Masril Koto
Masril Koto adolah pandiri Bank Tani atau Bank Petani dalam bantuak Lembaga Keuangan Mikro Agrobisnis (LKMA) Prima Tani di Nagari Koto Tinggi, Baso, Agam, Sumatera Barat. Masril basamo kawan patani lainnyo marintis limbago kauangan tu sajak taun 2002, namun sasudah ampek taun kudian (2006) baru rasmi didirian sasudah Masril jo kawan-kawan pataninyo mandapek-an palatihan kauangan dalam bantuak akutansi saderhana dari Yayasan Alumni Fakultas Patanian Universitas Andalas (AFTA), Padang. Sistim bank nan didiriannyo tu diadopsi dek pamarentah nan manjadi cikal bakal Program Pangambangan TV Archived 2018-03-28 di Wayback Machine. Usaho Agribisnis Padesaan (PUAP) Nasional.[1] [2] [3] [4] [5] [6] [7]
Masril Koto | |
|---|---|
| Lahia | |
| Kabangsaan |  Indonesia |
| Dikana dek | - Panggiat ekonomi patani - Pandiri LKMA Prima Tani |
Bank Tani suntiang
Masril mandirian sabuah limbago kauangan nan banamo LKMA Prima Tani, tampek para patani dapek mandapek-an pinjaman untuak tambahan modal usaho. Banyaknyo patani nan sulik mancari pinjaman modal mainspirasi Masril untuak mambantuak limbago kauangan para patani nan disabuiknyo Bank Tani atau Bank Patani tu. Masril manjadi pandiri LKMA Prima Tani di Nagari Koto Tinggi sarato 580 LKMA nan lain nan taseba di saantero Sumatera Barat nan kasadonyo mampunyoi aset mancapai 100 miliar rupiah.[2] Satiok LKMA nan dibinanyo mampunyoi minimal 5 karyawan nan biaso diambiak dari anak-anak patani, tarutamo mareka nan putuih sakola. Hal iko dimukasuik-an untuak mangurangi angko pangangguran.
Bank Tani Maros suntiang
Kini ko, Masril sadang bausaho mandirian LKMA atau Bank Tani di Kecamatan Tanralili, Kabupaten Maros, Sulawesi Salatan. Niaik baiaknyo ko nyo kamukoan dihadapan pajabaik bank, guru basa, ekonom, sarato palaku usaho nan mahadiri Saminar Nasional Inklusi Kauangan Kawasan Timur Indonesia di Hotel Sahid Makassar, dima Masril nan cuma mamakai sandal japik manjadi pambicaro dalam kuliah umum tu.[2] Masril mamfokuskan Bank Tani Maros untuak patani lado talabiah dulu, sabalun marambah patani-patani lainnyo, jo caro nan samo sarupo Bank Tani nan didiriannyo di Sumatera Barat sarato tatap mamparatian kaarifan lokal. Kamajuan Bank Tani Maros nampak dari alah adonyo 100 petani nan ka manjadi pamacik saham partamo, dima patani-patani tu mayoritas adolah patani nan indak manikmati Kredit Usaho Rakyat (KUR).
Kahidupan suntiang
Masril Koto adolah anak partamo dari salapan basudaro. Laki-laki bakulik lagam ko barasa dari Kecamatan Baso, Kabupaten Agam, Sumatera Barat.[2] Di kampuang halamannyo, Masril adolah patani jo pataranak. Namun, sajak taun 2006 Masril adolah surang bankir. Masril baparawakan ketek, bakulik sawo masak, basunguik labek, batampang lucu, sarato murah sanyum.[3]
Masril-pun surang nan saderhana. Hal iko nampak dari panampilannyo dalam satiok acara. Misalnyo, Masril manggunoan sandal japik katiko manjadi pambicaro dalam Saminar Nasional Inklusi Kauangan Kawasan Timur Indonesia di Hotel Sahid Makassar[2] sarato manggunoan kaus putiah jo jaket sarato sarawa kain hitam dalam acara Kick Andy nan mambueknyo sabagai tamu paliang saderhana di antaro tamu lainnyo.[3]
Pandidikan suntiang
Masril adolah suorang nan indak tamaik Sakola Dasar (SD).[3] Masril maninggaan bangku SD katiko barado di kelas 4 karano kendala kauangan.[7] Masril cuma pernah maikuti sakola lapangan (SL) patani dari Dinas Patanian Sumbar di Nagari Tabek Panjang,Kecamatan Baso, Kabupaten Agam.[1]
Pangaragoan suntiang
- Danamon Award (2010)
- Indonesia Baprestasi Award (2010)
Rujuak-an suntiang
- ↑ a b Masril Koto: Pendiri Lembaga Keuangan Mikro Agribisnis (LKMA) Prima Tani dan Konsultan Perusahaan Belanda nan Tidak Lulus SD - IndonesiProud (29 Juni 2010)[pranala nonaktif permanen]
- ↑ a b c d e "Dari Padang sampai Maros Mendirikan Bank Tani - Koran Tempo (22 November 2011)". Diarsipkan dari versi asli tanggal 17 December 2008. Diakses tanggal 8 May 2013.
- ↑ a b c d Masril Koto, Founder Ratusan Lembaga Keuangan Petani di Sumbar: Banker Sukses nan Tak Lulus Sekolah Dasar - Jawa Pos National Network (24 November 2010)
- ↑ Keluguan Pembela Tani dari Agam Memberdayakan Agribisnis - BisaTV
- ↑ "Masril Koto Berbagi Cerita Keberhasilan dari Padang - Bale Bengong (24 Februari 2011)". Diarsipkan dari versi asli tanggal 2011-11-10. Diakses tanggal 2013-05-08.
- ↑ "Masril Koto, Sosok Pahlawan Petani Indonesia - Kompasiana (4 November 2010". Diarsipkan dari versi asli tanggal 26 November 2010. Diakses tanggal 8 May 2013.
- ↑ a b Masril Koto - Ashoka