Wikipedia

Komunitas Adaik Tapancia

Komunitas Adat Tapancia atau yang biaso disingkek KAT adolah sakumpulan urang dalam jumlah tatantu nan tarikek dek kasatuan geografis,ekonomi dan/atau sosial budayo dan miskin, tapancia dan/atau rantan sosial ekonomi.[1] Manuruik Adimiharja manjalehan komunitas adaik tapancia sabagai bagian dari masyarakaik Indonesia adolah kalompok masyarakaik nan tarisolasi baiak sacaro fisik, geografis jo sosial budayo.[2] Ado babarapo kariteria KAT nan dimakasuik diantaronyo, tabatehnyo akses untuak mandapekan palayanan sosial dasar, masyarakaiknyo tatuik, homogen, iduiknyo bagantuan ka sumber dayo alam, iduik tasisiah di pedesaan dan perkotaan dan/atau tingga di wilayah bateh antaro negara, pulau-pulau taluwa dan tapancia.[1]

Parumahan nan diagiah dek pemerintah untuak komunitas adaik tapancia di Tanjung Beringin, Kecamatan Sungai Laur, Kabupaten Ketapang, Kalimantan Barat
Ado kategori tantang Komunitas Adaik Tapancia di Wikimedia Commons

Dalam kahidupan komunitas tabantuak perasaan mamiliki atau perasaan ditarimo dan diharagoi dalam kalompok tasabuik.[3] Pado kahidupan ado babarapo hal nan masih mereka pertahankan bantuak pranata sosial yang masih batumpua pado hubungan kakarabatan nan homogen, interaksi sosial nan masih tradisional dan basipek biologis sasuai katurunan darah jo ikatan tali pakawinan pado keluarga dalam kalompok, karano indak ado urang lua nan masuak jo bamukim ditampeknyo. Dapek dikatoan komunitas adaik tapancia salah satu komunitas nan tabantuak berdasarkan wilayah karano mereka manempati suatu wilayah tatantu, dan sabagian besar diantaronyo masih bisa ditamuan di dalam wilayah Indonesia.[4]Kahidupan masyarakaik komunitas adaik tapancia sangek sulit mandapekan akses pelayanan sosial dasar baiak dari pamerintah maupun swasta mambuek keprihatianan dari babagai kalangan karano inyo alah cukuik lamo iduik didalam rimbo sahinggo paralu untuk dibadayokan.[4] Komuntas adaik tapancia tamasuak salah satu dari 26 (duo puluah anam) penyandang masalah kesejahteraan sosial (PMKS) jadi pamerintah barusaho supayo hak-hak dasar masyarakaik ko tapanuhi dengan memberikan pambadayoan sosial.[5]

Pambadayoan Sosial Komunitas Adaik Tapancia suntiang

Pambardayoan sosial adolah sagalo upayo nan diarahkan untuak manjadikan warga negara yang mangalami masalah sosial mampunyoi dayo sahinggo mampu untuk mamanuhi kabutuhan dasarnyo. Kabutuhan dasar nan dimakasuik adolah kabutuhan pangan, sandang, parumahan, kesehatan, pendidikan,mato pacarian/karajo dan/atau palayanan sosial.[1] Sacaro umum pemberdayaan adolah suatu proses manuju badayo atau proses mamparoleh dayo/kakuatan/kamampuan dari pihak nan mamilki dayo kapado pihak nan kurang atau alun badayo.[6]Konsep pambadayoan kapado komunitas adat tapancia sabagai kewajiban pemerintah melalui Kementerian Sosial RI manolong masyarakaik malalui program pambadayoan. Di dalam program pambadayoan tasabuik, pambangunan dilakuan indak sajo dalam bantuak fisik bantuak parumahan tapi juo barupayo bakarajo samo jo pemerintah daerah untuk pambangunan jalan dan perekonomian jo budayo masyarakaik satampek[4].

Pembadayoan sosial kapado komunitas adaik tapancia bamakasuik untuak mangambangkan kamandirian supayo mampu mamanuhi kabutuhan dasar. Dilakuan kapado 11 bidang diantaronyo pamukiman, administrasi kapanduduakan, kahidupan baragamo, kesehatan, pendidikan, katahanan pangan,panyadioan untuk mandapekan kesempatan karajo, panyadioan lahan, advokasi dan bantuan hukum, palayanan sosial dan lingkungan iduik. Pambadayoan sosial komunitas adaiak tapancai dilakukan dek Kementerian Sosial dibawah Direktorat Pemberdayaan Komunitas Adat Terpencil.[7]Pembadayoan sosial kapado komunitas adaik tapancia ko alah dilakuan dek pemerintah sajak tahun 1969.[8][9]

Ado ampek tahapan nan dilakukan pemerintah untuak malaksanakan pambadayoan sosial kapado komunitas adaik tapancia. Partamo persiapan pambadayoan dilakukan malalui tahapan kegiatan pemetaan sosial, penjajagan awal, studi kalayakan, semiloka (daerah dan nasional), panyusunan rencana program dan panyiapan kondisi masyarakaik. Kaduo adolah palaksananaan pambadayoan dilaksanakan dalam bantuak diagnosis dan pemberian motivasi, palatihan keterampilan, pendampingan, pambarian bantuan stimulan modal, paralatan usaho dan tampek usaho, paningkatan akses manjua hasil usaho, supervisi dan advokasi sosial, penguatan keserasian sosial, penataan lingkungan sosial dan bimbingan lanjut. Katigo adolah rujukan, marupokan tahapan salasai pembinaan barupo pengalihan program atau kegiatan kapado babagai pihak sasusai kabutuhan KAT. Iko marupokan tahapan akhia setelah wakatu pambadayoan habih. Kaampek adolah terminasi marupokan pengalihan program pambardayoan sosial kapado komunitas adaik tapancia. kagiatan terminasi dilakuan dalam bantuak pambuatan berita acara pengaliahan program pambardayoan sosial KAT dari Menteri kapado pamarintah daerah.[1]

