Kenny Anderson (lahia di Gorinchem, 14 Februari 1992; umua 28 taun)[1][2] marupokan saurang pamain sipak bola nan barasa dari Balando nan bamain untuak Altijd Sterker Worden Hendrik-Ido-Ambacht.[3] Inyo adolah katurunan dari tigo nagari, Indonesia, Skolandia, jo Balando.[4] Kenny dikatahui barasa dari katurunan Indonesia dari jalur katurunan amaknyo.

Kenny Anderson
Informasi pribadi
Namo lengkapKenny Anderson
Tangga lahia14 Pebruari 1992 (umua 28)
Tampek lahiaGorinchem, Balando
Posisi mainMidfielder
Informasi klub
Klub kiniQuick Boys
Nomor21
Karier junior
2003–2011RKC Waalwijk
2011–2012Willem II
Karier senior*
TahunTimTampil(Gol)
2012–2015RKC Waalwijk45(9)
2015Heart of Midlothian9(1)
2016–2017RKC Waalwijk39(8)
2017–2019Quick Boys26(3)
Since 2019ASWH0(0)
Tim nasional
2008Scotland U173(0)
* Panampilan jo gol di klub senior hanyo diituang dari liga domestik dan akurat sajak 20 July 2019.

Kenny biaso bamain sabagai galandang di tim ASWH Ambatch nan bamain untuak Liga Sipak Bola Balando. Kontraknyo surang baru ka barakhia pado bula Juli 2020.

Pado tahun 2015, Kenny dikabaan nio dinaturalisasi dek Persatuan Sepakbola Seluruh Indonesia (PSSI).[5] Kenny Anderson masuak ka daftar pamain sipak bola nan ka naturalisasi dek Indonesia pado tahun 2017 nan dikaluaan dek Kamantarian Pamuda jo Olahraga.[6]

Namo Kenny Anderson indak familiar dek urang nan suko sipak bola di Indonesia. Walau pun baitu, namonyo pernah dikatahui masuak ka pamain sipak bola nan ka bagabuang jo Bali United pado musim 2017/2018 dulu.

Posisi jo Gaya BamainSuntiang

Kenny Anderson bamain sipak bola manggunokan kaki suok sabagai kaki nan dominan. Dalam pamainan, inyo manyukoi posisi galandang, bisa sabagai galandang kida atau pun galandang serang.[7] Tingkek sumangaik inyo dalam bamain bisa dikatokan cukuik tinggi jo persentase 70 persen hinggo 80 persen pado patandiangan panuah.[8]

Katiko bamain di posisi galandang serang, Kenny Anderson sabana acok mambuka ruang untuak manggarik di kotak pinalti lawan sarato undak ragu-ragu untuak turun baliak ka garih balakang untuak marabuik bola dari pamain lawan jo manjapuik bola. Kenny juo acok manggiriang bola jo malewati banyak pamain lawan. Inyo juo kadang bisa tibo-tibo manyipak ka gawang nan manjadi gol bagi timnyo. Inyo cukuik tarampil dalam balari surang jo pangirim umpan nan punyo tujuan nan jaleh. Salain bisa diposisikan sabagai galandang sarang, Kenny Anderson juo sasuai untuak bamain sabagai panyarang utamo. [9]

KarierSuntiang

Kenny Anderson marupokan saurang alumni dari akademo sipak bola RKC Waalwijk. Inyo juo pernah bamain untuak tim junior Willem II Tilburg. Namun inyo labiah banyak baprestasi di tim sipak bola nan patamo.

Inyo mangawali musim patamo di tim senior pado tahun 2012/2013, namun iko indak bajalan sacaro lancar. Inyo indak bisa manyumbangkan ciek pun gol bagi tim sarato timnyo pernah mangalami kakalahan telah. Akhianyo inyo cuma diagiah kasampatan bamain tigo kali salamo musim itu.

Du musim salanjuiknyo, inyo diagiah kasampatan untuak manjadi pamain inti. Inyo mampu mambuktikannyo jo mancetak 4 gol dalam 25 kali bamain di patandiangan nan diikuikannyo. Namun disayangkan, pakambangan nan kancang iko indak salareh jo tingkek kamajuan dari anggota tim Waalwijk nan lain. Di akhia musim, Waalwijk turun tingkek ka kasta tingkek duo di Liga Sepak Bola Balando Eerstedivisie. Walau pun baitu, Kenny tetap batahan manggunokan saragam kuniang-biru nan manjadi ciri khas Waalwijk hinggo musim 2014/2015.

Dek kualitas lawan di Eerstedivisie nan indak sakuek di Liga Utamo Eredivisie, katarampilan Kenny samaik rancak. Inyo mampu mancetak 4 gol dari 17 patandiangan nan dikuikkannyo hinggo akhia musim.[10] Kenny Anderson barasia mancataikkan namonyo dalam daftar pancetak gol jo salapan gol nan dicetaknyo jo ikik bamain sabanyak 39 patandiangan di sado ajang kompetisi sipak bola basamo jo tim RKC Waalwijk.[11]

Mancaliak prestasi nan dicapai Kenny bagi klub RKC Waalwijk, tim dari Liga Skotlandia banamo Heart of Midlothian baminaik untuak mandapekkannyo. Kenny pun bapindah ka tim sipak bola Skotlandia, tampek di mano ayahnyo dilahiakan. Kenny pun mambantu tim Heart of Midlothian untuak promosi nan katiko itu ado di kasta kaduo Liga Skotlandia ka tingkek paliang ateh. Namun, di musim barikuiknyo, Kenny indak diagiah kapacayoan untuak tampil samo sakali. Pado bulan Januari 2016, inyo mamutuihkan untuak baliak ka Waawijk.

