Kromium

Kromium adolah suatu unsua kimia dalam tabel periodik nan mamiliki lambang Cr jo nomor atom 24. Inyo adolah unsua patamo dalam golongan 6. Marupoan logam nan barono abu-abu cando bajo, bakilau, kareh sarato rapuah^[1] nan butuah pamolesan tinggi, tahan pangusaman, jo mamiliki titiak labua nan tinggi. Namo unsua iko diturunkan dari bahaso Yunani χρῶμα, chrōma, nan aratinyo rono,^[2] karano banyak senyawa kromium nan sangaik barono. Paduan ferokromium diproduksi sacaro komersial dari kromit jo caro silikotermal atau reaksi aluminotermal jo logam kromium malalui proses pamanggangan jo palindian nan diikuti jo reduksi manggunoan karbon nan kudian aluminium. Logam kromium banilai tinggi karano tingkek tahannyo nan tinggi taadok karat jo kakarehannyo. Pangambangan utamonyo adolah pangungkapan baso bajo dapek dibuek sangaik tahan karat jo pangusaman jo caro panambahan kromium logam untuak mambantuak bajo nirkarat. bajo nirkarat jo palapisan krom (elektroplating jo kromium) sacaro gabuangan adolah 85% dari panggunoan komersial. Ion kromium trivalen (Cr(III)) dalam jumlah renik adolah nutrisi esensial pado manusia untuak metabolisme insulin, gulo jo lipida, maskipun persoalan iko masih diperdebatkan.^[3]. Samantaro logam kromium jo ion Cr(III) dianggap indak baracun, kromium heksavalen (Cr(VI)) basipaik toksik jo karsinogenik. Situs produksi kromium nan alah indak tapakai acok paralu pambarasiahan lingkuangan.

Karakteristik

Fisika

Kromium basipaik magnetik : inyo adolah satu-satunyo unsua padek nan manunjuakkan tingkek antiferomagnetik pado suhu ruang (nan di bawahnyo). Di ateh 38 °C, inyo barubah manjadi paramagnetik.

Pasivasi

Logam kromium nan dipadiakan talatak di udaro tabukak maalami pasivasi dek oksidasi, nan mambantuak lapisan pamukaan tipih nan protektif. Lapisan iko adolah suatu struktur spinel jo katabalan hanyo babarapo molekul. Inyo sangaik padek, jo maambek difusi oksigen ka dalam logam di bawahnyo. Iko babeda dari oksida nan tabantuak pado pamukaan basi jo bajo karbon, nan dima oksigen elemental taruih bamigrasi, mancapai logam di bawahnyo nan manyababkan pakaratan nan bakalanjuikan. Pasivasi dapek ditingkekan jo caro kontak singkek jo asam oksidator cando asam nitrat. Kromium tapasivasi stabil taadok asam. Pasivasi dapek dihilangan jo reduktor kuek nan maancuakan lapisan oksida palinduang pado logam. Logam kromium nan alah diagiah palakuan iko mudah laruik dalam asam lamah.

Kromium, indak cando logam sajinih saroman basi jo nikel, indak tapangaruah dek parapuahan hidrogen. Namun inyo tapangaruah dek perapuhan nitrogen, bareaksi jo nitrogen dari aia jo mambantuak nitrida nan rapuah pado suhu tinggi nan marupoan bagian dari karya logam.^[4]

Isotop

Kromium alami tasusun dari tigo isotop nan stabil; ⁵²Cr, ⁵³Cr dan ⁵⁴Cr, jo ⁵²Cr adolah nan paliang banyak (kelimpahan alami 83,789%). Sabanyak 19 radioisotop alah dikarakterisasi, jo nan paliang stabil adolah ⁵⁰Cr jo wakatu paruh (labiah dari) 1,8×10¹⁷ tahun, jo ⁵¹Cr jo wakatu paruh 27,7 hari. Sadoalah isotop radioaktif sisonyo mampunyoi wakatu paruah kurang dari 24 jam jo mayoritas kurang dari 1 minik. Unsua iko mamiliki 2 isotop meta stabil.^[5]. Isotop kromium ado dalam kisaran massa atom dari 43 u (⁴³Cr) hinggo 67 u (⁶⁷Cr). Moda peluruhan utamo sabalun isotop stabil paliang banyak ado, ⁵²Cr, adolah tangkapan elektron, sadangkan moda utamo sasudahnyo adolah paluruahan beta.^[5] ⁵³Cr alah diajukan sabagai proksi untuak konsentrasi oksigen atmosfer.^[6]

Rujuakan

↑ Brandes, E. A.; Greenaway, H. T.; Stone, H. E. N. (1956). "Ductility in Chromium". Nature. 178 (587): 587. Bibcode:1956Natur.178..587B. doi:10.1038/178587a0.
↑ χρῶμα, Henry George Liddell, Robert Scott, A Greek-English Lexicon, on Perseus
↑ "Chromium". Office of Dietary Supplements, US National Institutes of Health. 2016. Diakses tanggal 06 Maret 2021.
↑ Wallwork, G. R. (1976). "The oxidation of alloys". Reports on the Progress Physics. 39 (5): 401–485. Bibcode:1976RPPh...39..401W. doi:10.1088/0034-4885/39/5/001.
↑ ^a ^b Georges, Audi; Bersillon, O.; Blachot, J.; Wapstra, A. H. (2003). "The NUBASE Evaluation of Nuclear and Decay Properties". Nuclear Physics A. Atomic Mass Data Center. 729: 3–128. Bibcode:2003NuPhA.729....3A. doi:10.1016/j.nuclphysa.2003.11.001.
↑ Frei, Robert; Gaucher, Claudio; Poulton, Simon W.; Canfield, Don E. (2009). "Fluctuations in Precambrian atmospheric oxygenation recorded by chromium isotopes". Nature. 461 (7261): 250–253. Bibcode:2009Natur.461..250F. doi:10.1038/nature08266. PMID 19741707.

[1] Brandes, E. A.; Greenaway, H. T.; Stone, H. E. N. (1956). "Ductility in Chromium". Nature. 178 (587): 587. Bibcode:1956Natur.178..587B. doi:10.1038/178587a0.

[2] χρῶμα, Henry George Liddell, Robert Scott, A Greek-English Lexicon, on Perseus

[ods-3] "Chromium". Office of Dietary Supplements, US National Institutes of Health. 2016. Diakses tanggal 06 Maret 2021.

[4] Wallwork, G. R. (1976). "The oxidation of alloys". Reports on the Progress Physics. 39 (5): 401–485. Bibcode:1976RPPh...39..401W. doi:10.1088/0034-4885/39/5/001.

[NUBASE-5] Georges, Audi; Bersillon, O.; Blachot, J.; Wapstra, A. H. (2003). "The NUBASE Evaluation of Nuclear and Decay Properties". Nuclear Physics A. Atomic Mass Data Center. 729: 3–128. Bibcode:2003NuPhA.729....3A. doi:10.1016/j.nuclphysa.2003.11.001.

[6] Frei, Robert; Gaucher, Claudio; Poulton, Simon W.; Canfield, Don E. (2009). "Fluctuations in Precambrian atmospheric oxygenation recorded by chromium isotopes". Nature. 461 (7261): 250–253. Bibcode:2009Natur.461..250F. doi:10.1038/nature08266. PMID 19741707.

[1]

[2]

[3]

[4]

[5]

[6]