Wikipedia

Mazda MX-6

Mazda MX-6 marupoan oto nan punyo sistem gerak roda muko nan marupoan hasil desain dari Hiroshi Yamamoto pado tahun 1985. Oto ko dipasaran mulai dari taun 1987 inggo 1997 di Amerika Serikat dalam duo generasi.[1] Sacaro mekanik, oto ko identik jo Capella/626 jo Ford Probe nan punyo model GD (1988–1992) jo GE (1993–1997). MX-6 ko manggantian seri Coupe 626. MX-6, 626, jo Ford Probe diproduksi di pabrik AutoAlliance di Flat Rock, Michigan untuak pasa Amerika Utara, sarato diproduksi dek Mazda Jepang untuak pasa Asia jo Eropa. Di Indonesia, hanyo MX-6 generasi patamo nan dijua. Mazda MX-6 generasi kaduo mamulai debutnyo pado taun 1992. Namun Mazda MX-6 gagal mandapekan banyak pangguno sahinggo Mazda mamutusan untuak maelo baliak dari pasa sasudah 11 tahun jo duo generasi.[2][3]

Mazda MX-6
Panjalehan
PabrikanMazda
Tahun dibuek1987–1997
Kantua cabang
Badan jo karangko
Tipe otoMid-size car
Bantuak oto2-door coupé
Masin otoFront-engine, front-wheel-drive
Parusahaan induakMazda G platform
Samo jo
Pajalanan produksi
PandahuluMazda 626 coupé (GC)

Generasi Patamo

suntiang
 
Mazda MX-6 taun 1988-1992
First generation
 
Panjalehan
Namo lainyo
  • Mazda 626 Coupé
  • Mazda Capella C2
Tahun dibuek1987–1992
ParancangHiroshi Yamamoto (1985)
Badan jo karangko
Parusahaan induakMazda GD platform
Samo jo
Tanago oto
Masin
Tipe papindahan gigi

Mazda MX-6 generasi patamo kalua pado taun 1987 balangsuang inggo 1992 di Amerika Serikat. Pasar Amerika Serikat manggunoan masin F2 2,2 liter, jo masin dasar nan mangasilan 110 hp (82 kW) sarato manyadioan versi 145 hp (108 kW). Versi pasa Eropa jo Jepang dikirim jo masin F8 1.8 L, FE 2.0 L atau FE-DOHC 2.0 L DOHC. MX-6 diproduksi jo duo pilihan transmisi, transmisi manual limo kecepatan atau otomatih ampek kecepatan dengan.[4]

Generasi patamo MX-6 ko tasadio dalam level-level trim nan tagantuang dari pasa tampek manjuanyo. Di Amerika Serikat, MX-6 tasadio dalam anam level trim DX, LX, LE, jo GT. DX marupoan model bare bones nan punyo basis 110 hp (82 kW)/130 lb⋅ft (176 N⋅m) jo masin F2 2.2 L. LX marupoan model Leather Edition nan manambahan daya jendela, panguncian, kaco jo moonroof listrik. Di model LX ko tampek duduaknyo dilapihan jo kulik sarato alah dilangkoki jo transmisi manual. Sadangkan model GT masinnyo F2T 2.2 L nan ditambahan jo turbo nan bisa mangaluaan tanago 145 hp (108 kW) jo torsi 190 lb 25ft (258 N⋅m). Salain itu model GT punyo rem cakram ampek roda jo ABS, suspensi tigo arah (AAS) nan dapek disasuaian.[4]

Spesifikasi nan dikiriman untuak Eropa yaitu Coupe 626 nan pado umumnyo bamasin SOHC F8 1,8 L atau SOHC FE 2,0 L dalam model GLX, atau mesin 2,0 L FE-DOHC dalam model GT. Untuak spesifikasi di Australia, acok manggunoan masin F2T 2,2 L sarato 4WS. Spesifikasi di Japang dikiriman nan modelnyo Capella C2 nan tasadio dalam sajumlah pilihan trim, diantaronyo GT-R (FE-DOHC jo 4WS), GT-X (FE-DOHC jo AAS) atau GT-S (F8 jo 4WS atau AAS). Di Selandia Baru, spesifikasinyo bamasin F2T 2.2 L atau FE-DOHC 2.0 L DOHC jo 4WS opsional.[5]

