Lambah Harau
Lambah Harau adolah ciek lambah nan ado di Indonesia. Lokasinyo barado dakek dari Kota Payokumbuah, tapeknyo di Kecamatan Harau, Kabupaten Limopuluah Koto, Provinsi Sumatera Barat.[1] Lambah Harau diapik dek bukik-bukik cadas nan majulang tinggi nan punyo katinggian mancapai 150 meter. Lambah iko barado di dataran tinggi Sumatera Barat pado katinggian 500 sampai 850 meter diateh pamukaan aia lauik.[2]
Lambah Harau kini manjadi salah satu tampek raun nan dituju di Sumatera Barat.[3] Panorama alam barupo tabiang-tabiang batu granit bakatinggian 100 meter hinggo 500 meter manjadi pusek paratian. Salain itu, ado banyak sarasah nan taseba di kawasan lambah ko.[4]
Sijarah
suntiangManuruik kaba carito nan bakambang di masyarakaik, Lambah Harau daulunyo babantuak lautan. Pado maso itu ado sabuah istano rajo nan tagak di ateh tabiang-tabiang tinggi. Konon kabanyo, lambah ko barubah manjadi daratan dek sang rajo mangariangkan aia lauik guno mancari anaknyo nan bunuah diri ka dasa lauik. Anak rajo tasabuik bunuh diri dek karano rajo mamasonyo untuak manikahi laki-laki nan indak inyo sukoi. Kudian sasudah aia lauik dikariangkan hinggo sampai manjadi daratan, tatap juo putinyo indak ditamuan.[5]
Manuruik kaji ilimu bumi, Lambah Harau tabantuak dari proses pangangkatan batuan nan basamoan jo tajadinyo erosi. Tabiang-tabiang batu nan ado tasusun dek endapan dataran randah nan kudian samakin maninggi. Panaliti-panaliti manamukan juo batuan nan manganduang fosil lingkungan lauik nan manandokan baso dahulunyo daerah iko ado di lingkuangan lauik. Salain itu, tabantuaknyo lambah dek adonyo patahan turun atau block nan turun nan kamudian mambantuak lambah nan cukuik laweh jo data. Di antaro tando adonyo patahan adolah adonyo aia tajun atau sarasah nan taseba di lambah ko.[6]
Pado taun 1980, Tim Geologi Jerman (Barat) manyurvei sarato maniliti batuan nan barado di Lambah Harau ko. Dari hasil survei tasabuik, tim kudian manyimpulkan, batuan nan ado di tabiang-tabiang tu adolah jinih batuan breksi jo konglomerat nan marupoan jinih babatuan nan umumnyo ado di dasa lauik.[6]
Lokasi
suntiangSacaro administratif, Lambah Harau barado di Kecamatan Harau, Kabupaten Lima Puluh Kota, Provinsi Sumatera Barat. Dari Kota Padang dapek manampuah pajalanan darek sakitar 138 Km nan mahabihkan wakatu kurang labiah 3 inggo 4 jam pajalanan dan jikok dari Bukittinggi jaraknyo hanyo sakitar 47 Km. Akses manuju Lambah Harau ko cukuik murah dek talatak di Jalan Linteh Sumbar-Riau dan tampak patunjuak jalan panando masuak ka dalam Kawasan Lambah Harau.[7]
Pariwisata
suntiangKawasan Lambah Harau marupokan salah satu objek wisata nan tanamo di Sumatera Barat. Banyak turis nan bakunjuang untuak bawisata ka Lambah Harau, baiak turis dari dalam ataupun lua nagari.[8] Salain dapek mancaliak pamandangan alam nan rancak sarato udaranyo nan sajuak, hal lain nan dapek dilakukan yaitu treking atau mandaki bukik-bukik nan ado di sakitaran lambah. Kudian dari ateh bukik tasabuik dapek tampak jaleh kasadoalahan Lambah Harau.[9]
Salain pariwisata nan mamanjokan mato jo alamnyo, ado pulo wahana wisata nan dikelola dek swasta atau warga satempek. Tampek wisata ko banamo Harau Dream Park. Di dalamnyo ado taman jo sungai buatan. Ado juo tiruan kampuang-kampuang nan ado di lua nagari. Wahana ko manjadi tampek tujuan bapoto balatar balakang miniatur bangunan lua nagari.[10]
Sarasah
suntiangSarasah di kawasan ko ado tujuah buah. Sarasah nan paliang tanamo di siko iolah Sarasah Bunta. Sarasah Bunta manjadi tanamo dek ado sabuah monumen paninggalan Balando taun 1926, aratinyo sarasah ko alah pernah dikunjuangi katiko tahun tasabuik. Salain itu anam sarasah lainnyo iolah Sarasah Murai, Aka Barayun, Aie Luluih, Donat, Talang jo Aie Angek. Katinggian tiok sarasah babeda-beda, tapi dipakirokan tinggi dari sarasah-sarasah tasabuik antaro 50 inggo 90 meter.[11]
Rujuakan
suntiang- ↑ Media, Kompas Cyber. "Lembah Harau, Salah Satu Lembah Terindah di Indonesia". KOMPAS.com (dalam bahasa Indonesia). Diakses tanggal 2021-01-23.
- ↑ "Lembah Harau". sumbar.travel. Dinas Pariwisawa Provinsi Sumatera Barat. 16 January 2019. Diarsipkan dari versi asli tanggal 27 January 2021. Diakses tanggal 23-01-2021.
- ↑ Kaya, Indonesia. "Lembah Harau, Bentangan Dinding Alam di Ujung Timur Sumatera Barat : Pariwisata - Situs Budaya Indonesia". IndonesiaKaya (dalam bahasa Indonesia). Diakses tanggal 2021-02-25.
- ↑ "Mengintip Keunikan Lembah Harau, Deretan Air Terjun dan Tebingnya Eksotis". iNews.ID (dalam bahasa Indonesia). 2019-07-13. Diakses tanggal 2021-01-23.
- ↑ "Menguak legenda sambil menikmati wisata lembah harau". pontinesia.com. Diakses tanggal 2021-01-23.
- ↑ a b "Pesona Harau Hingga Pembentukan Batu Bara". Haluan Riau (dalam bahasa Indonesia). 2019-12-09. Diarsipkan dari versi asli tanggal 2021-01-28. Diakses tanggal 2021-01-23.
- ↑ Nugraha, M. Catur (2016-02-27). "Lembah Harau, Lembah Terindah di Sumatera Barat". Jelajah Sumbar (dalam bahasa Inggris). Diakses tanggal 2021-01-23.
- ↑ Erita, Yeni. "Jurnal Spasial". ejournal.stkip-pgri-sumbar.ac.id. Program Pendidikan Studi Geografi STKIP PGRI Sumatera Barat. Diarsipkan dari versi asli tanggal 2021-01-28. Diakses tanggal 2021-01-23.
- ↑ Suryadinatan, Ravi, Rahamanelli. "JURNAL BUANA". geografi.ppj.unp.ac.id. Fakultas Ilmu Sosial, Universitas Negeri Padang. Diakses tanggal 2021-01-23.
- ↑ Redaksi5 (2020-03-07). "Harau Dream Park, Kawasan Instagenic Bernuansa Eropa". Prokabar (dalam bahasa Indonesia). Diarsipkan dari versi asli tanggal 2021-01-28. Diakses tanggal 2021-01-23.
- ↑ Septhiana, Maya. "Panorama Lembah Harau, Ikon Sumatera Barat". detikTravel (dalam bahasa Indonesia). Diakses tanggal 2021-01-23.