Lore

Lore adolah salah satu permainan tradisional Minang anak-anak asal Nagari Sungai Nanam, Kacamatan Lembah Gumanti, Solok, Sumatera Barat. Biasonyo dimainkan sakitar 3 sampai 5 urang anak. Ado beberapa jenis permainan Lore, yaitu lore biaso, lore baju, lore osoh, dan lainnyo. Permainan itu dibuek barupo garih babantuak persegi manggunoan kolok nan dilakukan di ateh tanah atau halaman. kolok marupoan alat nan tabuek dari kaco nan data atau tipih sagadang 3 jari. Salain itu, kolok akan diambuangan pamain ka dalam persegi sacaro bagantian pado kotak nan dituju.

Caro mamainkan permainan tradisional Lore, pamain harus malompek jo ciek kaki pado kotak nan indak taisi kolok. Kotak nan taisi kolok, indak buliak diinjakan. Setelah pamain sampai ka ujuang, pamain tersebut baliak ka tampek awal tadi nan sabalunnyo maambik koloknyo dari kotak nan tadakek. Kemudian kolok diambuangan baliak ka kotak barikutnyo sampai sataruihnyo. Apobilo kolok diambuangan kalua dari garih bateh, maka giliran dialihan ka pamain salanjuiknyo. Satiok pamain indak buliah mainjak garih. setelah kotak-kotak dilewatan oleh pamain, maka pamain akan mandapekan bintang, yaitu dengan caro maambuangan kolok ka dalam kotak dengan caro mambalakang. Apobilo kolok jatuah di kotak, maka kotak tersebut menjadi milik si pamain nan diagiah tando bintang. Pamain nan lain indak buliah ma injak kotak nan diagiah bintang, sadangkan si pemilik bintang buliah ma injak kotak jo kaduo kaki. Samakin banyak kotak nan ditandoi oleh bintang, maka pamain harus malompek samakin jauah pado kotak nan indak diagiah bintang. Demikian caro mamainkan permainan tradisional lore sacaro umum. Namun, indak jauah babedo caro permainan lore jenis lainnyo.