Tadapek puo Mazda masin seri FE-3N 2000cc DOHC. Masin ko manggunoan sistem injeksi nan dapek mangaluaan tanago maksimum sakitar 148Hp jo torsi 180Nm. Jo masin iko lah MX-6 dapek manjadi juara di Sentul nan baru sajo salasai dibangun pada wakatu tu. Caro pamasaran nan dilakuan dek Mazda iolah manunjuakan basonyo oto ko bisa mancapai 200 km/jam jo wakatu nan singkek. MX-6 ko adolah oto sedan nan 2000 cc labiah capek dibandiangan jo Mitsubishi Eterna GTi nan sajajar dalam kelasnyo.

Generasi Kaduo

suntiang
 
1992 Mazda MX
Second generation
 
Panjalehan
Namo lainyoMazda MX-6 Mystère (Canada)
Tahun dibuek1991–1997
ParancangYasuo Aoyagi (1989)
Badan jo karangko
Parusahaan induakMazda GE platform
Samo jo
Tanago oto
Masin
  • 2.0 L 130 hp (97 kW; 132 PS) FS-DE I4
  • 2.0 L 159 bhp (119 kW; 161 PS) KF-ZE V6
  • 2.5L 164 hp (122 kW; 166 PS) KL-DE V6
  • 2.5L 198 hp (148 kW; 201 PS) KL-ZE V6
Tipe papindahan gigi

Generasi kaduo Mazda MX-6 manggunoan model GE nan mulai dipasaran pado taun 1992-1997. Pado generasi kaduo ko MX-6 punyo sajumlah tipe nan babeda, tagantuang dima dijuanyo. Untuk Amerika tasadio tipe A-spec, di Eropa tasadio E-spec sarato untuak Japang dipasaran jo tipe J-spec. Untuak sadolah tipe tu hanyo tasadio dalam duo tipe masin, 2.000 cc Inline4 jo 2.500 cc V6.[6]

Spek-A

suntiang

Tipe spesifikasi A ko dipasaran khusus untuak pasa Amerika. MX-6 tipe ko mampunyoi duo tipe masin bakapasitas 2.200 cc nan modelnyo I4 F2 batanago 110 dayo kudo jo torsi 82 kW, sarato 2.200 cc turbo nan bamodel I4 F2T batanago 145 dayo kudo jo torsi 108 kW. Pado tahun 1995, MX-6 generasi kaduo ko dipabarui jo manambah pelek roda nan babeda jo parubahan emisi. Parubahan lainnyo yaitu panambahan OBD-II ka oto. Dek karano panambahan tu, 164 hp (122 kW) diturunan manjadi 160 hp (120 kW).[7]

Spek-E

suntiang

Tipe spesifikasi E ko dipasaran di Eropa manggunoan ampek varian masin diantaronyo 1.800 cc batanago 110 dayo kudo, 2.000 cc batanago 112 dayo kudo, 2.000 cc batanago 145 dayo kudo jo 2.200 cc batanago 145 dayo kudo. Spesifikasi E ko punyo lampu muko jo lampu balakang nan babeda dari tipe sabalunnyo dek karano pangaturan proyektornyo nan mambuek pancahayoan jauah labiah tarang. Salain itu tadapek pulo pabedaan di bumper muko jo balakang, lampu kabuik, spion, stir, jo trim bagian dalam.[8]

Spek-J

suntiang

Spesifikasi J ko kalua pado taun 1991, bantuaknyo mirip jo spesifikasi E dek karano tampek pambuatannyo samo, tapi tetap ado parubahan-parubahan ketek. Untuak pasa Japang manggunoan duo varian masin, yaitu 1.800 cc batanago 80 dayo kudo, jo 2.000 cc batanago 145 dayo kudo nan samo digunoan untuak pasa Eropa.[9]

