Kuciang lalok

Kuciang lalok adolah salah satu motif ukiran tradisional Minangkabau nan sarupo kuciang. Di Minangkabau, kuciang marupokan hewan nan dipaliharo jo disayang. Masyarakaik biasonyo manjadian kuciang sabagai panjago rumah dari mancik nan marusak. Tapi, ado sipek kuciang nan kurang ancak yakni pangantuaknyo. Kalau alah kanyang, inyo lalok-lalok se, tapi kok ado makanan di mukonyo, diambiaknyo.

Motif kuciang lalok jo saik galamai nan maisi di tangahnyo

Hal ikolah nan indak buliah dimasukkan dalam iduik. Awak indak buliah sarakah jo indak buliah talampau acok lalok-lalok jo bamaleh-malehan kok paruik alah kanyang. Namun kini, motif kuciang lalok ko alah indak basuo dalam bantuak kuciang dek ado deformasi bantuak nan alah jauah. Bangunan tradisional Minangkabau nan punyo ukiran motif kuciang lalok adolah Rumah Gadang Sicamin nan ado di Kabupaten Agam. Lataknyo di dindiang singok.