LiAngelo Ball
LiAngelo Ball atau LiAngelo Robert Ball (lahia 24 November 1998) marupoan pamain bola basket Amerika nan kini bamain untuak Ballers Los Angeles.[1] Baliau tamasuak pulo pamain National Basketball Association (NBA).[2]
 | |
| Informasi pribadi | |
|---|---|
| Lahia | 24 November 1998 Anaheim, California |
| Kabangsaan | American |
| Tinggi | 6 ft 5 in (1.96 m) |
| Barek | 230 lb (104 kg) |
| Informasi karier | |
| Sakolah manangah ateh | Chino Hills, California |
| Paguruan tinggi | Universitas California, Los Angeles |
| Posisi | Shooting guard |
| Riwayaik karir | |
| BC Prenai | |
| Los Angeles Ballers | |
Kahidupan suntiang
LiAngelo Ball maruupoan anak kaduo dari kaluargo Ball. Baliau lahia di Anaheim jo gadang daerah Chino Hills basamo duo sanaknyo nan banamo Lonzo Ball jo La Melo Ball. Liangelo Ball mulai baraja bamain basket sajak baumua 4 tahun. Bakat olahraganyo diturunan dari kaduo urang tuonyo. Ayahnyo LaVar Ball adolah pamain American Football, jo ibunyo Tina Ball, marupoan saurang pamain bola basket nan pernah bamain untuak Cal State Los Angeles.[2]
Samaso remajanyo, LiAngelo Ball pernah sato dalam kompetisi Amateur Athletic Union mawakili tim Big Ballers VXT, sabuah tim U-17 nan dibuek dek ayahnyo LaVarr Ball, nan marangkap sabagai palatih basamo istrinyo Tina Ball.[1]
Karir Junior suntiang
Chino Hills High School
Di musim patamonyo taun 2012-2013, LiAngelo Ball baumua 15 tahun, baliau bagabuang jo tim bola basket nan ado di Chino Hills High School, nan wakatu itu palatihnyo Steve Baik. Di Chino Hills, baliau bamain jo sanak laki-lakinyo, Lonzo Ball nan bastatus sabagai mahasiswa tingkek duo katiko itu. Pado awal Maret 2014 Chino Hills ikuik sato dalam kajuaraan patamonyo di kajuaraan divisi terbuka CIF Southern Section, nan tarakhia baliau kalah 48-44 malawan Mater Dei High School. Di bulan nan samo, baliau kalah di final walaupun dapek mancetak 10 poin.[2]
Pado musim barikuiknyo di taun 2014-2015, LiAngelo harus absen dari turnamen nan diadoan di Fairfax High Scholl pado bulan Juni 2014, dek karano mangalami cedera kaki. Baliau bamain baliak bulan September 2014 nan berhasil manang mangalahan basamo timnyo Cathedral High School jo mancetak 30 poin. Di lago barikuiknyo malawan Maranatha High School, baliau mambaok Chino Hils kalua sabagai juara. Di patandiangan tu, baiau mancetak 35 poin jo mandapekan 30 point per patandingan. Dek patandiangannyo tu baliau mandapek penghargaan Most Valuable Player (MVP) basamo Lonzo Ball. kakaknya. Di musim itu pulo, baliau barado si paringkek ka-22 dalam olahraga basket di negaranyo manuruik MaxPreps.[3]
Chino Hills naik ka paringkek 8 sabagai tim terbaik dalam olahraga basket di negaranyo pado musim 2015-2016 manuruik USA Today High School Sports.[4] Di musim nan samo, baliau manang pulo basamo timnyo Chino Hills manjuarai City of Palm Classic jo duo sanaknyo Lonzo Ball sarato La Melo Ball. Pado taun 2016, baliau mandapekan paringkek patamo jo Chino Hills sabagai tim terbaik dalam olahraga basket di negaranyo.[5] Salain itu baliau manang pulo di kajuaraan CIF Southern Section.[6]
Di musim tarakhia LiAngelo Ball basamo Chino Hills pado musim 2016-2017, sanaknyo Lonzo Ball alah indak bamain lai untuak Chino Hills. Palatih dari tim baliau diganti pulo manjadi Stephan Gilling. Di musim ko Chino Hills turun ka paringkek 12 sabagai tim terbaik dalam olahraga basket di negaranyo. Walaupun baitu, baliau manjadi barito utamo dek panampilannyo salamo bamain di Batle Zone Tournament. Baliau manjadi Top Score individu paliang tinggi ka-10 dalam sijarah basket tingkek sakolah manangah di California. Baliau pernah pulo dapek penghargaan Most Valuable Player (MVP) dalam turnamern ko. Taun 2017, LiAngelo Ball dinobatkan baliak sabagai Player Of The Year All-Area dek San Benardino Sun jo Inland Valley Daily Bulletin, sarato penghargaan CIF Southern Section All-Open Division.[7] Salain itu baliau masuak ka dalam first-team All-State jo honorable mention All-American selection. Baliau pernah pulo manjadi pancetak gol paliang banyak ka-4 dalam sijarah CIF Southern Section, jo total musim paliang banyak ka-10 di CIF Southern Section. Basamo Chino Hills, baliau mancatatan rekor 60 kamenangan baturuik-turuik antaro taun 2015-2017.[1]
