Datuk Mohmed Misbun bin Mohd Sidek DMSM AMN BSD (lahia 17 Februari 1960) adolah mantan pamain bulu tangkih Malaysia. Misbun adolah anak tatuo dari limo basudaro Sidek nan tanamo.[1] Inyo kini adolah direktur tim bulu tangkih nasional junior Malaysia.[2] Kaluargo Sidek, nan tadiri dari Misbun, Razif, Jalani, Rahman, jo Rashid, kasadonyo manjadi pamain bulu tangkih tingkek dunia mawakili Malaysia sajak awa 1980-an inggo awa 2000-an.[3]

Misbun Sidek
Informasi pribadi
NamoBun
Namo lahiaMohmed Misbun bin Mohd Sidek
Kabangsaan Malaysia
Lahia17 Pebruari 1960 (umua 64)
Banting, Selangor, Federation of Malaya
Tinggi1.77 m (5 ft 10 in)
Taun aktif1978–1990
PeganganRight
Men's singles
Paringkek tatinggi2 (1983)
Profil di BWF

Karir suntiang

Misbun mandapek gala internasional partamonyo pado kajuaroan Jerman Tabukak taun 1981. Taun itu pulo inyo mambantu tim nasional Malaysia mamanangi medali perak di SEA Games. Dalam patandiangan beregu, inyo mangalahan pamain takamuko Indonesia jo juaro All England, Liem Swie King.[4] Ateh kabarasilannyo dalam patandiangan bulu tangkih, Misbun dilewakan sabagai Olahragawan Tabaiak Malaysia,[5] pancapaian nan ka diulanginyo lai duo taun kudian.[6]

Pado taun 1982, satalah mangalahan Morten Frost[7] jo Prakash Padukone[8] dalam patandiangan manuju final, Misbun gagal maraiah gala juaro Piala Dunia Bulu Tangkih 1982 satalah sabalunnyo mamimpin jo nilai 10-1 ateh Liem Swie King.[9] Inyo diingek juo dek servis "S" tipuannyo nan tanamo, nan manyabukan garakan kok tambuang indak manantu, sainggo binguang bana para lawan jo wasit kasadonyo. Servis ko mamuncuaan banyak parotes, jo akianyo dilarang dek Federasi Bulu Tangkih Internasional (IBF) pado taun 1982.[10]

Pada Oktober 1983, Misbun manjadi pamain profesional sarato manandatangani kontrak untuak diwakili dek International Management Group (IMG), nan maso tu mawakili juo bintang-bintang olahraga sarupo Björn Borg, Jimmy Connors, Jack Nicklaus, Arnold Palmer, Sebastian Coe, jo Alberto Salazar.[11]

Pada Januari 1985, kaluargo Sidek mambuek sijarah dek manjadi anggota kaluargo tabanyak nan sacaro basamo-samo mawakili nagara di lua nagari dalam suatu pesta olahraga nan samo. Misbun, Razif, Jalani, Rahman, jo Rashid tapiliah untuk mawakili Malaysia di kajuaroan Hong Kong Tabukak.[12]

Pada taun 1986, Misbun barasia mancapai final All England Tabukak sakali-kalinyo dalam maso karirnyo, tatapi inyo dikalahan dek Morten Frost.

Taun panuah taakia Misbun sabagai paringkek ateh bulu tangkih dunia iolah pado taun 1988, nan agak istimewa dek inyo barasia mambantu tim Piala Thomas Malaysia mangalahan saingan lamo mareka yaitu tim Indonesia[13] untuak partamo kalinya dalam 21 taun, walaupun di final akianyo mareka kalah jo tim Cino.[14].

Palatiah suntiang

Misbun masuak dalam staf palatih, samaso adiaknyo Rashid Sidek bamain tungga putra untuak tim Malaysia 1992 nan marabuik Piala Thomas satalah absen salamo 25 taun. Pado taun 1996, inyo jo saudara-saudaranyo mandirian klub bulu tangkih untuak mancari pamain baru nan berbakat, nan dinamokan Nusa Mahsuri.[15] Inyo manjadi palatiah di Nusa Mahsuri, klub bulu tangkih profesional patamo di Malaysia, sajak taun 1996 inggo 2002.

Inyo adolah palatiah tungga putra tim nasional Malaysia antaro taun 2003-2010. Inyo alah malatiah pamain tungga takamuko Malaysia sajak taun 1990-an, tamasuak Rashid, Hashim bersaudara, Roslin jo Muhammad Hafiz, sarato Lee Chong Wei. Di bawah asuhannyo, Lee mancapai final tungga putra Olimpiade 2008. Pado Juli 2017, Misbun diangkek baliak sabagai palatih kapalo tungga putra tim nasional Malaysia.[16]

Dalam budaya populer suntiang

Inyo diperankan dek Rosyam Nor dalam filem biopik 2018 tantang pamain bulu tangkih Malaysia Lee Chong WeiLee Chong Wei: Rise of the Legend nan dirilis pado 15 Maret 2018.[17]

Rujuakan suntiang

  1. "biodata Misbun Sidek". nusa-mahsuri.com. Diarsipkan dari versi asli tanggal 2017-06-18. Diakses tanggal 2017-05-28. 
  2. Peter, Fabian (2020-02-04). "(Updated) Misbun vows to produce a world beater". NST Online (dalam bahasa Inggris). Diakses tanggal 2020-02-15. 
  3. "Interview with Rashid Sidek". Diarsipkan dari versi asli tanggal 2017-06-13. Diakses tanggal 2017-05-28. 
  4. "Our Badminton Greats". www.viweb.mysite.com. Diakses tanggal 2017-05-28. 
  5. "NewspaperSG - Terms and Conditions". Diakses tanggal 2017-05-28. 
  6. "NewspaperSG - Terms and Conditions". Diakses tanggal 2017-05-28. 
  7. "NewspaperSG - Terms and Conditions". Diakses tanggal 2017-05-28. 
  8. "NewspaperSG - Terms and Conditions". Diakses tanggal 2017-05-28. 
  9. "NewspaperSG - Terms and Conditions". Diakses tanggal 2017-05-28. 
  10. Khys (2010-11-29). "Arkib Negara X: Servis Sidek diharamkan (1982)". Arkib Negara X. Diakses tanggal 2020-05-04. 
  11. "Misbun Sidek". www.pnm.gov.my. Diarsipkan dari versi asli tanggal 2017-12-09. Diakses tanggal 2017-05-28. 
  12. "NewspaperSG - Terms and Conditions". Diakses tanggal 2017-05-28. 
  13. "NewspaperSG - Terms and Conditions". Diakses tanggal 2017-05-28. 
  14. "NewspaperSG - Terms and Conditions". Diakses tanggal 2017-05-28. 
  15. "Lebih 50 pemain berguru dengan anak-anak Sidek". Malaysiakini (dalam bahasa Melayu). 2016-05-25. Diakses tanggal 2018-07-11. 
  16. "Get ready for Misbun: Chong Wei". NST Online (dalam bahasa Inggris). 2017-06-10. Diakses tanggal 2018-02-02. 
  17. "Get ready for Misbun: Chong Wei". NST Online (dalam bahasa Inggris). 2017-06-10. Diakses tanggal 2018-02-02.