Mansyurdin Arma
Drs. H. Mansyurdin Arma (lahia 25 Oktober 1931 – maningga 31 Oktober 2002 pado umua 71 taun) marupokan saurang birokrat jo politikus dari Indonesia. Inyo manjabaik sabagai Wakia Gubernur Sumatera Selatan dari tahun 1985 hinggo 1992 sarato anggota Dewan Perwakilan Rakyat dari tahun 1992 hinggo 1997.
 | |||
| Biografi | |||
|---|---|---|---|
| Lahia | 25 Oktober 1931  Kota Padang Panjang | ||
| Kamatian | 31 Oktober 2002 (71 tahun (id) terjemahkan) | ||
| |||
| Kagiatan | |||
| Karajo | Pejabat pemerintahan (id)  | ||
Kahidupan awal
suntiangMansyurdin lahia pado tanggal 25 Oktober 1931 di Padang Panjang, Sumatra Barat. Setelah menamatkan pendidikan SD Negeri pado tahun 1942, inyo kamudian malanjuikkan pandidikan ka Sakolah Randah Lanjut, kamudian lulus pado tahun 1946. Di tahun nan samo, inyo bagabuang jo Tentara Pelajar Sumatera Tengah sarato masuak Sakolah Manangah Partamo. Mansyurdin manyalasaikan pandidikan Sakolah Manangah Partamo nyo pado tahun 1948. Sasudah itu, inyo malanjuikkan ka Sakolah Guru Muhammadiyah Kelas I, namun pindah babarapo bulan kamudian ka Sakolah Manangah Ateh.[1]
Di SMA, Mansyurdin masuak ka SMA Bagian A nan mampalajari tantang ilmu pasti jo ilmu alam. Inyo lulus SMA pado tahun 1952 nan salanjuiknyo pai marantau ka Yogyakarta. Mansyurdin kamudian malanjuikkan pandidikan tinggi di Fakultas Ilmu Sosial Politik jo Pamarintahan Universitas Gadjah Mada. Mansyurdin kuliah salamo anam tahun hinggo lulus pado tahun 1958.[1]
Karier sebagai birokrat
suntiangMansyurdin mulai bakarajo sabagai ahli praja di Kantor Pusat Departemen Dalam Nagari sasudah lulus dari Universitas Gadjah Mada. Satahun kamudian, Mansyurdin dipindahkan ka Kantor Gubernur Sumatera Selatan sabagai kapalo seksi. Inyo dipromosikan sasudah babarapo tahun bakarajo sabagai kapalo biro. Mansyurdin kambali mamparoleh promosi pado tahun 1966 sarato manjabaik sabagai Kapalo Kantua Sensus Provinsi Sumatera Selatan.[1]
Ampek tahun kamudian, Mansyurdin diangkek sabagai Asisten Sekretaris Wilayah Daerah Sumatera Selatan. Mansyurdin bakarajo sabagai asisten untuak sekretaris wilayah daerah Sumsel katiko itu, Mohammad Umar. Sasudah itu, pado tahun 1979, Mohammad Umar dibarantian dari jabatannyo jo Mansyurdin kamudian manggantikannyo. Mansyurdin mamacik jabatan sekretaris wilayah daerah salamo kurang labiah anam tahun.[1]
Pado akhia bulan November 1985, Mansyurdin dilantik manjadi Wakil Gubernur Sumatera Selatan.[2] Inyo marupokan wakia gubernur partamo sajak jabatan tu ditinggalkan dek Ali Amin pado tahun 1968. Pangangkatan Mansyurdin mambukak gagasan tantang kamungkinan dibantuaknyo jabatan wakia gubernur kaduo di Sumatera Selatan. Namun, gagasan tu indak parnah tawujud.[3]
Di tangah maso jabatannyo sabagai wakia gubernur, Mansyurdin dicalonkan sabagai anggota Dewan Perwakilan Rakyat dari daerah pamilihan Sumatera Barat dalam pamilihan umum tahun 1992. Mansyurdin berhasil tapiliah sarato kamudian dilantik sabagai anggota DPR pado tanggal 1 Oktober 1992.[1] Jabatan wakia gubernur nan ditinggakannyo basamoan jo pelantikannyo sabagai anggota DPR baru tarisi pado tanggal 30 Desember 1992 dek Mohammad Arub.[4] Mansyurdin mangakhiri maso jabatannyo sabagai anggota DPR pado tanggal 1 Oktober 1997.[1]
Wafat
suntiangMansyurdin maningga pado tanggal 31 Oktober 2002.[5]
Keluarga
suntiangMansyurdin manikah jo Hilma Durin. Pasangan iko mampunyoi limo anak. Anak bungsu mereka banamo Diana Kartika. Kini Diana Kartika manjadi guru gadang bahaso Jepang partamo kali di Indonesia.[5][6][7]
Referensi
suntiang- ↑ a b c d e f Tim Penyusun (1997). Buku Kenangan Anggota Dewan Perwakilan Rakyat Republik Indonesia 1992-1997. Jakarta. http://repositori.dpr.go.id/16/1/BUKU%20KENANGAN%20ANGGOTA%20DPR-RI%201992-1997.pdf.
- ↑ "Menteri Dalam Negeri Melantik Wakil Gubernur KDH Tingkat I Sumatera Selatan". Mimbar Departemen Dalam Negeri. 1986. hlm. 26.
- ↑ Sejarah Perkembangan Pemerintahan di Daerah Sumatera Selatan. Palembang: Pemerintah Propinsi Daerah Tingkat I Sumatera Selatan. 27 Oktober 1996. pp. 377. https://books.google.co.id/books?id=HXhuAAAAMAAJ&pg=PA377.
- ↑ "Mendagri Lantik Wagub Sumsel"
. Kompas. 31 Desember 1992. hlm. 11.
- ↑ a b "Prof. Dr. Dra. Diana Kartika Wakil Rektor Bidang Kemahasiswaan Jadi Guru Besar". Universitas Bung Hatta. 25 Februari 2020. Diarsipkan dari versi asli tanggal 2023-05-13.
- ↑ Agency, ANTARA News. "Lepas Dahaga UBH 11 tahun tanpa guru besar, Diana Kartika jadi Profesor Bahasa Jepang pertama se-Sumatera". Antara News Sumbar. Diakses tanggal 2022-04-22.
- ↑ Media, Kompas Cyber (2020-02-29). "Kisah Diana Kartika, Guru Besar Bahasa Jepang Pertama Se-Sumatera yang Jadi Pengusaha Sukses Halaman all". KOMPAS.com (dalam bahasa Indonesia). Diakses tanggal 2022-04-22.