Universitas California, Los Angeles
Sasudah manandotangani letter of intent dari UCLA Bruins, LiAngelo mandaftaran dirinyo di University of California, Los Angeles pado taun 2017. Baliau manjadi pamain cadangan katiko manjalani musim patamonyo di taun 2017-2018. Patandiangan patamo baliau di musim tu katiko malawan tim Divisi 2 National Collegiate Athletic Association (NCAA), Cal State Los Angeles jo mandapek 11 poin.[8]
Sahari sabalum pambukaan musim reguler UCLA Bruins malawan Georgia Tech di Shanghai, China, LiAngelo jo duo kawannyo tatangkok mancilok kacomato itam di toko, Louis Vuitton, indak jauh dari hotel tampek baliau manginap di Hangzhou.[9] Baliau dihukum mambayia denda atau kurungan 10 taun panjaro.[10] Namun Presiden Amerika Serikat, Donald Trump mambebasan baliau jo kawannyo sarato buliah baliak ka negara asa baliau.[11] Walapun berhasil lapeh dari hukuman tu, baliau jo kawannyo tetap dapek hukuman dari paguruan tingginyo. Baliau diskors tanpa ado bateh wakatu dari program basket UCLA.[12]
Karir Profesional suntiang
BC Prienai (2018)
Pado Desember 2017, kontrak LiAngelo jo BC Prienai di Lithuanian Basketball League basamo adiaknyo salasai. Baliau jo adiaknyo mamulai debut musim 2017-2018 basamo BC Prienai malawan Lietkabelis Panevėžys. Salamo bamain di BC Prienai, LiAngelo Ball pernah cidera di pergelangan kaki sabalun batandiang malawan Juventus Utena. Pado bulan Maret 2018 LiAngelo jo La Melo manyalasaian karirnyo jo BC Prienai.[13]
Los Angeles Ballers (2018-kini)
Los Angeles Ballers marupoan klub dari liga Junior Basketball Association, liga ko dibantuak dek LaVarr Ball, ayahnyo LiAngelo Ball. Baliau bagabuang jo Los Angeles Ballers pado bulan Juli 2018. Basamo timnyo, baliau banyak mandapek panghargoan, diantaronyo west roster jo co-MVP Junior Basketball Association All-Star Game, All-Star Game MVP, sarato Finals MVP. Baliau tamasuak pulo dalam 14 pamain liga nan ditunjuak tim Junior Basketball Association USA untuak malawan tim Eropa dalam tur internasional.[14]
Rujuakan suntiang
- ↑ a b c Anaheim; Ballers. "LiAngelo Ball". Nbafamily Wiki (dalam bahasa Inggris). Diakses tanggal 2020-12-03.
- ↑ a b c Seun, Adeola. "LiAngelo Ball Height, Age & Stats Of The NBA Player". JustRichest Biography and Celebrity Profiles, Full Net Worth, Movies & TV (dalam bahasa Inggris). Diakses tanggal 2020-12-03.
- ↑ "MaxPreps 2014-15 Preseason Top 25 high school boys basketball rankings". www.azpreps365.com (dalam bahasa Inggris). Diakses tanggal 2020-12-05.
- ↑ "Super 25 in 25: Chino Hills (Calif.) at No. 8". USA TODAY High School Sports (dalam bahasa Inggris). Diakses tanggal 2020-12-05.
- ↑ "No. 1 Chino Hills, Ball brothers give new meaning to fast-paced offense". USA TODAY High School Sports (dalam bahasa Inggris). Diakses tanggal 2020-12-05.
- ↑ "De La Salle falls to undefeated Chino Hills in state title game". The Mercury News (dalam bahasa Inggris). Diakses tanggal 2020-12-05.
- ↑ "All-area boys basketball: Chino Hills' LiAngelo Ball is Player of the year". San Bernardino Sun (dalam bahasa Inggris). Diakses tanggal 2020-12-05.
- ↑ "LaVar Ball pulls LiAngelo Ball out of UCLA amid indefinite suspension". Daily Bruin. Diakses tanggal 2020-12-05.
- ↑ "Sources: UCLA's Ball, others arrested in China". ESPN.com (dalam bahasa Inggris). Diakses tanggal 2020-12-05.
- ↑ "With Chinese Racism Against Black People, Can LiAngelo Ball And UCLA Players Get A Fair Trial?". WOL-AM 1450 AM & 95.9 FM (dalam bahasa Inggris). Diakses tanggal 2020-12-05.
- ↑ Carroll, Charlotte. "LiAngelo Ball only thanked Trump because UCLA made him". Sports Illustrated (dalam bahasa Inggris). Diakses tanggal 2020-12-05.
- ↑ Mather, Victor. "U.C.L.A. Suspends 3 Players; They Admitted to Shoplifting in China (Published 2017)". The New York Times (dalam bahasa Inggris). ISSN 0362-4331. Diakses tanggal 2020-12-05.
- ↑ Gartland, Dan. "LaMelo, LiAngelo Ball to play in Lithuania". Sports Illustrated (dalam bahasa Inggris). Diakses tanggal 2020-12-25.
- ↑ Newport, Kyle. "LiAngelo Ball Joins Los Angeles Ballers of Father LaVar's JBA League". Bleacher Report (dalam bahasa Inggris). Diakses tanggal 2020-12-25.