Generasi kaduo ko tampak labiah modern katiko diluncuan pado taun 1993 jo bodi nan labiah rampiang sarato interior nan labiah canggih. Salain itu tadapek pulo sajumlah paningkatan dibandiang spesifikasi lainnyo, diantaronyo paningkatan kacepatan, harago nan kompetitif, pamakaian bahan bakar nan imaik, pananganan jauah labiah ancak, stabil jo interiornyo nan mewah. Tadapek pulo fitur langka sarupo masin V6 nan tahubuang ka ransisi manual jo sistem panggarak roda muko (FWD).[9]

Model

suntiang
Taun Model Masin Dayo Torsi 0–60 mph (97 km/h)(s) 1/4 mi (0.4 km) Kacepatan tatinggi
1988–1992 DX, LX, LE 2.2 L (2184 cc) F2 I4 110 hp (82 kW) 130 lb⋅ft (176 N⋅m) 9.9 17.0 at 88 mph (142 km/h) 126 mph (202 km/h)
1988–1992 GT 2.2 L (2184 cc) F2T turbo I4 145 hp (108 kW) 190 lb⋅ft (258 N⋅m) 7.5 15.4 at 92 mph (148 km/h) 130 mph (209 km/h)
1993–1997 RS 2.0 L (1991 cc) FS I4 130 hp (97 kW) 127 lb⋅ft (172 N⋅m) 116 mph (187 km/h)
1993–1997 LS 2.5 L (2497 cc) KL-DE V6 164 hp (122 kW) at 5600 rpm 160 lb⋅ft (217 N⋅m) at 4500 rpm 8.5 15.7 at 92 mph (148 km/h) 138 mph (224 km/h)
1993–1997 LS 2.5 L (2497 cc) KL-ZE(J-Spec) V6 200 hp (149 kW) at 6500 rpm 165 lb⋅ft (224 N⋅m) at 5500 rpm 7.0 15.1 at 97 mph (156 km/h) 141 mph (227 km/h)

Galeri

suntiang
  •  
    Mazda MX-6 GE
  •  
    Mazda MX-6 GD
  •  
    Mazda MX-6 LS

Rujuakan

suntiang
  1. ↑ "Here Are Five Reasons Why You Need To Buy A Mazda MX-6 Right Now". Jalopnik (dalam bahasa Inggris). Diakses tanggal 2020-03-22. 
  2. ↑ "Mercedes-AMG GT Black Series could come with 700 hp to challenge 720S, 911 GT2 RS". Motor Authority (dalam bahasa Inggris). Diakses tanggal 2020-03-22. 
  3. ↑ Widiutomo, Aditya. "Masih Ingat Mazda MX-6? Generasi Terbarunya Akan Dilahirkan Kembali!". Oto Driver (dalam bahasa Indonesia). Diakses tanggal 2020-03-22. 
  4. ↑ a b "Ikuti Jejak Toyota, Mazda Akan Lahirkan Kembali Mobil Legendaris MX-6". iNews.ID (dalam bahasa Indonesia). 2018-12-07. Diakses tanggal 2020-03-22. 
  5. ↑ "Nama Mazda MX-6 sudah dipatenkan, apakah akan menjadi 6 coupe?" (dalam bahasa Inggris). Diarsipkan dari versi asli tanggal 2020-03-22. Diakses tanggal 2020-03-22. 
  6. ↑ "The Mazda MX-6 is the sports car time forgot". CarsGuide. Diakses tanggal 2020-03-22. 
  7. ↑ Katana, Satria (2018-12-06). "Nama Mazda MX-6 Dipatenkan, Akankan Menjadi 6 Coupe?". AutonetMagz :: Review Mobil dan Motor Baru Indonesia (dalam bahasa Inggris). Diakses tanggal 2020-03-22. 
  8. ↑ "Mazda MX-6 Specs, Dimensions and Photos | CAR FROM JAPAN". carfromjapan.com. Diakses tanggal 2020-03-22. 
  9. ↑ a b "MAZDA MX-6 specs & photos - 1992, 1993, 1994, 1995, 1996, 1997". autoevolution (dalam bahasa Inggris). Diakses tanggal 2020-03-22. 
Wikimedia Commons mampunyoi
media nan bahubuangan jo
Mazda MX-6
Diambiak dari "https://min.wikipedia.org/w/index.php?title=Mazda_MX-6&oldid=2464418"