Kampia palacik

Kampia palacik atau kampia palaciak adolah alaik paralatan dapua nan digunoan untuak marameh karambia. Alaik iko disabuik juo kaciak atau kampia parameh. Kampia iko tabuek dari anyaman daun pandan nan tingginyo 15 centimeter, lebanyo 8 centimeter. Karambia nan alah diparuik dimasuakan ka alaik iko, sudah tu dirameh-rameh jo dipiyua jo kaduo tangan sampai santannyo kalua dari lubang anyaman. Santan hasil ramehan kampia palacik iko masih ado juo butia paruikan karambianyo sahinggonyo paralu disariang baliak.

Zaman moderen kini ko alah banyak dibuek alaik dapua nan rancak, capek jo mudah sahinggo kampia palacik iko digantikan jo tapisan nan tabuek dari karet nan banyak dijua di pasa.