Makam Syekh Imam Jirek
Makam Syekh Imam Jirek, atau disabuik juo Makam Tuangku Syekh Imam Jirek adolah salah satu cagar budaya nan barado di Kota Bukittinggi. Situs cagar budaya ko tacatat dalam daftar cagaar budaya nan barado di Provinsi Sumatra Barat dek BPCB Sumatra Barat. Situs ko ditetapkan dalam Permen Budpar No. PM.05/PW.007/MKP/2010 tahun 2010 dan kamudian masuak pulo dalam Peraturan Walikota Bukittinggi Nomor 2 Tahun 2012. Kini kawasan makan iko dikelola dek BPCB sumbar jo Dinas Pariwisata Bukittinggi.[1]
| Makam Syekh Imam Jirek | |
|---|---|
| Namo sasuai jo Sistem Registrasi Nasional Cagar Budaya | |
 | |
 Cagar budaya Indonesia | |
| Paringkek | Nasional |
| Kategori | Struktur |
| Lokasi | Jalan Vetera No. 206, Kelurahan Kubu Gulai Bancah, Kecamatan Mandiangin Koto Selayan. Kota Bukittinggi, Sumatera Barat 26138 |
| Taun panatapan | 2010 |
| Pamiliak | Dinas Kebudayaan dan Pariwisata Kota Bukittinggi Indonesia |
| Pangalola | Pemerintah Kota Bukittinggi |
Lokasi suntiang
Lokasi Makam Tuangku Syekh Imam Jirek iko labiah tapeknyo barado di Jalan Veteran No. 206, Kelurahan Kubu Gulai Bancah, Kecamatan Mandiangin Koto Selayan. Kota Bukittinggi. Lokasinya barado indak jauh dari jalan gadang, labiah tapek nyo dibalakang surau jirek. Untuak manuju ka lokasi makam, pangunjuang harus bajalan dijalan satapak ketek dan kamudian harus naiak anak janjang ketek untuak masuak ka makam dan dikaliliangi dek tembok nan tinggi.[2]
Sijarah suntiang
Syekh Imam Jirek ko marupoan tokoh agamo nan tanamo di tampek nyo tingga. Inyo disabuik pernah manjabaik sabagai kadhi atau pamuko agamo nan disagani. Dalam sijarahnyo baliau ikuik baparan aktif dalam dakwah jo sakaligus manyebaan ajaran agamo islam, Indak hanyo di Sumatra Barat, baliau pernah pulo badakwah islam sarato manyebarkan agamo islam sampai ka pulau jawa. Namun Baitu, riwayat pajalan hiduik dari Syekh Imam Jirek ko sacaro detailnyo indak pulo dikatuhui sacaro pasti.[3]
Galeri poto-poto suntiang
-
Cagar budaya makam syekh imam jirek -
Kompleks makam syekh imam jirek -
situs makam syekh imam jirek
Rujuakan suntiang
- ↑ "Daftar Cagar Budaya Provinsi Sumatera Barat, Riau, dan Kepulauan Riau" (PDF). BPCB Sumatra Barat. Diakses tanggal diakses tanggal 28-11-2022.
- ↑ "CAGAR BUDAYA TIDAK BERGERAK PROVINSI SUMATERA … · daftar cagar budaya tidak bergerak provinsi sumatera barat, riau, dan kepulauan riau 2018 pokja dokumentasi dan publikasi balai - [PDF Document]". fdokumen.com (dalam bahasa Indonesia). Diakses tanggal 2022-11-28.
- ↑ "Sejarah Cagar Budaya Makam Tuangku Syekh Imam Jirek di Kota Bukittinggi". Diakses tanggal diakes tanggal 28-11-2022.