Wikipedia

Karajo

Karajo atau Bakarajo, atau Pakarajoan adolah sabuah aktivitas utamo nan dilakuan dek satiok manusia. Sadangkan karajo dalam arati sampik marupoan suatu tugas atau pakarajoan nan dapek manghasiakan pitih.[1] Para pakarajo akan mandapekan gaji sabagai baleh jaso dari pihak parusahaan atau pamberi karajo, nan jumlahnyo tagantuang dari jinih profesi nan dilakuan badasakan kontrak nan alah disatujui dek kaduo balah pihak. Pambayaran gaji dapek dalam bantuak upah per jam, gaji tahunan atau pakarajoan borongan, tagantuang dari jinih profesi atau di sektor mano mereka bakarajo.[2] Dalam babarapo jinih karajo, karyawan mungkin dapek manarimo tunjangan, atau uang tip salain gaji pokok mereka. Hubuangan antaro parusahaan jo para pakarajo tasabuik biasonyo diatur dek hukum perburuhan, organisasi, atau kontrak hukum.[3]

sasaurang nan sadang bakarajo di kantua

Kontrak karajo suntiang

Australia suntiang

Karajo di Australia alah diatur dek Fair Work Act 2009. Undang-undang tasabuik mangatur hubuangan karyawan/pakarajo jo pihak pambari karajo.[4] Fair Work Act 2009 disahkan pado maso pamarintahan Rudd dan sabagian gadang katantuan undang-undang tasabuik mulai balaku pado tanggal 1 Juli 2009, manggantian Undang-Undang Hubungan Tempat Kerja 1996 (Workplace Relations Act 1996).[5]

Bangladesh suntiang

Bangladesh Association of International Recruiting Agencies (BAIRA) marupoan asosiasi agen parekrutan tanago karajo migran tingkek nasional, sakitar 1300 agen anggotanyo nan bakarajo samo jo mandapekan dukuangan dari Pamarintah Bangladesh.[6] Pado maso kini BAIRA marupoan juo salah ciek badan padagangan paliang gadang di Bangladesh nan baafiliasi jo Federasi Kamar Dagang & Industri Bangladesh nan didirian pado tahun 1973.[7]

Kanada suntiang

Di provinsi Ontario, Kanada apobilo mampunyoi kaluhan formal dapek diajukan ka Departemen Tenaga Kerja. Samantaro di provinsi Quebec, Kanada, kaluhan dapek diajukan ka Commission des normes du travail.[8] Salain itu, di negara Kanada tadapek The Canadian Human Rights Act atau Undang-Undang Hak Asasi Manusia Kanada nan mangatur palinduangan pakarajo dari diskriminasi katiko mereka dipakarajoan, sahinggo pambari karajo jo panyadio layanan harus mamastikan bahwa kasado karyawan dipalakuan samo.[9] Panyadio layanan tasabuik tamasuak pamarintah federal, First Nations (Bangsa-Bangsa Pertama), atau parusahaan swasta nan diatur dek pamarintah federal (termasuk bank, parusahaan angkutan truk, parusahaan panyiar jo perusahaan telekomunikasi).[10]

Pakistan suntiang

Sala ciek undang-undang nan mangatur katanagokarajoan di Pakistan yaitunyo The Factories Act 1934. Undang-undang tasabuik mangkonsolidasian jo mangubah undang-undang nan mangatur katanagokarajoan di pabrik.[11]

Filipina suntiang

Di Filipina, undang-undang katanagokarajoan diatur dek Departemen Tenaga Kerja dan Ketenagakerjaan Filipina (DOLE). DOLE marupoan ciek departemen eksekutif pamarintah Filipina nan marumuskan kabijakan, malaksanakan program atau layanan, jo bafungsi sabagai koordinasi kabijakan dari di bidang paburuahan jo katanagokarajoan.[12]

Indonesia suntiang

Karajo di Indonesia diatur dalam Undang-Undang No.13 Tahun 2013 tantang katanagokarajoan. Dalam undang-undang tasabuik dijalehan bahwasanyo, katanagokarajoan adolah sagalo hal nan bahubuangan jo tanago karajo pado wakatu sabalum, salamo, jo sasudah maso karajo.[13]

Dalam undang-undang tasabuik, pambangunan katanagokarajoan batujuan sabagai barikuik : [14]

  1. Mambardayokan jo mandayogunokan tanago karajo sacaro optimal jo manusiawi
  2. Mawujuikan pamaratoan kasempatan karajo jo panyadioan tanago karajo nan sasuai jo kabutuahan pambangunan nasional dan daerah
  3. Maagia palinduangan kapado tanago karajo dalam mawujuikan kasejahteraan
  4. Maningkekan kasejahteraan tanago karajo jo kaluarganyo.

Jinih-jinih karajo suntiang

Rujuakan suntiang

  1. ↑ "Apa Itu Pekerjaan dan Profesi serta Perbedaan Keduanya – Kumpulan Tautan Berita Indonesia" (dalam bahasa Inggris). Diarsipkan dari versi asli tanggal 2021-04-21. Diakses tanggal 2021-04-21. 
  2. ↑ "Piecework | Encyclopedia.com". www.encyclopedia.com. Diakses tanggal 2021-04-21. 
  3. ↑ "BAB-BAB TENTANG HUKUM PERBURUHAN INDONESIA" (PDF). openaccess.leidenuniv.nl. hlm. 1. Diakses tanggal 21 April 2021. 
  4. ↑ "What is the Fair Work Act? | Australia Legislation | Employsure Guides". Employsure AU (dalam bahasa Inggris). Diakses tanggal 2021-04-21. 
  5. ↑ "Overview of the Fair Work Act 2009 (Cth)". ALRC (dalam bahasa Inggris). Diakses tanggal 2021-04-21. 
  6. ↑ "About BAIRA". www.baira.org.bd. Diarsipkan dari versi asli tanggal 2020-11-03. Diakses tanggal 2021-04-21. 
  7. ↑ "About FBCCI – FBCCI" (dalam bahasa Inggris). Diakses tanggal 2021-04-21. 
  8. ↑ Canada, Emploi et Développement social (2020-08-06). "Normes du travail fédérales". aem. Diakses tanggal 2021-04-21. 
  9. ↑ "Human Rights in Canada". www.chrc-ccdp.gc.ca. Diarsipkan dari versi asli tanggal 2020-11-01. Diakses tanggal 2021-04-21. 
  10. ↑ Heritage, Canadian (2017-10-23). "Rights in the workplace". aem. Diakses tanggal 2021-04-21. 
  11. ↑ "PAKISTAN. THE FACTORIES ACT, 1934". www.ilo.org. Diakses tanggal 2021-04-21. 
  12. ↑ "DEPARTMENT OF LABOR AND EMPLOYMENT". www.officialgazette.gov.ph. Diarsipkan dari versi asli tanggal 17 August 2023. Diakses tanggal 21 April 2021. 
  13. ↑ "Undang-Undang Republik Indonesia nomor 13 tahun 2004" (PDF). kemenperin.go.id. Diarsipkan dari versi asli (PDF) tanggal 20 June 2023. Diakses tanggal 21 April 2021. 
  14. ↑ "Ketenagakerjaan: Pengertian, Peraturan & Masalahnya". DSLA (Daud Silalahi & Lawencon Associates) (dalam bahasa Indonesia). 2020-02-25. Diakses tanggal 2021-04-21. 
Diambiak dari "https://min.wikipedia.org/w/index.php?title=Karajo&oldid=3146566"