Wikipedia

Kapau, Tilatang Kamang, Agam

Kapau marupoan salah satu nagari nan ado dalam Kecamatan Tilatang Kamang, Kabupaten Agam, Sumatera Barat, Indonesia.[1]

Kapau
Nagari
Nagara Indonesia
ProvinsiSumatera Barat
KabupatenAgam
KecamatanTilatang Kamang
Kodepos26152
Laweh475 ha
Panduduak- jiwa
Wali NagariZulkarnaini

Bateh wilayah

suntiang

Secara geografis, bateh Nagari Kapau adolah:

Kampuang atau desa

suntiang

Nagari Kapau lawehnyo hanyo 475 ha, manjadi nagari paliang ketek dari tigo bagari di Kecamatan Tilatang Kamang. Secara tradisionalm Nagari Kapau terdiri dari 12 jorong (kampuang/desa) nan ditata manjadi tigo sidang. Kemudian Nagari Kapau pernah pulo dijadian tigo desa, sasuai jumlah sidang yaitu Desa Induring, Desa Pandam Basasak, jo Desa Pasir.

Namun sasudah muncul UU No.22/1999, Sumatera Barat baliak ka pamarentahan nagari. 12 jorong di Nagari Kapau adolah sabagai barikuik:

  • Sidang Induring terdiri dari jorong Pandan Banyak, Induring, Koto Panalok, Cingkariang dan Padang Cantiang.
  • Sidang Pandam Basasak adolah Koto Panjang, Koto Panjang Hilir, Korong Tabik dan Cubadak.
  • Sidang Pasir terdiri dari Parak Maru, Ladang Laweh, dan Dangkek atau Paninjauan.

Pasukuan

Jumlah suku di Kapau ado sambilan suku, masing-masingnyo Jambak Gadang, Malayu, Koto. Kudian bagabuang pulo dalam satu ciek (rumpun) Guci, Pili. Tanjung, Pisang, jo Simabua. Sudah itu, Jambak Kaciak tagak surang. Dengan baitu, ado nan digabuangan manjadi anam suku (rumpun), dipimpin masing-masing dek ciek penghulu. Oleh sebab itu, banamolah Kapau VI Suku.

Niniak mamak

suntiang

Dalam adat anam suku, basuku bainduak babuah parut, kampuang dibari banan tuo, rumah dibari batungganai, panghulu nan anam suku (panghulu pucuak), itulah nan ka manjadi hakim paliang tinggi dalam Nagari Kapau atapun menurut adat mamacik arek, mangganggam taguah.

Terdiri dari:

  • Datuak Bandaro sabagai pangulu suku Jambak Gadang.
  • Datuak Mangkudun sabagai pangulu suku Malayu.
  • Datuak Palimo sabagai pangulu suku Koto.
  • Datuak Tandilangik sabagai pangulu suku Guci dan Pili.
  • Datuak Panduko Basa sabagai pangulu suku Tanjuang, Pisang dan Simabua.
  • Datuak Indo Marajo sabagai pangulu suku Jambak Kaciak.

Penghulu nan anam di ateh diagiah pituo (diingekan), kalau tumbuah manuruik adat Datuk Bandaro, kalau tumbuah manuruik syaraik Datuak Mangkudun, mako kaduanyo diagdangan manuruik adat jo kato mufakaik. Kalau malatakan pusaka kaduo urang itu ditambah jo saikua sapi. Adapun maangek Ninik Mamak (pangulu baru) nan satu induak, masiang-masiang saikua kabau. Tetapi Datuk Bandaro jo Datuk Mangkudun, ciek ikua kabau jo ciek ikua jawi.

Itulah makonyo Datuk Bandaro jo Datuk Mangkudun sabagai pucuak bulek dalam sukunyo masiang-masiang jo pucuk bulek dalam nan anam suku. Panempatan pucuak bulek iko bapadoman ka nan mulo-mulo turun dari Bukik Kapau ka Kapau kini.

Kaduo pangulu iko juolah nan ka manyalasaian, mamutuihan biang, manabuaan jo kato nan hak dalam adat, jikok ado sangketo di antaro niniak mamak nan anam suku.

