batua tajadi pado kanyataan, sahinggo diangkat pulo pado film iko.[7]
Oka Antara nan mamarankan Pras pun jugo bapandapek bahwa adegan seksualitas nan ado di dalam film memang ditujukan untuak film semato. Bahkan di film iko jugo manyoroti akan pertemanan. Kehidupan pertemanan antaro duo urang nan indak ado kawan jo indak punyo siapo-siapo namun salah satunyo harus berkhianat lantaran mempertahankan karir nan inyo nio.[8]
Ado 7 adegan nan kanai sensor jo Lembaga Sensor Film Indonesia. Beberapo diantaranyo yaitu adegan ciuman nan saharusnyo untuak panonton 16 tahun ka ateh, atau adegan remas dado nan saharusnyo untuak panonton 21 ka ateh. Ado pulo adegan buka bra nan di trailer indak kanai sensor, namun wakatu panayangan film kanai sensor.[6]
Penghargaan jo Nominasi
suntiang| Penghargaan | Tahun | Kategori | Penerima | Hasil |
|---|---|---|---|---|
| Usmar Ismail Awards | 2017 | Pamaran Pandukung Pria | Ganindra Bimo | Nominasi |
| Indonesian Movie Actors Awards | 2017 | Pamaran Pandukung Pria Terancak | Agus Kuncoro | Manang |
| Baim Wong | Nominasi | |||
| Pamaran Pandukun Pria Tafavorit | Agus Kuncoro | Nominasi | ||
| Baim Wong | Nominasi | |||
| Ansambel Tarancak | All cast | Nominasi |
Liek Pulo
suntiang- Jakarta Undercover, film dengan judul yang samo jo tayang pado tahun 2007.
Rujuakan
suntiang- ↑ a b c d e f g h i j k "Moammar Emka's Jakarta Undercover". imdb.com. imdb. Diakses tanggal 24 Desember 2020.
- ↑ a b c d e f g "Moammar Emka's Jakarta Undercover (2017)". filmindonesia.or.id. Diarsipkan dari versi asli tanggal 2020-12-02. Diakses tanggal 2020-12-24.
- ↑ a b Armenia, Resty. "'Supermarket Seks' dalam Film 'Jakarta Undercover' Baru". hiburan (dalam bahasa Indonesia). Diakses tanggal 2020-12-25.
- ↑ a b "'Jakarta Undercover': Sisi gelap ibukota dan seksualitas yang membabi buta". Rappler (dalam bahasa Inggris). Diakses tanggal 2020-12-25.[pranala nonaktif permanen]
- ↑ a b c d e f "Mengenal Lebih Dalam Para Pemain 'Jakarta Undercover'". kumparan (dalam bahasa Indonesia). Diakses tanggal 2020-12-25.
- ↑ a b "Ada 7 Adegan 'Jakarta Undercover' yang Kena Sensor". kumparan (dalam bahasa Indonesia). Diakses tanggal 2020-12-25.
- ↑ "Refleksi Kemanusiaan di Film Jakarta Undercover". Republika Online (dalam bahasa Indonesia). 2017-02-22. Diakses tanggal 2020-12-25.
- ↑ Liputan6.com (2017-02-16). "Kata Oka Antara, Jakarta Undercover Tak Cuma soal Seksualitas". liputan6.com (dalam bahasa Indonesia). Diakses tanggal 2020-12-25.