Maya Lestari G.F.

Maya Lestari G. F. laia di Padang Panjang pado 18 Agustus 1980. Inyo manyalasaian sikola dasarnyo di SD Kompi Senapan C Kabupaten 50 Kota. Satamaik SD, inyo malanjuikan sikolanyo ka SMPN 1Kecamatan Harau. Sudah tu, inyo manamaikan sikola manangah atehnyo di SMAN 1Kecamatan Harau, Kabupaten 50 Kota. Inyo kudian pindah ka Padang dek malanjuikan sikolanyo ka Diploma Sekretaris, AIM Padang. Sudah tu, inyo manaruihan sikola S1-nyo di Jurusan Jurnalistik, IAIN Imam Bondjol Padang.

Maya Lestari G.F mulai manulih sajak taun 1999. Inyo mulai manulih cerpen jo novel. Salain manulih carito fiksi, maya manulih artikel pulo jo buku carito untuak anak-anak. Salain manulih, Maya pernah karajo jadi redaktur suplemen remaja Pmails, Harian Padang Ekspres (Jawa Pos Grup). Salain tu, inyo juo maaja anak-anak jo urang gadang caro-caro manulih nan rancak. Maya jadi salah surang nan mambuek Kelas Kreatif Indonesia Sumatra Barat. Kelas Kreatif Indonesia (KKI) tu adolah organisasi nan indak maambiak labo. Organisasi ko mauruih bidang nan mangambangan literasi di anak-anak SD di Sumatra Barat, bakarajo samo jo Perpustakaan Provinsi Sumbar, Dinas Pendidikan Kota Padang, Harian Rakyat Sumbar, dan Harian Umum Haluan.

Maya juo maaja di homeschooling. Inyo mamimpin redaksi Majalah Glosaria nan ditabikan dek Pustaka Daerah Sumatra Barat. Maya aktif maaja di kelaih cartio anak jo urang mudo. Dalam satu wawancara jo Anggi Septianto dari Alinea TV, maya mancaritoan awal cintonyo jo raso katertarikannyo dalam manulih. Inyo maraso dari kaduo urang tuonyolah raso cintonyo ka dunia tulih manulih bamulo. Waktu ketek, apaknyo acok mandongeng. Apaknyo acok juo mambalian buku carito untuak Maya ketek. Keluarga apaknyo juo manjadi urang nan baperan dalam mambantuak raso cinto Maya ka dunia tulih manulih. Satiok kali batandang ka rumah, Pak Wo jo Mak Wonyo acok mambaoan buku-buku,antah itu buku carito buku fiksi atau non fiksi. Dari buku-buku itulah Maya baraja manulih.

Maya manarimo Adhikarya IKAPI Writer of the Year 2023. Suatu tando pengakuan ateh dedikasinyo salamo ko dalam dunia tulih menulih.

^[1]^[2]^[3]^[4]

Rajuakan

↑ Wawancara Anggi Septianto dengan Maya Lestari GF di AlineaTV pada 4 Agustus 2014 diunduh dari https://www.alineatv.com/2014/08/maya-lestari-gf-menulis-adalah-jiwa-saya/ pada 15 Agustur 2017.
↑ Buku Pengarang Sumatera Barat Era Reformasi (1998—2013) nan disusun oleh Armini Arbain diterbitkan di Pare, Kediri oleh Fam Publishing.
↑ https://mayalestarigf.com/tentang-penulis/ diunduh pada 20 September 2017
↑ https://www.goodreads.com/author/show/3082340.Maya_Lestari_GF diunduh pada 15 September 2017

[1] Wawancara Anggi Septianto dengan Maya Lestari GF di AlineaTV pada 4 Agustus 2014 diunduh dari https://www.alineatv.com/2014/08/maya-lestari-gf-menulis-adalah-jiwa-saya/ pada 15 Agustur 2017.

[2] Buku Pengarang Sumatera Barat Era Reformasi (1998—2013) nan disusun oleh Armini Arbain diterbitkan di Pare, Kediri oleh Fam Publishing.

[3] ttps://mayalestarigf.com/tentang-penulis/ diunduh pada 20 September 2017

[4] ttps://www.goodreads.com/author/show/3082340.Maya_Lestari_GF diunduh pada 15 September 2017

[1]

[2]

[3]

[4]