Daftar wali nagari

suntiang

Pamimpin Nagari Kapau dari maso ke maso:

Namo Asa Periode Jabatan
Dt. Rajo Labiah Induring 1901 – 1913 Laras / Lareh
Hamzah Dt. Batuah Koto Panalok 1913 – 1931 Kepala Nagari (Inyiak Palo)
Abdul Hamid Dt. Mangkudun Padang Canting 1932 – 1937 Kepala Nagari
Abdul Halim Dt. Nan Gadang Korong Tabik 1938 – 1939 Kepala Nagari
Abdul Manan Dt. Batuah Koto Panalok 1939 – 1945 Kepala Nagari
Rashidin Kari Bagindo Koto Panjang Hilir 1946 – 1947 Wali Nagari
Tadjuddin Malin Sutan Induring 1947 – 1948 Pj. Wali Nagari
Dewan Dt. Maradjo (I) Padang Canting 1948 – 1951 Wali Perang
Haji Sjarbaini Ladang Laweh 1952 – 1958 Wali Nagari
Anas St.Sadjatino Induring 1958 – 1959 Wali Nagari
Dewan Dt. Maradjo (II) Padang Canting 1959 – 1962 Wali Nagari
Dt. Panduko Sinaro Induring 1962 – 1964 Wali Nagari
Aminuddin Dt. Bagindo Basa (I) Koto Panjang Hilir 1964 – 1965 Pj. Wali Nagari
Dewan Dt. Maradjo (III) Padang Canting 1965 – 1969 Wali Nagari
Abdul Wahab Intan Batuah (I) Induring 1970 – 1975 Wali Nagari
Aminuddin Dt. Bagindo Basa (II) Koto Panjang Hilir 1975 – 1981 Wali Nagari
Abdul Wahab Intan Batuah (II) Induring 1981 – 1982 Wali Nagari
Umar Kari Maradjo Induring 1982 – 1983 Pj. Wali Nagari
Vakum 1983 – 2002 Kepala Desa (tiga orang)
Muchlis Kari Mangkuto Induring 2002 – 2003 Pj. Wali Nagari
Masnir Rasyidin Majo Nan Tinggi Ladang Laweh 2003 – 2005 Wali Nagari
Yomendra Korong Tabik 2005 – 2006 Pj. Wali Nagari
Edi Gusrianto Ladang Laweh 2006 – 2010 Wali Nagari
Amsesdi Koto Panjang Hilir 2010 Pj.Wali Nagari
Yasril Gazali Koto Panjang 2010 – 2016 Wali Nagari
Zulkarnaini Pandan Banyak 2017 - 2023 Walinagari

Masakan Khas Kapau

suntiang

Gulai kapau sangat khas dengan warna kunyitnya yang sangat dominan, dengan rasa gurih dan pedas. Sayur gulai Kapau terdiri dari potongan nangka muda, rebung, kol, pakis, kacang panjang, jengkol dalam kuah yang tidak terlalu kental (tidak terlalu banyak santan) berwarna kuning (kunyit) kemerahan (cabe merah). Yang juga sangat khas adalah gulai tunjang, atau kikil. Pangek ikan paweh batalua (gulai ikan tawes bertelur yang dimasak sampai kering), gulai usus (sapi) berisi campuran telor dan tahu yang dilumatkan, dendeng balado, goreng belut.

Pambagian wilayah

suntiang

Nagari Kapau terdiri dari 12 (dua belas) jorong, yaitu:

  • Jorong Cingkariang
  • Jorong Cubadak
  • Jorong Dangkek Paninjauan
  • Jorong Induring
  • Jorong Korong Tabik
  • Jorong Koto Panalok
  • Jorong Koto Panjang
  • Jorong Koto Panjang Hilia
  • Jorong Ladang Laweh
  • Jorong Padang Cantiang
  • Jorong Pandan Banyak
  • Jorong Parak Maru

Pamekaran nagari

suntiang

Nagari nan dimekarkan dari nagari iko maliputi:

Rujuakan

suntiang
  1. ↑ (dalam bahaso id) Kapau Nagari Kito. Ikatan Keluarga Kapau Jakarta dan Sekitarnya. 31 Oktober 2002. https://books.google.co.id/books/about/Kapau_Nagari_Kito.html?id=D9EZNQAACAAJ&redir_esc=y. 

Pautan lua

suntiang
Diambiak dari "https://min.wikipedia.org/w/index.php?title=Kapau,_Tilatang_Kamang,_Agam&oldid=3154245"