Walau pun kontraknyo baru ka habih pado bulan Juli 2016. Manuruik dari siaran pers resmi nan dikaluan dek Heart of Midlothian, pamutuihan kontrak kenny alah disapakati sacaro basamo dek inyo maupun tim. Hal iko mambuek Waawijk indak paralu managluakan biaya samo sakali untuak mampakarajokan Kenny baliak. Namun, Kenny cuma dijadikan tim cadangan nan cuma bamain 8 kali jo cuma mancetak 1 gol. Barulah musim barikuiknyo inyo manjadi pamain inti nan macetak 7 gol dari 31 patandiangan di Eerstedivisie.[12]

Karier InternasionalSuntiang

Kenny Anderson bisa bamain untuak tigo nagari: Skotlandia, Balando jo Indonesia. Inyo bamain untuak tim Skotlandia U17 pado tahun 2008. Sabalunnyo Kenny pernah bamain untuak tim Balando U14 jo tim Balando U15.[13]

StatistikSuntiang

Per 2 January 2016.[14]
Club statistics
Tim Musim Liga Piala Liga Piala Nasional Eropa LLainnyo Total
Tampil Gol Tampil Gol Tampil Gol Tampil Gol Tampil Gol Tampil Gol
RKC Waalwijk 2012–13 3 1 0 0 0 0 0 0 0 0 3 1
2013–14 25 4 0 0 1 0 0 0 2 0 28 4
2014–15 17 4 0 0 1 0 0 0 0 0 18 4
Total 45 9 0 0 2 0 0 0 2 0 49 9
Heart of Midlothian 2014–15 9 1 0 0 0 0 0 0 0 0 9 1
2015–16 0 0 0 0 0 0 0 0 0 0 0 0
Total 9 1 0 0 0 0 0 0 9 1 0 0
Total Karier 54 10 0 0 2 0 0 0 2 0 58 10

Paluang NaturalisasiSuntiang

Kenny Anderson masuak dalam salah satu pamain sipak bola nan ka dinaturalisasi dek Kamantarian Pamuda jo Olahraga. Inyo diharokan bisa bamain dalam formasi 4-3-3. Salain di posisi panyarang utamo bekonyo inyo diharokkan bisa maisi lini tangah lapangan.[15]

RujuakkanSuntiang

  1. INDOSPORT.com (2019-07-27). "Kenny Anderson, Gelandang Keturunan yang Bisa Jadi 'Messi' Untuk Timnas". INDOSPORT.com (dalam bahasa Inggris). Diakses tanggal 2020-01-08. 
  2. "Kenny Anderson No team video, sejarah transfer dan statistik - SofaScore". www.sofascore.com. Diakses tanggal 2020-01-08. 
  3. "SoccerWiki.org". id-id.soccerwiki.org (dalam bahasa Indonesia). Diakses tanggal 2020-06-23. 
  4. "5 Pemain Berdarah Indonesia yang Layak Dinaturalisasi". kumparan (dalam bahasa Indonesia). Diakses tanggal 2020-01-08. 
  5. "Mengenal Kenny Anderson, Calon Pemain Naturalisasi Incaran Bali United". Football Tribe Indonesia (dalam bahasa Inggris). 2017-12-11. Diakses tanggal 2020-01-08. 
  6. INDOSPORT.com. "3 Gelandang Calon Naturalisasi Bisa Direkrut Persita Usai ke Liga 1 2020". LINE TODAY. Diakses tanggal 2020-01-08. 
  7. "Kenny Anderson No team video, sejarah transfer dan statistik - SofaScore". www.sofascore.com. Diakses tanggal 2020-01-08. 
  8. "Soccer Manager 2020". id-id.soccermanager.com (dalam bahasa Indonesia). Diakses tanggal 2020-01-08. 
  9. INDOSPORT.com (2019-07-27). "Kenny Anderson, Gelandang Keturunan yang Bisa Jadi 'Messi' Untuk Timnas". INDOSPORT.com (dalam bahasa Inggris). Diakses tanggal 2020-01-08. 
  10. "Mengenal Kenny Anderson, Calon Pemain Naturalisasi Incaran Bali United". Football Tribe Indonesia (dalam bahasa Inggris). 2017-12-11. Diakses tanggal 2020-01-08. 
  11. radarmalang.id (8 Desember 2017). "Ada Sinyal Kenny Anderson Merapat ke Bali United – Radar Bali". sinergi.radarmalang.id. Diakses tanggal 9 Januari 2020. 
  12. radarmalang.id (8 Desember 2017). "Ada Sinyal Kenny Anderson Merapat ke Bali United – Radar Bali". sinergi.radarmalang.id. Diakses tanggal 9 Januari 2020. 
  13. "Dutchman Kenny Anderson is a proud Arab at Hearts". Evening Telegraph (dalam bahasa Inggris). 2015-02-04. ISSN 0307-1235. Diakses tanggal 2020-06-24. 
  14. "Kenny Anderson". soccerway.com. Diakses tanggal 22 June 2013. 
  15. INDOSPORT.com (2019-07-27). "Kenny Anderson, Gelandang Keturunan yang Bisa Jadi 'Messi' Untuk Timnas". INDOSPORT.com (dalam bahasa Inggris). Diakses tanggal 2020-01-08.