Pandampiang Sosial Komunitas Adaik Tapancia suntiang

Pandamping sosial komunitas adaik tapancia adolah urang nan mamiliki kamampuan dibidang pambadayoan sosilal KAT nan ditunjuak dan diagiah tugas dek panangguangjawek program pambadayoan sosial KAT di tampek pambadayoan KAT. Pandamping sosial komunitas adaik tapancia mamiliki kamampuan dan kapadulian dalam bakarajo sosial nan didapek malalui pendidikan, palatihan dan/atau palangalaman lapangan karajo sosial dan ditunjuak untuak malakukan pandampiangan sosial kapado KAT[10]. Ado babarapo peran nan dijalan dek pandampiang sosial diantaronyo pancapek parubahan, parantaro, pandidik, tanago ahli, parancana sosial, advokasi, dan baparan sabagai aktifis parubahan.[10]

Satiok pandampingan harus didasarkan pado 6 nilai dasar yang harus ado pado satiok pandampiang. Partamo adolah demokrasi, setiap pandampiangan yang dilakukan harus badasarkan kesepakatan jo sasaran malalui konsensus. Kaduo partisipatif, satiok pandampiang haruslah maikuiksertakan saluruh pihak yang bakapantiangan dalam proses tasabuik. Katigo keswadayaan, pandampiang haruslah bakarajo dengan mandayagunoan sumberdayo lokal. Kamapek indak diskirimnasi jadi satiok pendampian harus manghindari sikap diskriminatif kado satiok urang. Kalimo pandampiang harus manjago jo maharagoi karifan lokal. Nan kaanam baorientasi kapado proses. [10]

Pado tahun 2019 ado 45 urang pandampiang sosial KAT nan disebar ka 45 lokasi KAT di Indonesia.[11][12][13]

Poto-poto pambadayoan komunitas adaik tapancia suntiang

  •  
    Proses pembangunan di Lokasi pambadayoan komunitas adaik tapancia Suku Dayak, Tanjung Beringin, Ketapang, Kalimantan Barat
  •  
    Bimbingan sosial nan agiah dek pemerintah melalui Kementerian Sosial RI

Rujuakan suntiang

  1. ↑ a b c d "https://sikapdaya.kemsos.go.id". Diarsipkan dari versi asli tanggal 2020-06-03. Diakses tanggal 2020-06-03. 
  2. ↑ Adimihardja, Kusnaka. (2008). Dinamika budaya lokal (edisi ke-Cet. 1). [Bandung]: Indra Prahasta bersama Pusat Kajian LBPB. ISBN 978-979-9329-21-9. OCLC 318053145. https://www.worldcat.org/oclc/318053145. 
  3. ↑ Ife, Jim (2008). Community Development : Community Based Alternatives In On Age Of Globalisation. Australia: Paerson Education Australia. ISBN ‎978-602-8300-17-9. 
  4. ↑ a b c Chainar, H. Lukman Dja'far, Sudirman (2019). Kondisi sosial ekonomi dan budaya masyarakat pasca program pemberdayaan: penelitian pada komunitas adat terpencil (KAT) Kabupaten Landak. Pontianak: IAIN Pontianak Press. pp. 16. ISBN 978-602-356-234-3. 
  5. ↑ Permensos 08 Tahun 2012 tentang Pedoman Pendataan dan Pengelolaan Data Penyandang Masalah Kesejahteraan Sosial dan Potensi dan Sumber Kesejahteraan Sosial [1] Archived 2020-06-04 di Wayback Machine.
  6. ↑ Sulistiyani, Ambar Teguh (2016). Kemitraan dan model-model pemberdayaan. Yogyakarta: CV. Gava Media. ISBN 978-602-6948-49-6. 
  7. ↑ "PERATURAN PRESIDEN REPUBLIK INDONESIA NOMOR 186 TAHUN 2014 TENTANG PEMBERDAYAAN SOSIAL TERHADAP KOMUNITAS ADAT TERPENCIL". Diarsipkan dari versi asli tanggal 2020-06-03. Diakses tanggal 2020-06-03. 
  8. ↑ BeritaSatu.com. "Pemberdayaan Komunitas Adat Terpencil Telah Dilakukan Sejak 1969". beritasatu.com (dalam bahasa Indonesia). Diakses tanggal 2020-06-03. 
  9. ↑ "Mensos: Pemberdayaan Komunitas Adat Terpencil Sejak 1969". Republika Online (dalam bahasa Indonesia). 2015-11-04. Diakses tanggal 2020-06-04. 
  10. ↑ a b c Petunjuk Pelaksanaan Pendamping Sosial Profesional Komunitas Adat Terpencil. Jakarta: Kementerian Sosial RI. 2 April 2019. 
  11. ↑ antaranews.com (2019-04-16). "Pendamping KAT diberi pesan Mensos jaga integritas". Antara News. Diakses tanggal 2020-06-03. 
  12. ↑ Istimewa. "Mensos Lepas 45 Pendampingan Komunitas Adat Terpencil". detiknews (dalam bahasa Indonesia). Diakses tanggal 2020-06-03. 
  13. ↑ "Kemensos Lepas Pendamping Sosial Komunitas Adat Terpencil". Republika Online (dalam bahasa Indonesia). 2017-03-31. Diakses tanggal 2020-06-03. 



Diambiak dari "https://min.wikipedia.org/w/index.php?title=Komunitas_Adaik_Tapancia&oldid=3069500"