Melinjo
Melinjo atau belinjo (Gnetum gnemon Linn.) adolah suatu spesies tanaman babijo tabukak (Gymnospermae) babantuak pohon nan asalnyo dari Asia tropik, melanesia, dan Pasifik Barat.[1] Melinjo juo dikenl jo namo sabutan maninjo (bahasa Makassar), ku'lang (bahasa Selayar), belinjo, mlinjo (bahasa Jawa), tangkil (bahasa Sunda) atau bago (bahasa Melayu dan bahasa Tagalog), khalet (Bahasa Kamboja), bidau (bahasa Melayu Kapuas Hulu).[1] Melinjo banyak ditanam di pakarangan rumah untuak panaduah atau pambateh pakarangan rumah dan buah jo daunnyo paliang utamo dimanfaatkan,[1] terutamo untuak dibuek makanan karupuak nan biaso disabuik karupuak ampiang.
Babeda jo anggota nan Gnetum lainnyo nan biasonyo marupokan liana, melinjo babantuak pohon dan mampunyoi batang nan luruih.[1]
Deskripsi botani
suntiangMelinjo marupokan tanaman tahunan berbijo tabukak, bantuaknyo sarupo pohon nan barumah duo (dioecious, ado individu jantan dan betina).[1] Bijonyo indak tabungkuih dagiang tapi tabungkuih kulik luar.[1] Batangnyo kokoh dan dapek dimanfaatkan sebagai bahan bangunan.[1] Daunnyo tongga sarupo oval oval jo ujuangnyo nan tumpul.[1] Melinjo indak menghasilkan bungo dan buah sejati karano bukan tamasuak tumbuahan babungo.[1] nan dianggap sebagai buah sabananyo adolah bijo nan tabungkuih oleh selapis aril nan badagiang.[1]
Tanaman melinjo dapek tumbuah mancapai 100 tahun labiah dan satiok panen raya mampu menghasilkan melinjo sabanyak 80 sampai 100 kg. Malinjo iko jiko indak dipangkeh tingginyo bisa mancapai 25 m dari permukaan tanah.[2]
Tanaman melinjo dapek dipabanyak dengan caro generatif (bijo) atau vegetatif (cangkokan, okulasi, panyambuangan dan stek).[2]
Tampek hiduik
suntiangTanaman melinjo dapek tumbuah di tanah-tanah nan liek atau lempung, bapasia jo bakapua, tapi indak tahan jo tanah nan taganang aia atau tanah nan punyo kadar keasaman nan tinggi dan dapk tumbuah dari ketinggian 0 - 1.200 m dpl.[2] Lahan nan akan ditanami melinjo harus tabuka atau kanai cahayo matohari, lubang tanam malinjo baukuran 60 X 60 X 75 cm, jo jarak tanam 6 - 8 m.[2]
Melinjo dapek ditamui di daerah nan kariang sampai tropis.[1] Untuak tumbuah dan berkembang, melinjo indak mamaralukan tanah nan bernutrisi tinggi atau iklim khusus.[1] Melinjo dapek beradaptasi jo rentang suhu nan luas.[1] Hal itulah nan menyebabkan melinjo sangat mudah untuak ditamukan di babagai daerah kecuali daerah pantai karano tumbuhan iko indak dapek tumbuah di daerah nan memiliki kadar garam nan tinggi.[1]
Di Indonesia tumbuhan melinjo indak hanyo bisa ditamui di rimbo jo pakabunan sajo.[2] Di beberapa daerah tumbuahan melinjo ditanam di pekarangan rumah atau kebun rumah dan dimanfaatkan oleh penduduk sacaro langsuang.[2]
Pemanfaatan
suntiangMelinjo jarang dibudidayakan sacaro intensif.[1] Kayunyo dapek digunokan untuak bahan papan dan alat rumah tangga sederhana.[1] Daun mudonyo (disabuik sabagai so dalam bahasa Jawa) digunokan sebagai bahan sayuran (misalnyo pada sayua asem).[1] Bungo (jantan maupun batino) dan bijonyo nan masih ketek-ketek (pentil) maupun nan alah masak dijadikan juo sebagai sayuran.[1] Biji melinjo juo dijakikan sabagai bahan baku emping.[1].Kulitnyo bisa dijadikan abon kulik melinjo.[1]
Kanduangan nutrisi
suntiang
Penelitian nan alah dilakukan untuak malinjo manunjuakkan bahasonyo melinjo menghasilkan senyawa antioksidan.[3] Aktivitas antioksidan iko didapekkan dari konsentrasi protein tinggi, 9-10 persen dalam satiok bijo melinjo.[3] Protein utamanyo baukuran 30 kilo Dalton nan sangat efektif untuak menghabisi radikal bebas nan manjadi penyebab babagai macam panyakit.[3]
