Wikipedia

Lokomotif E10

Templat:Infobox Lokomotif

Lokomotif E10 adolah lokomotif uok nan diproduksi dek Maschinenfabrik Esslingen, Jerman, Swiss Locomotive and Machine Works (SLM), Swiss, sarata Nippon Sharyo, Jepang. Lokomotif iko dahulunyo meropakan ikon perkeretaapian Sumatra Barat. Sabagai lokomotif uap bagigi, karier lokomotif iko dihabiskan untuak manarik kareta api batu baro jo panumpang di jalur rel gerigi nan manghubuangkan Sawahlunto jo Padang. Lokomotif iko bagala "Mak Itam", barasal dari frasa bahaso Minangkabau nan bararti "paman hitam".[1][2]

Lokomotif iko manggunokan susunan roda 0-10-0, nan artinyo mamiliki sapuluah roda panggerak nan digerakkan basamo-samo dek sabuah batang panggerak. Lokomotif iko mampu menarik kareta api batu baro nan barek muatannyo hinggo 130 ton. Lokomotif iko mamiliki ampek silinder jo duo di antaranyo marupokan silinder untuak manggerakkan gigi-giginyo.[2]

Sijarah suntiang

Pambalian lokomotif suntiang

Untuak maningkekan kabutuhan pangangkutan batu baro dari Ombilin, Staatsspoorwegen ter Sumatra's Westkust (SSS) mamutuskan mangganti lokomotif-lokomotif uok tuo nan dianggap indak bisa manarik KA batu baro dengan jumlah gerbong nan banyak. Lokomotif-lokomotif gadang dipiliah karano kuek mananjak, badaya gadang, sarato mampu manarik labiah banyak kareta panumpang maupun gerbong. Lokomotif nan dahulunyo diagiah nomor seri SSS 104–125 ini diproduksi dek Esslingen di Jerman sarato SLM di Swiss. Ado 22 unit lokomotif baoperasi, jo parincian SSS 104–112 sarato 119–121 diproduksi oleh SLM, Swiss dan sisonyo Esslingen, Jerman. Pangadaan lokomotif iko dilakukan pado tahun 1921, 1926, jo 1928.[2][3] Lokomotif lainnyo nan juo dimasukkan dalam kelas SSS 1xx adolah D18 dengan jumlahnyo 3 unit.

Sasudah-kamerdekaan 17 lokomotif baru ditambahkan juo nomor seri E10, sahinggo total unit lokomotif iko adolah 39 unit. Sapuluah unit partamo diproduksi dek Esslingen; 7 sisonyo diproduksi pado tahun 1967 dek Nippon Sharyo, dan dianggap sabagai lokomotif uok tarakhir nan diproduksi dek Nippon Sharyo. Lokomotif iko baroperasi untuak angkutan panumpang jo batu baro hinggo patangahan dekade 1980-an.

Anehnyo lai, dalam roster nan dibuek dek Indra Krishnamurti, indak ado lokomotif dengan nomor E1026–50 (langsuang ke E1051–67).[3]

Preservasi suntiang

 
Lokomotif E1060 sawaktu baroperasi di jalur KA Jambu–Ambarawa–Tuntang, 2008.
 
Lokomotif E1060 di Depo Lokomotif Museum Kereta Api Ambarawa, 2008.

Pado tahun 1984, SLM mamproduksi lokomotif diesel bagigi untuak PJKA, BB204, untuak manggantikan lokomotif E10 nan alah dianggap indak layak baoperasi, dan dibantai ciek-ciek. Pado tahun 1988, sabuah lokomotif, E1060, dibaok ka Museum Kereta Api Ambarawa untuak dipreservasi. "Saudara tuonyo", E1016, diboyong ka Museum Transportasi, Taman Mini Indonesia Indah, dan dijadikan pajangan di museum itu sampai kini ko. Pado saat lokomotif E1060 baoperasi di Ambarawa, lokomotif iko mamiliki ukuran roda gigi nan indak sasuai jo rel garigi Jambu–Bedono (hanyo kompatibel jo jiniah asli Ambarawa, B25). Jiko dipaksakan, lokomotif iko mudah rusak.[2]

Dalam rangka mampromosikan Museum Kereta Api Sawahlunto nan sabalumnyo dibuka pado tanggal 17 Desember 2005,[4] Pemerintah Kota Sawahlunto maminta PT Kereta Api mangembalikan lokomotif E1060 ka Sumatra Barat. Pamindahan tasabuik sapanuahnyo tawujud pado tanggal 3 Desember 2007[5] dan sajak saat itu, Sumatra Barat alah kembali mamiliki lokomotif uok.

