Mestika Zed
Prof. Dr. Mestika Zed, M.A. (lahia di Batu Hampar, Akabiluru, Lima Puluh Kota, Sumatra Barat, 19 September 1955 – maningga di Padang, 1 September 2019 pado umua 63 taun)[1][2] adolah sajarawan Indonesia. Inyo marupoan guru basa sajarah di Universitas Negeri Padang jo Universitas Andalas. Inyo aktif manulih buku sarato sabagai kolumnis.[3]
 | |
| Biografi | |
|---|---|
| Lahia | 19 September 1955  Batuhampar |
| Kamatian | 1r September 2019 (63 tahun (id)  )Koto Padang |
| Kalompok etnis | Urang Minangkabau |
| Almamater | Universitas Indonesia |
| Kagiatan | |
| Karajo | Sejarawan (id) jo akademisi |
Mestika Zed marupoan saketek dari sajarawan Indonesia nan giat maluruihan jo mangoreksi sajarah bangso, tautamo takaik jo peran tanah kalahirannyo, Sumatra, nan salaml iko acok dikatapian dalam buku-buku sajarah nasional. Inyo aktif maluruihan sajarah Pamarintahan Darurat Republik Indonesia, Pamarintahan Revolusioner Republik Indonesia, jo sajarah Giyugun Sumatra, tigo peristiwa penting dalam sejarah Indonesia nan bapusek di Bukittinggi jo Padang (Sumatra Barat), nan salamo iko diabaian jo bahkan mandapek tampek ndak tahormat dalam sajarah Indonesia.
Pandidikan
suntiangMestika manamatan pandidikan D3 Pendidikan Sejarah di IKIP Padang (kini banamo Universitas Negeri Padang).[4] Sudahtu, inyo mamparoleh gala kasarjanaan di Jurusan Sejarah Universitas Gadjah Mada pado taun 1980. Kamudian, inyo malanjutikan ka Vrije Universiteit, Amsterdam jo maraih gala M.A. pado taun 1983. Sataun kamudian inyo maikuti program panyetaraan S2 di Jurusan Sejarah Universitas Indonesia. Pado tahun 1991 inyo mandapekan gala Ph.D dalam bidang sajarah di Vrije Universiteit.[5]
Karya
suntiang- Somewhere in the Jungle: Pemerintah Darurat Republik Indonesia, Pustaka Utama Grafiti, 1997
- Sumatra Barat di Panggung Sejarah, 1945-1998, Pustaka Sinar Harapan, 1998
- Ahmad Husein: Perlawanan Seorang Pejuang, Pustaka Sinar Harapan, 2001
- Kepialangan Politik dan Revolusi, Palembang 1900-1950, LP3ES, 2003
- Giyugun: Cikal-bakal Tentara Nasional di Sumatra, LP3ES, 2005
- Metode Penelitian Kepustakaan, Yayasan Obor Indonesia, 2008
Maningga dunia
suntiangMestika Zed maningga dunia di ICU RSUP Dr. M. Djamil Padang pado tanggal 1 September 2019, pukul 08.00 WIB. Janazah disamayaman di rumah duka, Jalan Gajah Mada 35, Padang.[6] Sakitar saribuan urang jamaah manyalatan almarhum di Mesjid Raya Al-Azhar UNP pado siang harinyo. Satalah disalatan, janazah dibaok ka kampuang halaman di Batuhampar untuak dimakaman.[7]
Referensi
suntiang- ↑ "BREAKING NEWS; Guru Besar Sejarah UNP Mestika Zed Meninggal". Harian Singgalang. 1 September 2019. Diakses tanggal 1 September 2019.
- ↑ "Indonesia Berduka: Sejarawan Mestika Zed Tutup Usia". Langgam.id. 1 September 2019. Diakses tanggal 1 September 2019.
- ↑ Mestika Zed, Metode penelitian kepustakaan (Tentang penulis), Yayasan Obor Indonesia, 2008
- ↑ https://antaranews.com/berita/1039384/sejarawan-unp-mestika-zed-meninggal-dunia
- ↑ Syofiardi Bachyul, Mestika Zed: Meluruskan dan Mengingatkan Sejarah, Padanngkini.com
- ↑ "archive copy". Diarsipkan dari versi asli tanggal 2019-09-05. Diakses tanggal 2019-09-07.
- ↑ https://www.topsatu.com/seribuan-orang-shalatkan-prof-mestika-zed/
| Wikimedia Commons mampunyoi media nan bahubuangan jo Mestika Zed |