Karipiak kantang
Karipiak kantang (Bahaso Inggirih: Potato chips) adolah irisan tipih kantang nan digoreng sampai kariang sabagai pangulek. Karipiak kantang biasonyo dibumbui jo garam, namun panggaleh kini dapek pulo manambahan paraso lain bantuak balado dan dagiang baka.
Sijarah
suntiangResep nan patamo bana nan tampaknyo marupokan asal usul karipiak kantang ado dalam buku Willian Kitchiner The Cook's Oracle nan tarabik pado taun 1817, buku nan laris bana di Inggirih dan Amerika Sarikat.[1] Dalam resep edisi 1822 untuak "Kantang iris digoreng" ditulih "Kupeh kantang gadang...potong tipih dan bundar, sabantuak mangirih buah lemon; kariangan jo kain barasiah, dan goreng jo minyak".[2] Buku hidangan Parancih babaso Inggirih tahun 1825 manyabuik iko " Pomme de Terre frites" dan manyabuik kantang itu digoreng jo "mantega cair atau gomok angso", dikariangan dan ditabua jo garam. Resep patamo nan manyabuik karipiak kantang di Amerika Sarikat basobok di dalam buku Mary Randolph Virginia House-Wife (1824) dan buku Lee Cook's Own Book (1832), kaduonyo jaleh manyabuik sumber dari Kitchiner.[3]
Satu lagenda mancaritoan baso karipiak kantang bamulo dari Saratoga Springs, New York, puluahan tahun sabalun buku Kitchiner tarabik. Pado paruh kaduo abad 19, ado versi populer baso hidangan iko bamulo dari George Crum, tukang masak Moon's Lake House, nan mancubo mancari jalan kalua dek pambali maraso indak talamak dek hidangannyo.[4] Pada tangga 24 Agustus 1853, pambali taruih mambaliakan kantang goreng inyo, dek manuruik pambali rasono talampau taba jo lunak, dan kurang garam.[5] Dek tatakan, Crum mancubo mangiris kantang tipih bana, manggorengnyo hinggo kariang, dan manambahan banyak garam. Ruponyo pambali suko jo hidangan iko, lalu manamoannyo "karipiak Saratoga" nan batahan hinggo patangahan abad 20.[6] Satu versi dipakanakan jo St. Regis Paper Company dalam iklan nasionalnyo pada tahun 1973, nan mambuek produk itu babungkuih modern, baso pambali nan komplain itu banamo Corneliun Vanderbilt. Crum bakarajo baliak manjadi tukang masak padk waktu itu, lalu mambuek restoran tapi danau nan dinamoan Crum's House. Merek "Saratoga Chips" masih ado hinggo kini.
Variasi
suntiangDek samakin tinggi trend globalisasi, karipiak kantang muncua jo banyak variasi namo manuruik negara, raso, caro mambuek, dan bantuaknyo. Ado duo jinih karipiak kantang, nan patamo dibuek dari kantang utuah nan diiris lalu digoreng, nan kaduo dibuek dari kantang dialuihan manjadi adonan lalu dibantuak sarupo karipiak atau model lainnyo, misal jalo, lalu digoreng.
Di Indonesia, karipiak kantang diproduksi baik skala kaciak maupun industri. Industri nan menguasoi pangsa gadang iolah Chitato[7] dan Lay's, namun pado tahun 2014 Calbee dari Japang dan Wing's Food bagabuang (joint venture) dan manggalehan karipiak kantang dengan merek Calbeewings. Raso nan umum iolah raso dagiang barbecue, ayam padeh, keju dan asin. Lay's manjajakan 6 raso: mantega madu, krim asam, nori, barbecue, asin biaso dan salmon teriyaki. Potabee manjajakan duo raso: dagiang BBQ dan rumpuik lauik baka. Pado tahun 2018 Chitato manajajkan pulo raso nan indak biaso: randang dan kapitiang goreng talua.[8]
Namo karipiak kantang dalam bahaso Inggirih babedo manuruik tampeknyo. Di Inggirih (UK) iko disabuik crisp, sadangkan di Amerika disabuik chips. Namun di Inggrih pulo chips iolah kantang potong babantuak balok nan digoreng, sadangkan di Kanada itu disabuik chips.[9]
Masalah Kesehatan
suntiangkaripiak kantang nan dibuek skala industri bakanduang sodium nan tinggi. Iko dapek dihubuangan jo takanan darah tinggi.[10] Masalah lainnyo adolah Akrilamida, nan tabantuak katiko manggoreng atau mambaka kantang, nan disangko mayababkan risiko kanker.[11] Parusahaan industri karipiak kantang alah bausaho untuk maradam hal itu dengan caro mambiayoi penelitian untuak mancari solusi agar produknyo labiah mangarah ka sadar kesehatan. Frito-Lay, misalnyo, mahabiahan $414 juta untuak pangambangan produk, tamasuak pangambangan garam kristal nan dapek manakan jumlah garam dalam produknyo tanpo mesti mangubah rasonyo.[12]
Referensi
suntiang- ↑ McElwain, Aoife. "Did Tayto really invent cheese and onion crisps?". The Irish Times (dalam bahasa Inggris). Diakses tanggal 2021-03-11.
- ↑ "'Crisps buoyed Britain in its darkest hour'". The Telegraph (dalam bahasa Inggris). Diakses tanggal 2021-03-11.
- ↑ McWilliams, Mark (2012-04-06) (dalam bahaso en). The Story behind the Dish: Classic American Foods: Classic American Foods. ABC-CLIO. ISBN 978-0-313-38510-0. https://books.google.com/books?id=VritIGJ5f48C&q=%22mary+randolph+included%22&pg=PA186.
- ↑ Correspondent, Kim Upton Food. "ANY WAY YOU SLICE IT, POTATO CHIP'S GOING STRONG AFTER 150 YEARS". Sun-Sentinel.com (dalam bahasa Inggris). Diakses tanggal 2021-03-11.
- ↑ "George Crum: Inventor of Potato Chips". web.archive.org. 2014-01-06. Diarsipkan dari versi asli tanggal 2014-01-06. Diakses tanggal 2021-03-11.
- ↑ "Civil War Recipes & Food History: The Potato". web.archive.org. 2014-10-22. Archived from the original on 2014-10-22. Diakses tanggal 2021-03-11.
- ↑ https://www.kaskus.co.id/thread/5582d0e1529a45a0138b456a/yuk-kita-lihat-sejarah-dan-perubahan-chitato-dari-dulu-hingga-sekarang/
- ↑ "archive copy". Diarsipkan dari versi asli tanggal 2018-02-27. Diakses tanggal 2021-03-11.
- ↑ "Explore The English Language | Lexico". Lexico Dictionaries | English (dalam bahasa Inggris). Diarsipkan dari versi asli tanggal 2017-10-25. Diakses tanggal 2021-03-11.
- ↑ https://books.google.com/books?id=rmwp7X2FZ68C&q=Most+potato+chips+contain+high+levels+of+sodium,+from+salt.+This+has+been+linked+to+health+issues+such+as+high+blood+pressure&pg=PA275
- ↑ https://www.fda.gov/food/chemicals/acrylamide
- ↑ McKay, Betsy (2010-03-22). "PepsiCo Develops 'Designer Salt' to Chip Away at Sodium Intake". Wall Street Journal (dalam bahasa Inggris). ISSN 0099-9660. Diakses tanggal 2021-03-11.