Kue putu
Kue putu (dari bahaso Jawa: ꦥꦸꦛꦸ, translit. puthu; IPA: [puʈu]) adolah jenis kudapan tradisional Indonesia barupo kue jo isian gula jawa, dibaluik jo parutan kalapo, jo tapuang bareh butiran kasar. Kue ko di kukuih jo dilatakkan di dalam tabuang bambu nan saketek dipadekan. Kue ko dijua pado saik matahari tabanam sampai laruik malam. Suaro khas uap nan kalua dari alaik suitan ko sakaligus manjadi alaik promosi bagi padagang nan bajualan.[1]
Kue putu ko umumnyo dihidangan dalam warna putiah jo hijau. Sadangkan dalam varian Putu Bugis (barasal dari Sulawesi Selatan), biasonyo kue dibuek manggunoan bahan saroman bareh katan hitam tanpo gulo sahinggo manghasilan warna kue putu nan kalam candruang hitam. Putu Bugis biasonyo dimakan jo taburan parutan kalapa jo sambal, sarato hanyo dijua pagi hari sabagai pangganti sarapan nan praktis. Malalui diaspora Jawa jo Bugis, kue putu ko dipopuleran ka negara lain dek urang Jawa jo Bugis, saroman ka Singapura jo Malaysia.[1]
Etimologi
suntiangSacaro etimologi, istilah "putu" dalam bahaso Indonesia marupoan kato serapan dari bahaso Jawa: ꦥꦸꦛꦸ, translit. puthu nan baraka dari istilah kuno bahaso Jawa: ꦥꦸꦛꦺꦴꦤ꧀, translit. puthon nan bararti "bundar" atau "lingkaran", marujuak kapado bantuak rongga buluh bambu nan digunoan dalam proses pambuatan kue putu bambu. Dalam bahaso Indonesia, Bali, jo Tagalog, varian kue putu bambu juo dikanali jo istilah "putu bumbung", "puthu bumbung (ᬧᬸᬝᬸᬩᬸᬫ᭄ᬩᬸᬂ)", jo "puto bumbong (ᜉᜓᜆᜓ ᜊᜓᜋ᜔ᜊᜓᜅ᜔)" sacaro barurutan nan baraka dari isilah dalam bahaso Jawa: ꦥꦸꦛꦸꦧꦸꦩ꧀ꦧꦸꦁ, translit. puthu bumbung nan bamakno "kue isian (gulo jawa) nan dibuek manggunoan buluah".[1]
Dalam masyarakaik Bali, "putu" (ᬧᬸᬢᬸ) marupoan namo kaluargo non-bangsawan kasta sudra nan manunjukkan urutan silsilah partamo dalam kaluarga inti. Kasta sudra dikanali sabagai kaum nan mamiliki mato pancaharian dasar nan dapek barupo sabagai padagang atau panjua makanan, dipakirokan istilah "kutu putu" juo barangkek dari parkataan ko, nan bamakno "kue nan dijual dek Putu".[1]
Sejarah
suntiangDalam kajadian "puthu" diambiak sakita 1630 di Desa Wanamarta, Jawa Timur. Di dalam naskah tasabuik kato puthu muncua saik Ki Bayi Panurta maminta santrinyo manyadiokan hidangan pagi. Dari hidangan tasabuik tadapek puthu sabagai makanan pambuka atau camilan. Namo ko juo muncua dalam Serat Centhini sabagai salah satu kudapan nan ditulis pado 1814 di maso karajaan Mataram. Panyabutan puthu juo muncul di peristiwa lain jo lokasi sarupo, Desa Wanamarta. Di naskah Centhini disabuikan Nyai Daya jo Nyai Sumbaling tangah manyiapan kudapan sasudah shalat Subuh. Di hidangan tasabuik tahidang gemblong, ulen-ulen, serabi, puthu, jadah, jenang, dendeng balur, dendeng gepuk, pisang bakar, kupat, balendrang, jenang grendul, pisang raja jo wedang bubuk.[1]
Varian
suntiangReferensi
suntiang- ↑ a b c d e "Merentang Sejarah Kue Tradisional Puthu". Republika Online (dalam bahasa Indonesia). 2023-02-12. Diakses tanggal 2023-02-12.
- ↑ a b c mirai. "4 Resep Kue Putu Ayu Legendaris yang Lembut dan Enak – GOODMINDS.ID" (dalam bahasa Inggris). Diakses tanggal 2023-02-12.
- ↑ a b c d "Kue Putu Nggak Hanya Dikukus Dalam Bambu Saja, Ini 5 Lainnya -..." www.grid.id (dalam bahasa Indonesia). Diakses tanggal 2023-02-12.
Pranala luar
suntiang- "Kue Putu Bambu, Jajanan Jadul Masih Eksis di Jombang". Kabar Jombang. Diakses tanggal 12 Pebruari 2023.
- Pinjungwati, Gayuh Tri. "Resep Kue Putu Bambu Gula Jawa". fimela.com. Diakses tanggal 12 Pebruari 2023.
- Fridayani, Nine. Agmasari, Silvita, ed. "5 Kue Tradisional Indonesia Isi Gula Merah, Tak Hanya Klepon". Kompas.com. Diakses tanggal 12 Pebruari 2023.