Di Jepang dilakukan penelitian dan dilaporkan kalau melinjo tamasuak tumbuhan purba nan secara evolusi dakek jo tanaman Ginkgo biloba nan ado di Jepang.[3]
Ginkgo adolah spesies pohon hiduik paliang tuo, nan alah tumbuah salamo 150-200 juta tahun dan dipicayo sebagai tonik otak karano manguatkan daya ingek.[3] Daun Ginkgo juo punyo khasiat antioksidan kuat dan berperan pentiang dalam oksidasi radikal bebas penyebab penuaan dini dan pikun.[3]
Sampai saat iko, doktor biokimia dari Osaka Prefecture University, Jepang alah mangisolasi duo jenis protein nan manunjuakkan aktivitas antioksidan tinggi.[3] Dari kasadonyo bagian tumbuahan melinjo nan pernah diekstraknyo, mulai dari daun, kulit batang, akar, sampai biji, ditamukan protein paliang potensial adolah dari bijo.[3] Riset menunjuaakkan aktivitas antioksidan dari kanduangan fenolik ini setara jo antioksidan sintetik BHT (Butylated Hydroxytolune).[3]
Selain itu melinjo juo marupokan antimikroba alami.[4] Itu artinyo protein melinjo juo bisa digunokan sebagai pengawet alami makanan sekaligus obat baru untuak panyakit nan disebabkan dek bakteri.[4] Peptida nan diisolasi dari bijo melinjo diindikasikan punyo potensi aktif mahambek beberapa jenis bakteri gram positif dan negatif.[4]
Asam urat
suntiang
Banyak mitos nan mangatokan bahasonyo melinjo dapek menyebabkan kenaikan asam urat (Hiperurisemia) nan signifikan.[3] Hal iko batua karano melinjo manganduang purin.[4] Peningkatan asam urat tajadi karano gangguan metabolisme purin dan asupan purin tinggi dari makanan sacaro balabiahan.[3]
Hiperurisemia tajadi karano gangguan pangaluaran asam urat dek ginjal.[3] Hiperurisemia dapek dikaranoan oleh faktor genetik dan dapek diturunkan.[3] Konsumsi makanan nan punyo purin tinggi, konsumsi gulo dan lemak balabiahan dapek meningkekkan kadar asam urat.[3] Kegemukan, pangguno obat diuretik, diet panurunan berat badan, juo acok menyebabkan hiperurisemia.[3] Namun, jikok tidak dikonsumsi sacaro balabiahan dan caro pengolahannyo batua, indak akan manimbuakan asam urat.[3]
Konsumsi balabiahan dan minyak goreng nan digunokan untuak manggoreng emping hasil olahan melinjo tersebut nan manyebabkan kadar asam uratnyo maningkek.[3] Jadi, bukan melinjo itu sendiri nan menyebabkan asam urat, karano jikok disiapkan dalam bantuak makanan lain tanpa minyak dan indak dikonsumsi sacaro balebiahan indak akan manyebabkan peningkatan asam urat.[3]
Komoditi ekspor Indonesia
suntiangIndonesia adolah negara nan manjadikan bijo melinjo sebagai komoditi ekspor dalam jumlah nan cukuik banyak.[5] Melinjo akan dipanen dan menghasilkan buah setelah 5- 6 tahun setelah pananaman bijo.[5] Di daerah Sumatra Barat satiok tahunnyo dilaporkan menghasilkan 20.000- 25.000 buah melinjo dan produksi bijonya mencapai 80- 100 kg per pohon per tahun.[5]
Referensi
suntiang| Ado kategori tantang Melinjo di Wikimedia Commons |
| Wikispecies mempunyai informasi mengenai |
- ↑ a b c d e f g h i j k l m n o p q r s t (Inggirih) Manner HI, Elevitch. 2006. Gnetum gnemon (gnetum)Diakses pada 4 Apr 2010.
- ↑ a b c d e f Cerianet C. Budidaya Tanaman Melinjo[pranala nonaktif permanen][pautan nonaktif salamonyo]Diakses pada 4 Apr 2010.
- ↑ a b c d e f g h i j k l m n o p q r Pudjiatmoko. 2007. Potensi melinjo di JepangDiakses pada 4 Apr 2010.
- ↑ a b c d Tjandra D. 2007. Antioksidan dari Biji Melinjo Archived 2023-09-09 di Wayback Machine.[pautan nonaktif salamonyo]Diakses pada 4 Apr 2010.
- ↑ a b c Cadiz RT, Florido HB. 2001. Bago: Gnetum gnemon Linn. Research Information system 13(2).