Lukah Gilo

Lukah Gilo adolah marupokan kasenian tradisional urang Minangkabau nan tingga di Sumatera Barat. Kasenian iko sarupo jo jailangkung nan dikandalikan jo surang pawang. Istilah lukah baarati alaik panangkok ikan nan tabuek dari anyaman rotan, sarato kato gilo. Jadi lukah gilo adolah alaik panangkok ikan nan tabuek dari rotan nan bagarak kama-kama bantuak urang gilo.

Sijarah

Kasenian tari lukah gilo muncua wakatu Rajo Adhityawarman manguasoi Pulau Sumatera. Wakatu itu, di upacaro ritual karajaan, rajo salalu manggunokan kakuatan-kakuatan animisme jo dinamisme. Ritual iko manjadi sabuah kasenian masyarakaik nan disukoi. Pado maso kaum Paderi bakuaso, kasenian iko sempat hilang, sabagian masyarakaik masih barusaho marawaik jo mangadoannyo.

Tari iko babeda talatak dari garakan lukah dek karano masuaknyo jin dalam lukah itu. Sasudah diagiah manto dek Kulipah. Salain itu, tari iko tambah rancak kalau ado panonton nan tasapo dek jin nan masuak ka lukah gilo. Lukah nan babantuak boneka manggarik lia ikuik musik tradisional Sumatera Barat. Babarapo urang mencubo mamacik jo manahan ukah tu, tapi inyo indak tahan alah tu ikuik manari. Lukah baru baranti jikok Kulipah manarik baliak mantonyo.

Tari lukah gilo ado babarapo syarat, manghidangan saji-sajian berupo makanan jo minuman, ramuan limau, bungo, darah ayam, kumayan, dan sabagainyo. Iko diparaluan dek Kulipah untuak mamanggia jin. Salamo pamainannyo, lukah gilo juo ka diiriangi musik jo nyanyian tradisional Minang.