Buka menu utama

Lauik Sirah

taluak di Timur Tengah
Lauik Sirah

Lauik Sirah adolah taluak nan talatak di Timur Tengah nan mamisahan banua Asia jo banua Afrika. Lauik Sirah punyo panjang 1.900 km jo leba 300 km.

GeografiSuntiang

Sacaro geografis, Lauik Sirah marupoan taluak nan bahubungkan langsuang jo Lauik Arab di sisi selatan. Di sapanjang paraiaran Lauik Sirah, ado babarapo negara yaitu Arab Saudi, Mesir, Sudan, Eritrea, jo Ethiopia atau nan biaso disabuik Negara-negara Maghribi. Sadangkan di sabalah utara, ado Tarusan Suez nan manghubungkan Laut Sirah jo Mediterania. Leba Lauik Sirah iko mancapai jarak 300 km, sadangkan panjang sisi pesisia Lauik Sirah mancapai jarak kiro-kiro 1.900 km. Untuak kadalamannyo lauik iko, titik paliang dalam Lauik Sirah kiro-kiro 2.500 meter di bawah pamukaan lauik.[1]

FisikSuntiang

 
Lauik Sirah nan di ambiak dari Jeddah

Suhu pamukaan lauik iko biasonyo kiro-kiro 21-25°C jo jarak pancaliakan 200 m. Warna Lauik Sirah adolah biru jo sabagian nan lainnyo indak bawarna atau disabuik pulo bening. Lauik Sirah ko di dalamnyo banyak alang-alang jo ganggang. Pado musim paneh, aia Lauik Sirah ko nampak agak sirah karano warna dari alang-alang, ganggang, sarato ekosistem nan ado di bawahnyo.[2]

HidrologiSuntiang

Aia nan ado di Lauik Sirah ko indak ado nan barasa dari sungai jo saia hujan, malainkan masuak dari aliran saluran timur Selat Bab el-Mandeb dari Taluak Aden. Aliran iko didoromg ka utara dek angin nan ado di dakek situ jo mahasiakan pola sirkulasi jo tingkek kaasinan nan randah ( tingkek kaasianannyo rato-rato 0,036). Aia nan barasa dari Taluak Suez punyo tingkek kaasinan kiro-kiro 0,040, sabagiannyo dek manguap. Aia nan banyak ko pai ka arah selatan dan maanok di bawah pearairan Lauik Sirah ko. Di bawah zona papindahan nan mamanjang kiro-kiro 300 sampai 1.300 kaki, kondisi aia distabilkan sakitar 72 ° F (22 ° C) jo tingkek kaasianan hampia 0,041. Aia dasar nan mangalia ka selatan, tumpah di ambang di Bab el-Mandeb.[3]

PariwisataSuntiang

Kota-kota nan ado di pasisia Lauik Sirah ko ado : Jeddah, Sharm el Sheikh, Palabuhan Sudan, jo Eilat. Pado 1950-an, Hans Haas manamuan basonyo Lauik SIrah ko bisa sabagai tampek manyalam, kamudian Jaques-Yves Costeau manyabuikan sarupo itu pulo.

Negara nan babatehanSuntiang

Nagara-nagara nan babatehan jo Lauik Merah adolah :

AfrikaSuntiang

AsiaSuntiang

RujuakanSuntiang