Lumuik hanyuik
Lumuik hanyuik adolah salah satu motif ukiran tradisional Minangkabau nan barupo tumbuahan lumuik. Lumuik biasonyo hiduik di batu atau batang kayu. Jikok lumuik alah lapeh dari tampek inyo iduik makonyo inyo hanyuik dibaok aia nan mangalia.[1]
Motif ukiran lumuik hanyuik iko bararti manggambarkan hiduik urang nan indak disukoi dek masyarakaik sakitar, sarupo anak durako, malangga hukum adaik, basalah, makonyo dikuciaan dek masyarakaik. Indak ado nan manolongnyo. Motif iko subananyo maingekan masyarakaik supayo indak babuek laku nan indak sasuai jo adaik masyarakaik.Ado juo nan mangartikan lumuik hanyuik iko jo urang nan pandai jo mudah ikuik bamasyarakaik. Arati negatif lainnyo adolah urang nan indak bapandirian.
Motif lumuik hanyuik tamasuak paisi bidang nan gadang pado Rumah Gadang.
Papatah adat
suntiangNan balumuik anyuik,
tampek bagantuang indak ado.
urang mamacik indak amuah.
Rujuakan
suntiang- ↑ Ukiran Tradisional Minangkabau. Padang: Departemen Pendidikan dan Kebudayaan Direktorat Jendral Kebudayaan. 3 Desember 1998.