Masin bajak

Masin bajak, atau traktor tangan, atau disabuk juo jo traktor roda duo adolah sabuah masin pertanian nan dapek digunoan untuak maolah tanah atau lahan. Traktor ko digarakan dek masin nan barado dibagain balakang bajak nyo. Bahan baka untuak manggarakan masin bajak ko biasonyo babahan solar ataupun bensin tangantuang dari jinih dari masih bajaknyo. Disabuki juo jo traktor tangan karano masin bajak ko dikandalian jo kaduo tangan dimano tadapek kopleng pangandali jo tueh gas untuak manggarakan masin dibagian tangkai balakang masin.

Masin bajak atau disabuik juo traktor tangan

Klasifikasi

Masin bajak dapek diklasifikasikan badasarkan bahan baka dan gadangnyo dayo motor. Badasarkan bahan bakarnyo, masin bajak dapek dibedakan ateh:

1. Masin Bajak babahan bakar solar
2. Masin Bajak babahan bakar bensin
3. Masin Bajak babahan bakar minyak tanah atau kerosin

Badasarkan daya motor, Masin bajak dapek dibedakan ateh:

1. Masin bajak baukuran ketek dengan tanago panggerak < 5 Hp
2. Masin bajak baukuran sadang dengan tanago panggerak 5-7 Hp
3. Masin bajak baukuran gadang dengan tanago panggerak 7-12 Hp

Bagain-bagian masin bajak

Tanago panggerak motor

Pado masin bajak, jinih tanago panggerak nan acok dipakai adolah motor diesel. Salain motor diesel, ado nan manggunoan motor bensin atau minyak tanah atau kerosin. Dengan manggunoan masin ciek silinder, dayo nan dihasiakan kurang dari 12 Hp. Pado karangko dipasang motor panggerak dengan ampek buah bauik pangancang. Lubang bauik pado karangko dibuek mamanjang bia posisi motor dapek digarakkan maju mundur. Tujuannyo adolah untuak mamparoleh kasaimbangan traktor sarato untuak manyasuaikan ukuran v-belt nan digunoan. Engkol digunoan untuak maiduikan motor diesel, sadangkan untuak motor bensin jo minyak tanah manggunoan tali starter.

Karangko jo transmisi

Fungsi karangko adolah sabagai tampek kadudukan motor panggerak, transmisi, jo bagian traktor lainnyo. Karangko bafungsi sabagai tampek kadudukan motor panggerak, transmisi jo bagian traktor lainnyo. Bagian traktor dikaikan jo karangko manggunoan babarapo buah bauik pangancang.

Tanago dari motor barupo putaran poros disalurkan malalui pully jo v-belt ka kopling utamo untuak ditaruihan ka gigi persneling sahinggo manggarakkan poros roda jo poros PTO. Gigi persneling dapek bafungsi untuak mangatur kacepatan putaran poros roda jo poros PTO. Kamudian, tanago disalurkan ka mesin rotary. Kopling utamo dioperasikan dari tuas kopling utamo. Bilo tueh ditariak ka posisi netral, mako tanago motor indak disalurkan ka gigi persneling. Akibaiknyo traktor akan bahanti, meskipun kondisi motor panggarak dihiduikan.

Di sampiang kopling utamo, tadapek duo kopling kamudi untuak manggarakkan traktor ka suok atau ka kida. Masin bajak dapek pulo bagarak maju mundur dengan kacepatan tatantu karano putaran poros motor panggarak disalurkan sampai ka roda. Ado tigo jinih roda nan digunoan pado traktor tangan, yaitunyo: roda ban, roda basi, roda apung atau roda sangkar/cage wheell. Roda ban bafungsi untuak transportasi jo mangolah tanah kariang. Roda basi digunoan untuak pambajakan di lahan kariang. Roda apung digunoan pado maso pangolahan tanah basah. Ukuran roda disasuaikan jo spesifikasi traktor. Gadang keteknyo roda akan bapangaruah tahadok lajunyo traktor atau masin bajak tasabuik.

