Mananggang Hari

Mananggang Hari atau manahan hari adolah parangai manghalangi jatuahnyo aia hujan pado hari - hari nan ditantukan. di tangah masyarakaik jorong Matur Katir Nagari Matua Hilia Parangai Ilmu hitam untuak manghalangi jatuahnyo hujan nan dibuek urang pandai atau dukun. biasonyo parangai itu ado kaitannyo jo Alek nan dibuek masyarakaik sarupo alek Nagari dan sabagainyo. pandapek masyarakaik apobilo pado hari - hari diadokannyo alek nagari itu turun hujan, mako akibaiknyo indak rancak, alek indak jadi karano undangan indak ado nan tibo karano hujan labek.

karano itu, masyarakaik bajago jago mamintak tolong kapado dukun, tantunyo jo katantuan syaraik-syaraik nan ditantukan dek dukun tantang hari. sacaro sosial parangai mananggang hari merupokan bagian pangatahuan tradisional masyarakaik dalam manyasuaikan jo alam tamasuak dalam mamakai dukun kampuang sabagai tando nan ilmu hitam. guno sosialnyo adolah manjago hubuangan baiak samo banyak urang nan diundang tibo pado alek sarato sabagai fasilitas nan di agiah kapado tamu nan tibo di alek nan di adokan.