Malapeh niaik

Acara malapeh niaik marupokan acara untuak mansyukuri atau mambaia janji ateh kabaruntungan yang alah diparoleh. Acara ko marupokan acara menepati janji saat kita mainginan sesuatu, kito mangucapkan niaik atau janji supayo terkabul apo nan diinginkan. Setelah keinganan dikabulkan kito wajib menepati janji tersebut. Tradisi malapeh niaik ko dilakukan dengan makasuik mambaia hutang atau janji kito kapado Allah. Tradisi ko batujuan untuak mangajari manusia supayo menepati janjinyo. Tradisi malapeh niaik balangsuang dengan mangucapkan doa-doa yang diambiak dari ayat-ayat Al-Quran nan dipimpin oleh ustad atau ulama nan barado di tampek kito malaksanakan acara malapeh niaik.

Mandoa pada acara malapeh niaik

Jenis-jenis

a. Malapeh niaik mandoa

Malapeh niak mandoa pado dasarnyo adolah kito maminta sesuatu kapado Allah jo mangikut sertakan urang nan dianggap keramat atau dakek jo Allah supayo kainginan capek terkabul. Tradisi malepeh niaik mandoa hanyo dihadiri oleh keluarga dan indak mangundang urang lain selain ustad atau pakiah.

b. Malapeh niaik manjamu

Malapeh niaik manjamu ko babeda jo malapeh niaik mandoa. Kalau malapeh niaik manjamu ko biasonyo ado acara mamotong hewan nan dijanjikan disaat mamasang niaik. Malapeh niaik manjamu indak hanyo dihadiri keluarga sajo, tetapi keluarga mengundang masyarakat yang ado disekitarnyo.

c. Malapeh niaik katampek keramat

Malapeh niaik katampek keramat ko biasonyo dilaksanakan di makam Syekh Burhaniddin, lalu dilakukan pembacaan doa nan dilakukan oleh ustad nan manjago makam tu. Setelah salasai mambaco doa, hewan yang dibaok dilatakan ditampek nan alah disadiokan oleh panjago makam.

Unsur-unsur

Dalam tradisi malapehan niaik ko tadapek babarapo unsur nan marupokan simbol dan mampunyoii makna. Simbol-simbol adolah tanda-tanda nan ado hubungannyo jo kepercayaan atau upacara adat. Unsur-unsur yang tadapek dalam tradisi malapehan niaik diantaronyo adolah ayam, kambiang, sapi, uang, dan makanan.

1. Hewan ternak : hewan ternak nan biaso digunokan nan partamo adolah ayam. Ayam marupokan salah satu hewan peliharaan nan diciptakan Allah nan halal dimakan oleh umat muslim. Ayam ko juga banyak manfaatnyo bagi manusia. Pado umumnyo ayam bafungsi sabagai bahan makanan bagi manusia. Ayam ko juga dijadikan salah satu alat sebagai tanda mamasang niaik, biasonyo kainginan nan indak tarlalu gadang, apobilo kainginan terkabul maka ayam tersebut harus dilapehan atau disembelih. Dan diisyarakatkan untuak malapehan niaik atau kainginan nan alah terkabul karano itu mampunyoi pangaruh nan gadang bagi urang malapeh niaik, baik itu bagi kehidupannyo maupun itu tanaman kebunyo. Nan kaduo adolah kambiang, kambiang adolah hewan nan mamiliki banyak manfaat, biasonyo urang nan mamasang niaik jo manjanjikan kambiang ko adolah niaik nan dipasang katampek-tampek keramat seperti makam Syekh Burhaniddin. Kambiang itu akan dilapehan setelah didoakan ditampek tersebut, hal ini cukuik dilaksanakan oleh keluarga sajo tanpa mengundang urang lain kecuali ustad untuak mamimpin doa nan dianggap mampunyoi pengalaman dalam bidang agama. Nan katigo adolah sapi, sapi juga marupokan hewan nan halal bagi umat muslim, selain untuak disembelih menjadi bahan makanan sapi juga dapek manghasilkan pupuk alami untuak tumbuh-tumbuhan. Sapi juga dijadikan sabagai salah satu hewan nan acok masuak kadalam kategori mamasang niaik, biasonyo sapi ko dipasangkan pado niaik atau kainginan nan gadang seperti untuak perkebunan atau usaha nan gadang seperti mampunyoi toko gadang apo bilo semua bajalan lancar maka sapi akan dipotong lalu didoakan dengan mangundang urang banyak yang disabuik jo malapehan niaik (manjamu).
2. Uang : uang ko sangat dibutuhkan dalam kehidupan sehari-hari. uang juga sering digunokan untuak mamasang niaik, biasonyo uang ko dipakai pado urang nan mamasang niaiknyo untuak masjid. Apobilo kainginannyo terkabulkan inyo akan maagiahan uang tu ka masjid untuak malapehan niaik untuak mamanuhi niaik nan alah dijanjikan dalam dirinyo.
3. Makanan : makanan marupokan sumber pokok dalam kehidupan manusia. Makanan juga dijadikan sebagai unsur untuak malapehan niaik, biasonyo iko dilakukan urang nan mamasang niaik pado hewan keramat seperti ikan larangan nan alah dipacayoi oleh masyarakat satampek, apobilo kainginan terkabul maka hewan ko akan diagiahi makanan nan dimasak seperti makanan manusia nasi nan alah dimasak sasuai jo apo nan alah dijanjikan.

Makna hewan ternak

• Hewan ternak= pemaknaan partamo hewan ternak marupokan ciptaan Tuhan, hewan ternak juga sangat bermanfaat bagi manusia. Kahadiran hewan ternak seperti ayam, kambiang dan sapi dalam kahidupan manusia memang sangat manguntuangkan, salain dagiangnyo bisa dijadian makanan nan manganduang banyak protein tenaga dan kotorannyo bisa dijadian pupuk untuak manyuburkan tanaman, dan tenaganyo juga dimanfaatkan, misalnyo sapi bisa untuak mambajak sawah dan untuak mambaok padati. Pemaknaan lainnyo hewan dan manusia marupokanmakhluk hidup nan mampunyoi saliang katagantuangan satu samo lainnyo.
• Uang= pemaknaan partamo uang dalam tradisi malapehan niaik marupokan bahan utamo dalam kahidupan manusia. Jo adonyo uang ko kito bisa mambali apo nan kito nio, mamasang niaik jo manjanjikan uang apobilo niaik atau kainginan kito alah terkabul maka kito harus mambaia uang kapado siapo kito mamsang niaik tu. Sabagai pamaknaan salanjuiknyo uang tu sabagai pokok utamo dalam kahidupan manusia, tanpa adonyo uang maka kahidupan indak akan bajalan dengan lancar. Jo kito maagiah uang untuak baniaik maka uang tu bisa dimanfaatkan pado tampek kito mamasang niaik.
• Makanan= pamaknaan partamo makanan marupokan salah satu kabutuhan primer dalam manjago dan mampartahankan supayo tubuh dapek bafungsi dengan baik. Pamaknaan kaduo kahadiran makanan dalam tradisi malapehan niaik dimaknai jo tapanuhinyo kabutuhan pokok manusia.

Rujuakan

Rija Hendri. 2014. Tradisi Malapeh Niaik (skripsi). Universitas Andalas