Tueh kandali

Tueh kandali digunoan untuak mangandalian jalannyo masin bajak. Masin bajak mampunyoi banyak tueh kandali untuak mampamudah karajo. Akibaiknyo, masin bajak manjadi labiah barek dan haragonyo labiah maha. Mako dek karano itu, kiniko banyak diproduksi masin bajak nan dilengkapi hanyo dengan babarapo tueh kandali bia labiah ringan dengan harago nan labiah murah. Namun, kamampuan traktor jadinyo manjadi tabateh. Tueh kandali dapek dibedaan sabagai barikuik:

Tueh persneling utamo

Tueh iko bafungsi untuak mamindahan susunan gigi pado persneling sahinggo pabandingan kecepatan puta poros motor panggarak jo poros roda dapek diatur. Masin bajak nan lengkap biasonyo mampunyoi 6 kacepatan maju jo 2 kacepatan mundur. Kacepatan iko dapek dipiliah sasuai jo jinih pakarjaan nan sadang dilaksanakan. Kacepatan nomor partamo untuak mambajak tanah ho masin rotary. Kacepatan duo untuak mambajak tanah dengan bajak singkal/piringan. Kacepatan tigo untuak mambajak tanah sawah nan taganang. Kacepatan ampek untuak bajalan di jalan biaso. Kacepatan limo jo anam untuak maelo trailer/gerobak. Mundur nomor partamo digunoan katiko operator bajalan. Mundur duo digunoan katiko operator naiak di trailer/gerobak

Tueh persneling capek lambek

Tueh iko indak salalu ado. Apobilo tueh persneling utamo hanyo tadiri dari 3 kacepatan maju jo 1 kacepatan mundur, biasonyo traktor tangan dilengkapi dengan tueh persneling capek lambek. Fungsi perneling iko untuak mamisahkan antaro pakarjaan mangolah tanah dengan pakarjaan transportasi (bajalan dan menarik trailer/gerobak). Dengan adonyo tueh capek lambek, kamungkinan salah dalam mamiliah posisi persneling dapek dikurangi.

Tueh kopling utamo

Tueh kopling utamo bafungsi untuak mangoperasikan kopling utamo. Bilo tueh dilapeh pado posisi pasang atau on, mako tanago motor akan tasambuang ka gigi persneling. Sabaliaknyo apobilo dieko ka posisi netral atau bebas atau off, mako tanago motor indak disalurkan ka gigi persneling. Apobilo dielo baliak mako tueh kopling utamo akan tasambuang dengan rem nan barado pado rumah kopling utamo.

Tueh persneling masin ''rotary''

Tueh iko bafungsi sabagai pangatur kacepatan puta poros PTO. Apobilo hasia pangolahan nan diharapkan halus jo gembur, mako tampekan posisi tueh persneling masin rotary pado posisi capek baitu pulo sabaliaknyo. Kacepatan puta pisau rotary dapek pulo diatur dari posisi pamasangan rantai panghubuang.

Tueh persneling kamudi

Tueh persneling kamudi pado masin bajak ado duo, masiang-masiang barado di kida jo sabalah suok. Tueh iko digunoan untuak mangoperasikan kopling kamudi ka suok jo ka kida. Apobilo tueh kopling kamudi suok ditakan, mako putaran gigi persneling indak tasambuang jo poros roda suok sahinggo roda subalah suok akan baranti dan kamudian masin bajak babelok ka kida. Baitu pulo sabaliaknyo apobilo kopling subalah kida ditakan.

Stang kamudi jo kamudi pambantu

Stang kamudi digunoan untuak mambantu mambelokkan masin bajak. Meskipun alah ado tueh kopling kamudi, tatapi bia babeloknyo masin bajak dapek labiah tajam, paralu dibantu jo stang kamudi. Stang kemudi digunoan pulo untuak mangangkat implemen katiko pangoperasian. Kamudi pambantu digunoan untuak tampek batumpu bahu operator. Makasuiknyo bia dapek manambah baban bagian balakang traktor sahinggo hasia pangolahan tanah dapek labih dalam.

Tueh gas

Tueh iko dihubungkan jo tueh gas pado motor panggarak. Tueh iko digunoan untuak mangubah kacepatan putaran poros motor panggarak nan sasuai jo tanago nan dibutuahan. Tueh iko dapek pulo bafungsi untuak mamatikan motor traktor, apobilo posisinyo ditampekan pado posisi stop.

Tombol lampu jo bel

Takadang, masin bajak digunoan pado wakatu malam hari, sahinggo diparaluan pulo panarangan. Tombol bel diparaluan apobilo masin bajak dijalankan di jalan rayo. Dengan adonyo tombol lampu jo bel iko, motor traktor harus dilengkapi dengan kumparan sabagai sumber arus listrik.

Tueh penyangga

Tueh iko manggarakkan panyangga bagain muko. Apobilo tueh didorong akan mandorong panyangga muko turun untuak manyangga masin bajak. Masin bajak hanyo mampunyoi duo roda. Apobilo masin bajak dalam kaadaan baranti, mako untuak managakkan masin bajak tasabuik diparaluan panyangganyo.