Pado tanggal 21 Februari 2009, kareta api Mak Itam mulai dioperasikan basamo jo kareta api wisata Danau Singkarak. Relasi kareta api Mak Itam adolah Sawahlunto–Muarakalaban, sadangkan kereta api wisata Danau Singkarak adolah Sawahlunto–Padangpanjang.[6]

Dalam catatan preservasinyo, lokomotif iko pernah dicarter untuak manyambuik ajang basapeda tahunan Tour de Singkarak 2012. Tabukti, lokomotif iko pado saat itu masih kuek manarik anam unit kareta panumpang, dengan satu kareta asli Mak Itam (warna krem-hijau) sarato limo unit kareta panumpang nan biasonyo dipakai untuak KA wisata Danau Singkarak.[7][8][9]

[10]

.[11].[12]

Kini Lokomotif E1060 Dapek beroperasi manarik kareta wisata Mak Itam berkat usaho perbaikan nan tajadi kurang labiah 2 tahun di museum kareta api Sawahlunto jo tarif Kurang labiah Rp54.000 Perorang.

Caliak pulo suntiang

  • Kereta api Mak Itam

Galeri suntiang

  •  
    Salah satu unit lokomotif SSS 100 (E10) di Padang, 1947.
  •  
    Lokomotif E10 yang menghela rangkaian kereta api campuran sedang berhenti di area Bukittinggi-Singkarak, 1971.
  •  
    Lokomotif E1016 di Museum Transportasi Taman Mini Indonesia Indah (TMII), 2002.

Rujuakan suntiang

  1. ↑ Bagus Prayogo, Yoga; Yohanes Sapto, Prabowo; Radityo, Diaz (2017). Kereta Api di Indonesia. Sejarah Lokomotif di Indonesia.. Yogyakarta: Jogja Bangkit Publisher. p. 105. ISBN 978-602-0818-55-9. 
  2. ↑ a b c d "Lokomotif E10". Heritage Kereta Api Indonesia. Diarsipkan dari versi asli tanggal 2023-05-30. Diakses tanggal 2019-08-02. 
  3. ↑ a b "Steam Locomotive Roster, Page 1". keretapi.tripod.com. Diakses tanggal 2019-08-02. 
  4. ↑ "Museum Kereta Api Sawahlunto - Heritage KAI". heritage.kai.id. Diarsipkan dari versi asli tanggal 2019-04-14. Diakses tanggal 2019-07-23. 
  5. ↑ Poerwanto, Endy. "Jadi Lokomotif Pariwisata, Jalur KA Mak Itam Diaktifkan – Portal Berita Bisnis Wisata" (dalam bahasa Indonesia). Diakses tanggal 2019-07-23. 
  6. ↑ "Mak Itam dan KA Wisata Resmi Beroperasi di Sumbar". Kompas.com (dalam bahasa Indonesia). Diakses tanggal 2019-07-23. 
  7. ↑ BeritaSatu.com. "Peserta Tour de Singkarak akan Naik "Mak Itam" ke Sawahlunto". beritasatu.com (dalam bahasa Indonesia). Diakses tanggal 2019-07-23. 
  8. ↑ Farhan, Afif. "Kereta Mak Itam, Siap Sambut Peserta Tour de Singkarak 2012". detikcom (dalam bahasa Indonesia). Diakses tanggal 2019-07-23. 
  9. ↑ Asdhiana, I Made (ed.). "Mak Itam Tak Lagi Menjerit..." Kompas.com (dalam bahasa Indonesia). Diakses tanggal 2019-07-23. 
  10. ↑ Saleh, Yudhistira Amran. "Menyelamatkan Lokomotif 'Mak Itam', Ganti Onderdil Rusak dengan 'Jeroan' Handmade". detikcom. Diakses tanggal 2019-08-02. 
  11. ↑ langkan. "Sawahlunto Hadirkan Replika Lokomotif Mak Itam dari Mesin Diesel". Kumparan (dalam bahasa Indonesia). Diakses tanggal 2019-07-23. 
  12. ↑ "Operasikan Replika 'Mak Itam', Jalur dan Lubang Kalam Direvitalisasi". www.harianhaluan.com. Diarsipkan dari versi asli tanggal 2019-07-23. Diakses tanggal 2019-07-23. 
Diambiak dari "https://min.wikipedia.org/w/index.php?title=Lokomotif_E10&oldid=3150098"