Wikipedia

Macan tutua

Macan tutua
Klasifikasi ilmiah
Kingdom: Animalia
Phylum: Chordata
Class: Mammalia
Order: Carnivora
Family: Felidae
Genus: Panthera
Species: P. pardus
Namo binomial
Panthera pardus
Linnaeus, 1758
Subspesies
P. p. pardus
P. p. fusca
P. p. melas
P. p. nimr
P. p. tulliana
P. p. orientalis
P. p. delacouri
P. p. kotiya

Macan tutua adolah salah satu dari kuciang gadang nan mamilki bacak itam bulek di badannyo. Hewan nan tamasuak kalompok karnivora iko mamiliki namo latin Panthera padrus sarato tamasuak ka dalam kalompok Felidae (kuciang gadang).[1] Macan tutua mamiliki fisik badan saparti kuciang gadang lainnyo, mamiliki kaki nan pendek jo badan nan panjang sarato mamiliki karangko tulang nan gadang. Hewan nan tamasuak kuciang gadang iko juo mamiliki fisik nan ampiang samo jo jaguar tatapi macan tutua labiah ketek jo bantuak fisik nyo nan labiah gadang daripado jaguar. Macan tutua dapek balari hinggo kecepatan 36 mph per jamnyo. Hewan iko masih tamasuak hewan nan jumlah populasi nyo masih banyak di dunia. Macan tutua iko tasebar di dalam babarapo wilayah diantaronyo Hong Kong, Singapura, Tunisa, Libya, sarato di Tunisia jo Maroko.[2] Habitat macan tutua iko tadapek di hutan hujan tropis, padang rumpuik sarato ado di daerah nan kariang jo di pagunungan.[3]

Karakteristik suntiang

Macan tutua pado umumnyo mamiliki corak hitam babantuak saparti bungo mawar. Corak iko tadapek ampiang di saluruah badannyo mulai dari kapalo sampai ka ikua.[4] Corak iko tagantuang dari tampek habitatnyo Macan tutua nan tingga di daerah kariang mamiliki warna kakuniang kuniangan hinggo warna kamerah-merahan sadangkan macan tutua nan tingga di daerah hutan jo gunuang biasonyo bawarna itam jo itam ameh. Corak macan tutua iko mamilki pabedaan jo kaunikan masing masing tagantuang daerah nyo. Samantaro warna rambuik nyo pado daerah nan iklimnyo dingin bawarna abu-abu sadangkan pado daerah hutan tropis mamiliki warna itam kaameh-amehan.[3]

Macan tutua mamiliki panjang rambuik di bagian kapalonyo sakitar 3–4 mm. Samantaro panjang rambuik di bagian badannyo sakitar 25 – 30 mm. Mamiliki rambuik nan putiah jo corak bawarna itam di bagian ikuanyo.[5]

Ukuran jo barek suntiang

Tadapek pabedaan anataro ukuran jantan jo batino, biasonyo nan jantan labiah barek daripado batino.[5] Macan tutua jantan mamiliki tinggi 60 –70 cm katinggo tagak sadangkan batino mamiliki ukuran 57 – 64 cm. Samantaro panjang rato rato jiko diituang dari bagian kapalo hinggo badan, sakitar 90 jo 196 cm samantaro dari segi bareknyo nan jantan mamiliki barek rato rato 37 – 90 kg sadangkan nan batino mamiliki barek 28–60 kg.[6] Barek Macan tutua paliang gadang nan pernah tacatat adolah macan tutua di Afrika Selatan nan mamiliki panjang 262 cm jo barek 96 kg.[7] Pado tahun 2016 urang dari suku indian mambunuah Macan tutua nan mamiliki panjang 261 cm jo barek 78.5 kg.[8]

Variasi warna suntiang

Macan tutua itam adolah jinih macan tutua nan mamiliki warna itam di saluruah badannyo, indak ado bintik bintik itam saparti macan tutua pado umumnyo.[9] Inyo biaso dijumpoi di daerah tropis, daerah hutan labek, sarato ado di Gunuang Kenya.[10] Perkawinan silang antaro Macan tutua itam jo Macan tutua biaso malahiakan anak macan nan ketek pado umumnyo.[11] Pado tahun antaro 1990 jo 2015 di Margasatwa di Afrika Selatan tadapek juo variasi warna pado Macan tutua lainnyo diantaronyo Macan tutua stroberi jo Macan tutua merah mudo.[12]

