Malengah puaso
Malengah puaso, mairik saha, atau ngabuburit dek urang Indonesia adolah kagiatan mananti masuaknyo azan mugarik manjalang babuko puaso pado wakatu bulan Ramadan.[1] Kagiatan iko dapek barupo banyak hal, takah jalan-jalan, bamain, bakucindan, mancari pabukoan perai, pai ka pasa kuliner, atau maabihan wakatu di taman. Salain itu, kagiatan iko dapek pulo takah kagiatan agamo sarupo mandangaan ceramah atau mangaji.[2][3]
Asa kato
suntiangIstilah "malengah puaso" ko dipagunokan tarutamo dek urang-urang di Luhak Limopuloah, wilayah Kabupaten Limo Puluah Kota jo Kota Pikumbuah kini. Diambiak dari kato malengah, iyolah malupokan/mangaliahan. Dalam hal iko, nan dilupokan/dialiahan iyolah raso auih jo lapa dek puaso.[4]
Adopun asa kato ngabuburit nan tanamo di urang Indonesia diambiak dari penggalan istilah dalam bahaso Sunda, yakni ngalantung ngadagoan burit, nan aratinyo basantai-santai sambia manunggu wakatu sanjo. Kato nan dipenggal yakni burit, bararti hari sanjo. Wakatu sanjo nan dimukasuik antaro alah sumbayang asar hinggo sabalun tabanam matoari.[2][5]
Caliak pulo
suntiangCatatan kaki
suntiang- ↑ "Hasil Pencarian - KBBI Daring". kbbi.kemdikbud.go.id. Diakses tanggal 2019-05-08.
- ↑ a b Liputan6.com (2019-05-07). "Kenapa Ada Istilah Ngabuburit Saat Bulan Puasa?". liputan6.com (dalam bahasa Indonesia). Diakses tanggal 2019-05-08.
- ↑ "Ini Lho Asal Mula Istilah Ngabuburit nan Selalu Trend Dilakukan Setiap Ramadan. Sudah Tau Belum?". Boombastis.com | Portal Berita Unik | Viral | Aneh Terbaru Indonesia (dalam bahasa Indonesia). 2017-05-30. Diakses tanggal 2019-05-08.
- ↑ "[R@ntau-Net] Fw: Malengah Puaso". www.mail-archive.com. Diakses tanggal 2019-05-09.
- ↑ Times, I. D. N.; Aini, Fera Nur. "Asal-usul Kata dan Tradisi Ngabuburit, Kamu Sudah Tahu?". IDN Times (dalam bahasa Indonesia). Diakses tanggal 2019-05-08.