Lapek pisang

Lapek pisang adolah makanan nan asanyo dari Minangkabau tabuek dari pisang. Lapek pisang ko biasonyo ada katiko acara-acara nan ado di Minangkabau, mode acara baralek.

Lapek pisang

Bahan

- pisang

- tapuang bareh

- gulo pasia

- vanile

- garam

- karambia kukua yang putiah sajo

- gulo anau

- daun pisang

Caro mambuek

Partamo bukak kulik pisang, masuak an pisang ka dalam panci ketek, sudah tu di caiakan ditambah jo gulo pasia, tapuang bareh yang digiliang surang, indak tapuang bareh kemasan yang di jua-jua di kadai, garam, vanile dan agiah karambia kukua tapi yang putiah nyo sajo agak saketek supayo katiko di makan indak lengket-lengket di gigi. Itu untuak di luanyo. Kalau untuak isinyo gulo anau di caiakan, agiah saketek gulo pasia jo garam jadilah nyo luo. Kalau alah caia masuak an karambia kukua siso dari kuliknyo tadi aduak sampai rato dan manjadi kariang. Sasudah tu ambiak daun pisang latak an pisang yang alah di aduak tadi kaateh daun pisang agiah luo tadi sudah tu dibungkuih jo daun pisang. Kalau sado alahnyo alah tabungkuih masuak an ka dalam pariuak yang ado ransangnyo, di abuih salamo tigo puluah minik. Kalau alah masak kaluaan lapek pisang dari pariuak supayo aia nyo ndak masuak ka dalam lapek.