Pasebaran jo habitat suntiang

Macan tutua umumnyo tadapek di wilayah Afrika jo Asia. Jo mamiliki habitat biasonyo di sabana jo Hutan labek tadapek juo di daerah padang rumpuik jo hutan sarato di sungai dakek hutan tatapi hanyo sakatek Macan tutua disinan.[3] Macan tutua tadapek juo di daerah Semenanjuang Arab tatapi populasi nyo indak banyak disinan. Pado daerah Asia lainnyo di Nepal hewan iko tadapek juo nan dijago di daerah Konservasi Kanchenjunga . Hewan iko tadapek juo di daerah Srilanka tapeknyo Taman Nasional Yala samantara nan iduik di alam lia tadapek di kabun teh, padang rumpuik sarato di daerah hutan pinus.[13] Macan tutua tadapek juo di wilyah Asia nan lainnyo saparti Mynmar, Thailand, Malaysia, sarato di Kamboja.[14][15] Macan tutua ko biasonyo dilatakan di Margasatwa atau di daerah konservasi meskipun ado juo nan iduik di alam lia. Di Indonesia Macan tutua tadapek di Pulau Jao nan sabagian gadang iduik di padalaman hutan.[16]

Rujuakan suntiang

  1. ↑ "Felidae Taxonomy" (PDF). repository.si.edu. Diakses tanggal 22-11-2020. 
  2. ↑ Program)), Ullas Karanth (Wildlife Conservation Society (India; Program), Dale Miquelle (Wildlife Conservation Society Russian Far East; Henschel (Panthera), Philipp; Balme (Panthera), Guy; Athreya (WCS), Vidya; Sg), Arash Ghoddousi (Cat; Sg), Andrew Stein (Cat; Sg), Peter Gerngross (Cat; Sg), Igor Khorozyan (CAt (2015-07-11). "IUCN Red List of Threatened Species: Panthera pardus". IUCN Red List of Threatened Species. Diakses tanggal 2020-11-22. 
  3. ↑ a b c "Catfolk Species Accounts: Leopard (Panthera pardus) [Sub-Sahara Africa]". web.archive.org. 2014-02-22. Diarsipkan dari versi asli tanggal 2014-02-22. Diakses tanggal 2020-12-01. 
  4. ↑ Skinner, J. D.; Chimimba, Christian T. (2020-12-01) (dalam bahaso en). The Mammals of the Southern African Sub-region. Cambridge University Press. ISBN 978-0-521-84418-5. https://books.google.co.id/books?id=iqwEYkTDZf4C&lpg=PR7&pg=PA385&redir_esc=y#v=onepage&q&f=false. 
  5. ↑ a b Hoath, Richard (2009) (dalam bahaso en). A Field Guide to the Mammals of Egypt. American Univ in Cairo Press. ISBN 978-977-416-254-1. https://books.google.co.id/books?id=agWfg6oEKKkC&lpg=PP1&pg=PA106&redir_esc=y#v=onepage&q&f=false. 
  6. ↑ Estes, Richard (1992) (dalam bahaso en). The Behavior Guide to African Mammals: Including Hoofed Mammals, Carnivores, Primates. University of California Press. ISBN 978-0-520-08085-0. https://books.google.co.id/books?id=g977LsZHpcsC&lpg=PP1&pg=PA366&redir_esc=y#v=onepage&q&f=false. 
  7. ↑ American Bar Foundation (1971). The mentally disabled and the law. Chicago : University of Chicago Press. ISBN 978-0-226-07090-2. http://archive.org/details/mentallydisabled0000amer. 
  8. ↑ Dec 29, TNN / Updated:; 2016; Ist, 08:21. "Is this the longest leopard in India? | Chandigarh News - Times of India". The Times of India (dalam bahasa Inggris). Diakses tanggal 2020-12-01. 
  9. ↑ "Melanistic leopards" (PDF). web.archive.org. 2013-05-06. Diarsipkan dari versi asli (PDF) tanggal 2013-05-06. Diakses tanggal 2020-12-01. 
  10. ↑ "Mapping black panthers: Macroecological modeling of melanism in leopards (Panthera pardus)". Diakses tanggal 2020-12-01. 
  11. ↑ "Inheritance of the black form of the leopardPanthera pardus". Diakses tanggal 2020-12-01. 
  12. ↑ "Erythristic leopards Panthera pardus in South Africa". Diakses tanggal 2020-12-01. 
  13. ↑ "Notes on the diet and habitat selection of the Sri Lankan Leopard Panthera pardus kotiya (Mammalia: Felidae) in the central highlands of Sri Lanka". Diakses tanggal 2020-12-01. 
  14. ↑ "First structured camera-trap surveys in Karen State, Myanmar, reveal high diversity of globally threatened mammals". Diakses tanggal 2020-12-01. 
  15. ↑ "Habitat preferences and activity patterns of the larger mammal community in Phnom Prich Wildlife Sanctuary, Cambodia". Diakses tanggal 2020-12-01. 
  16. ↑ "Identifying priority conservation landscapes and actions for the Critically Endangered Javan leopard in Indonesia: Conserving the last large carnivore in Java Island". Diakses tanggal 2020-12-01. 
Diambiak dari "https://min.wikipedia.org/w/index.php?title=Macan_tutua&oldid=2841970"