Kuil Ananta Vasudeva
Kuil Ananta Vasudeva adolah kuil Hindu untuak mamuja Sri Krishna, salah satu avatar (penjelmaan) dari Dewa Wishnu, nan talatak di Bhubaneswar, ibukota nagara bagian Odisha, di India.[1] Kuil ko dibangun pado abaik katigobaleh, di ma tadapek tigo murti (patuang) nan disambah di siko, iyolah Krishna, Balarama, jo Subhadra. Patuang Balarama tagak di bawah ula bakapalo tujuah, patuang Subhadra kaduo tangannyo mamaciak pariuak intan pamato jo bungo taratai, jo kaki kirinyo di ateh pariuak intan pamato lainnyo, samintaro Krishna mamaciak gada (pantuangan), chakra, bungo taratai, jo tarompet sipuik. Kuil ko dibangun pado maso Chandrika Devi anak Rajo Anangabhima III, iyolah pado maso pamarentahan Rajo Bhanudeva dari Dinasti Ganga Timua.
| Kuil Ananta Vasudeva | |
|---|---|
 Kuil Ananta Vasudeva | |
| Lokasi | |
| Negara: | India |
| Negara: | Odisha |
| Distrik: | Khurda |
| Lokal: | Bhubaneswar |
| Koordinat: | 20°14′26.18″N 85°50′8.81″E / 20.2406056°N 85.8357806°EKoordinat: 20°14′26.18″N 85°50′8.81″E / 20.2406056°N 85.8357806°E |
Legenda
suntiangDipakiroan baso awanyo ado ciek patuang Dewa Vishnu nan disambah di tampek nan kini dibangun kuil gadang Ananta Vasudeva ko, nan baru dibangun pado abaik ka-13 M. Pado abaik ka-13, Ratu Chandrika dai Dinasit Ganga Timua bakainginan untuak mambangun kuil nan baru - iyolah kuil Ananta Vasudeva di tampek ko. Dipakiroan baso ado kuil kuno di ma patuang Dewa Vishnu sabalunnyo ditampekkan. Sasudah tu, Wangsa Maratha nan mangambangkan kakaisarannyo inggo ka batang aia Mahanadi maadoan renovasi labiah lanjuik kuil Vishnu di Bhubaneswar ko pado akia abaik ka-17.[2]
Arsitektur
suntiangBantuak kuil ko ampia samo jo Kuil Lingaraja, namun tadapek patuang-patuang nan basipaik waisnawa (baubuangan jo Dewa Wisnu).[3] Kuil ko punyo babarapo shikhara (manara kuil) ketek nan mambantuak jalua mambujua, sarupo jo di Kuil Lingaraja, pabedoannyo adolah jumalah shikhara nan mambantuak jalua mambujua ko anyo tigo.[4] Patuang-patuang di dindiang-dindiang lua babedo juo pado satiok kuil di Bhubaneswar. Sabagian gadang patuang padusi di dindiang-dindiang kuil hiasannyo talalu balabiahan sarato kurang kakhasannyo.[5]
Pabedoan jo Kuil Jagannath Temple, Puri
suntiangPatuang-patuang nan ditamuan di garbhagrha (ruangan suci) di kuil ko struktur tubuahnyo samparono indak sarupo jo patuang-patuang di kuil Vishnu lainnyo di Odisha, iyolah Kuil Jagannath, Puri. Patuang-patuang suci (shrimurtis) di siko tabuek dari batu granit itam, bukan dari kayu sarupo nan ditamuan di di kuil Puri. Kuil ko adolah asa kota Bubaneshwar disabuik jo namo Chakra kshetra (tampek balingka), sadang Puri dinamoi Shankha kshetra (tampek malangkuang).
Galeri
suntiang-
Pamandangan Kuil Ananta Vasudeva dari Bindusagar -
Pamandangan Kuil Ananta Vasudeva pado 1869 -
Mahaprasad (sasajian pasambahan) pado Kuil Ananta Vasudeva
Rujuakan
suntiang- ↑ Ghurye, G.S. (2005). Rajput Architecture. Popular Prakashan. pp. 91. ISBN 81-7154-446-0.
- ↑ Tāntric art of Orissa .P.126.Jitāmitra Prasāda Siṃhadeba.
- ↑ Hinduism and the Religious Arts .p.149. Heather Elgood
- ↑ Rajput Architecture .p.126.G.S. Ghurye
- ↑ World heritage monuments and related edifices in India P.186.ʻAlī Jāvīd, Tabassum Javeed.