Limau manih pasaman

Limau Manih salah satu kuliner buah yang populer yang ado di Pasaman Barat. Limau manih dapek ditamukan urang manjua di tapi jalan Pasaman Barat atau di kadai-kadai. limau manih ko biasonyo banyak dibali urang untuak oleh-oleh atau buah tangan dari Pasaman Barat, atau bisa juo untuak buah hidangan baralek, mando'a atau sekedar untuak makanan dirumah sajo. limau manih pado umumnyo ampia samo bantuak nyo samo limau pado umumnyo, bulek dan sagadang bola kasti, warna ado nan hijau, hujau kakuniang-kuniangan atau kuniang ado juo dan lah aleh rasonyo manih. Bagi sanak nan ado berkesempatan pai jalan-jalan ka Pasaman Barat bisa mancaliak langsuang kabunnyo atau bisa juo mambiak dari pohonnyo langsuang dan sanak bisa baruntuang main-main sakalian barekreasi ka kabun limau manih nan ado di Pasaman Baat. harago limau manih ko pado umumnyo dijua urang di Pasaman sakilo nyo sakitaran lapan sampai sapuluah ribuan, tapi jikok sanak langsuang pai kakabunnyo tantu haragonyo labiah murah.