Kampuang Budayo di Tangah Padang Jawi-jawi

Namo Tangah Padang Jawi-jawi ado duo bagian, Tangah Padang jo Jawi-jawi. Tangah Padang merujuak ka tampek daerah tu yang barado di tangah-tangah, Jawi-jawi marujuak ka jawi nan manuruik urang saisuak ado saikua jawi gadang nan lapeh. Mancaliak jawi nan lapeh tu masyarakaik maimbau kato jawi tu baulang kali, dek sabek itu lah daerah tu diagiah namo Jawi-jawi.

Nagari Jawi-jawi di Kacamatan Gunuang Talang nan sejak awal dijadian sabagai kampuang budayo ateh saran dari Kemenpar RI Direktur TDC Unand, Dr. Sari Lenggogeni jo Pemerintahan Kabupaten Solok, acok jadi bahasan sungguah-sungguah untuak dikambangkan. Dinamoan kampuang budayo karano di nagari tu budayonyo masih tarikek jo tradisi nan sangaik kanda bana.

Nagari Tangah Padang Jawi-jawi tapiliah manjadi kampuang budayo sajak ado 10 Nagari Binaan Kementrian Pariwisata. Tapiliahnyo nagari Tangah Padang Jawi-jawi nan diresmian tanggal 9 Oktober 2017 sabagai nagari wisata budayo di Kabupaten Solok.^[1]

Rujuakan

↑ Dara, Azalina (2019-04-23). "Nagari Jawi-Jawi Guguak Menuju Desa Wisata Budaya di Kabupaten Solok (2001-2017)" (dalam bahasa Indonesia). Diarsipkan dari versi asli tanggal 2019-10-29. Diakses tanggal 2019-10-29.

[1] Dara, Azalina (2019-04-23). "Nagari Jawi-Jawi Guguak Menuju Desa Wisata Budaya di Kabupaten Solok (2001-2017)" (dalam bahasa Indonesia). Diarsipkan dari versi asli tanggal 2019-10-29. Diakses tanggal 2019-10-29.

[1]