Wikipedia

Marie Thomas

dokter padusi partamo di Indonesia

Marie Thomas (lahia di Likupang, Hindia Balando, 17 Februari 1896 – maningga di Bukittinggi, Indonesia, 10 Oktober 1966 pado umua 70 taun) adolah urang padusi Indonesia partamo nan manjadi dokter. Inyo lulus dari School tot Opleiding van Indische Artsen (STOVIA) di Batavia pado tahun 1922 dan manampuah studi lanjutan di bidang kanduangan. Inyo juo mandirian sabuah sakolah bidan di Bukittinggi.

Infobox orangMarie Thomas
Biografi
Lahia17 Pebruari 1896 Edit nilai pada Wikidata
Minahasa Utara Edit nilai pada Wikidata
Kamatian10 Oktober 1966 Edit nilai pada Wikidata (70 tahun (id) terjemahkan)
Bukittinggi Edit nilai pada Wikidata
AlmamaterSchool tot Opleiding van Inlandsche Artsen Edit nilai pada Wikidata
Kagiatan
KarajoDotor Edit nilai pada Wikidata

Kaidupan awal

suntiang

Marie Thomas laia pado tanggal 17 Pebruari 1896 di Likupang, pado wilayah Minahasa Utara di Sulawesi Utara.[1] Ayahnyo, Adriaan Thomas, adolah surang perwira militer, sainggo kaluarga Thomas iduik bapindah-pindah. Marie sempat basakolah di kota-kota dari Sulawesi inggo Jawa. Mandenyo banamo Nicolina Maramis. [2]

Marie masuk ka STOVIA pado bulan September 1912. Pado maso inyo masuak, inyo adolah satu-satunyo siswi di sakolah tu, di tangah sakitar 200 urang siswa. Pado awalnyo, STOVIA indak manarimo masuaknyo padusi samo sakali, namun kabijakan ko diubah dek usao Aletta Jacobs, dokter padusi partamo di nagari Balando. Kutiko Jacobs mangunjuangi Hindia pado tahun 1911, inyo manyampaian masalah ko pado Gubernur Jenderal A.W.F. Idenburg.[3] Duo tahun salapeh masuaknyo Marie, surang siswi dari Minahasa banamo Anna Warouw masuak ka STOVIA.[4]

Salapeh dibuliahannyo padusi masuak ka STOVIA, tantangan salanjuiknyo adolah larangan untuak mampakarajoan dokter padusi di Dinas Kasiatan Sipil (Burgerlijke geneeskundige dienst), sainggo siswi nan alah masuak harus mambayia surang biaya kuliahnyo. Charlotte Jacobs, padusi partamo nan mandapek gala di bidang farmakologi di Balando (dan sanak padusi Aletta Jacobs) mandirian sabuah yayasan untuak mambantu siswi STOVIA,[5] dibantu dek Marie van Zeggelen jo Elisabeth van Deventer.[6][7] Yayasan ko banamo Vereeniging tot Vorming van een Studiefonds voor Opleiding van Vrouwelijke Inlandsche Artsen (SOVIA), dan manjadi limbago nan mambantu Marie salamo kuliahnyo.[8][9][10]

Karier

suntiang

Marie Thomas lulus dari STOVIA pado tahun 1922, siswi partamo nan lulus dari sakolah ko.[11] Inyo mulai bapraktek dokter di Rumah Sakik Centrale Burgerlijke Ziekeninrichting (CBZ, kini Rumah Sakik Dr. Cipto Mangunkusumo).[12][13] Inyo kudian bapraktek di Medan, Manado, dan baliak ka Batavia di Rumah Sakik Budi Kemuliaan, nan didirian dek yayasan SOVIA.[14][15] Marie pernah pulo manjadi asisten Nicolaas Boerma, surang dokter spesialis kabidanan bakabansoan Balando.[16][17] Di Hindia Balando, inyo adolah salah satu dokter partamo nan manangani kasus pangandalian kalairan jo alaik kontrasepsi dalam rahim.[18]

Marie manikahi Mohammad Joesoef, surang dokter, pado 16 March 1929. Pasangan ko pindah ka Padang, kampuang halaman Joesoef. Di Padang inyo bakarajo pado Dienst der Volksgezondheid (DVG, Dinas Kasiatan Masyarakat). Namun, salapeh babarapo taun, Marie jo Joesoef baliak ka Batavia. Di sinan, Marie masuak partai Persatuan Minahasa, nan anggotanyo salah satunyo Sam Ratulangi. Indak lamo sudah tu, pasangan ko pindah baliak ka Sumatera Barat, dan mamiliah manetap di Fort de Kock (kini Bukittinggi). Pado tahun 1950, Marie ikuik mandirian sabuah sakolah bidan nan partamo di Bukittinggi; sakolah ko adolah sakolah bidan nan partamo di Sumatera dan nan kaduo di Indonesia.[19]

Pangormatan

suntiang

Pado ari ulang tahun Marie Thomas nan ka-125, Google manampilan inyo pado Google Doodle.[20]

Rujuakan

suntiang
  1. ↑ Hesselink (2017).
  2. ↑ Benmetan (2018).
  3. ↑ Hesselink (2011), p. 218.
  4. ↑ Hesselink (2011), p. 220.
  5. ↑ Hesselink (2011), p. 219.
  6. ↑ Benmetan (2018).
  7. ↑ Budi Mulia Hospital.
  8. ↑ Hesselink (2011), p. 219.
  9. ↑ Hesselink (2017).
  10. ↑ Aryono (Historia).
  11. ↑ De Sumatra Post (1922).
  12. ↑ Atria (2007).
  13. ↑ Benmetan (2018).
  14. ↑ Budi Mulia Hospital.
  15. ↑ Atria (2007).
  16. ↑ Hesselink (2017).
  17. ↑ University of Groningen (2017), p. 15.
  18. ↑ Hesselink (2017).
  19. ↑ Hesselink (2017).
  20. ↑ "Dr. Marie Thomas' 125th Birthday". Google.com. Google. 17 Pebruari 2021. Diakses tanggal 17 Pebruari 2021. 

Bibliografi

suntiang
  • Aryono (2007-08-23). "Dokter Perempuan Pertama Indonesia" [The First Indonesian Female Doctor] (dalam bahasa Indonesian). Historia. Diakses tanggal 2020-05-27. 
  • "Sejarah Rumah Sakit Budi Kemuliaan" [The History of the Budi Kemuliaan Hospital] (dalam bahasa Indonesian). Budi Kemuliaan Hospital. Diarsipkan dari versi asli tanggal 2020-10-29. Diakses tanggal 2020-05-27. 
  • Hesselink, Liesbeth (2011). "The STOVIA, dokter djawa 1875–1915". Healers on the Colonial Market: Native Doctors and Midwives in the Dutch East Indies. Leiden: Brill. pp. 163–224. 
  • Hesselink, Liesbeth (2017-10-19). "Thomas, Marie E. (1896-1966)" (dalam bahasa Dutch). Digital Women's Lexicon of the Netherlands (Digitaal Vrouwenlexicon van Nederland). Diakses tanggal 2020-05-27. 
  • "Marie E. Thomas" (dalam bahasa Dutch). Institute on Gender Equality and Women's History (Atria). 2007-08-23. Diakses tanggal 2020-05-27. 
Diambiak dari "https://min.wikipedia.org/w/index.php?title=Marie_Thomas&oldid=2504323"