Kamantarian Komunikasi dan Informatika Republik Indonesia

Kamantarian Komunikasi dan Informatika Republik Indonesia (namo rasmi dalam bahaso Indonesia: Kementerian Komunikasi dan Informatika Republik Indonesia; biaso disingkek: Kemkominfo RI) adolah kamantarian dalam Pamerintah Indonesia nan mambidangi urusan komunikasi jo informatika. Kamantarian Komunikasi jo Informatika sabalumnyo banamo Dapartemen Panarangan (1945-1999), Kamantrian Nagaro Komunikasi jo Informasi (2001-2005), dan Dapartemen Komunikasi jo Informatika (2005-2009). Kamantrian Komunikasi jo Informatika dipimpin jo saurang Mantri Komunikasi jo Informatika (Menkominfo) nan sajak tanggal 27 Oktober 2014 dijabek jo Rudiantara.

Sijarah suntiang

Kamantrian Komunikasi jo Informatika Indonesia pado awalnyo banamo Dapartemen Panarangan. Pambentukan Dapartemen Panarangan ditandoi jo panatapan Mr. Amir Sjarifuddin sabagai Menteri Panarangan jo PPKI pado tanggal 19 Agustus 1945.

Saat Orde Lamo dan Orde Baru, Dapartemen Panarangan banyak mangatur jo mambina pers, media masso. talavisi, film, radio, grafika, pacetakan jo panarangan umum. Dapartemen Panarangan surang tadiri ateh Direktorat Jenderal Panarangan Umum, Direktorat Jenderal Radio, Televisi, Film, Direktorat Jenderal Urusan Panyiaran dan Media Masso, Direktorat Jenderal Pambinaan Pers dan Grafika, sarta mamiliki instansi vertikal (Kantor Wilayah dan Kantor Dinas) sampai daerah dan mamegang kandali TVRI, RRI, dan Kantua Barita Antara.

Katiko Reformasi malatuih pado taun 1998, dan salah satu tuntutikannyo iyolah kababasan pers, Presiden B.J. Habibie mambuek UU no. 40 taun 1999 manganai Pers nan manghilangkan SIUPP (Surek Izin Usaho Panarbitan Pers) nan salamo iko manjadi 'momok' parusahaan pers salamo Orde Baru. UU iko juo mampakuek Dewan Pers nan tadinyo dikatuai langsuang ex-officio jo Mantri Panarangan manjadi lambago nan murni independen dari pamerintah dan bafungsi manjago independensi pers. Pado taun kini juo UU no. 36 taun 1999 manganai Telekomunikasi nan manjadi dasar telekomunikasi dan internet Indonesia diundangkan dan dibantuak Badan Regulasi Telekomunikasi Indonesia (BRTI) nan masih manjadi wewenang Dapartemen Pahubungan saat tu.

Katiko Abdurrahman Wahid manjadi Presiden RI pado taun 1999, Dapartemen Panarangan dan Dapartemen Sosial dibubakan. Dalam panjalehan nan diagiah sacaro tabuka pado sidang paripurna DPR, pado patangahan November 1999, Abdurrahman Wahid managehkan bahwasanyo pambubaran tu dilakuakan samato-mato untuak efisiensi dan parampiangan kabinet pamerintahan, sakaligus dalam rangko implementasi sapenuahnyo UU No. 22/1999 tantang otonomi daerah. Salain tu juo pado taun tasabuik, Lambago Sensor Film nan tadinyo dikalola jo Dapartemen Panarangan dialihan ka lingkuangan Dapartemen Pandidikan, nan nantinyo satahun kamudian dialihan kambali ka Kamantarian Kabudayaan jo Pariwisata.

Abdurrahman Wahid pun mambentuk Badan Informasi Komunikasi Nasional (BIKN) sabagai lambago pangganti Dapartemen Panarangan (Keppres 153 taun 1999), jo Kapalo BIKN satara Eselon 1a. Dangan ditatapkannyo Kaputuihan Presiden tasabuik, saluruah aset dan personil eks Dep. Panarangan tingkek Pusek dialiahkan kapado Badan Informasi dan Komunikasi Nasional; kacuali aset dan personil Direktorat Televisi, TVRI Satasiun Pusek Jakarta, Balai Pandidikan dan Palatiahan Televisi Jakarta, Direktorat Radio, Satasiun Radio Republik Indonesia Nasional Jakarta, Balai Pandidikan dan Palatiahan Radio Jakarta, Balai Elektronika dan Laboratorium Radio Jakarta, dan Maintenance Center Jakarta. Dalam rangka pelaksanaan Undang-undang No. 22 Taun 1999 tantang Pamarentahan Daerah, eks instansi vertikal Dep. Panarangan tamasuak saluruah aset dan personilnya dialiahkan manjadi Perangkat/Dinas Daerah Propinsi, Kabupaten/Kota, kacuali TVRI Satasiun Daerah, TVRI Satasiun Produksi, TVRI Sektor dan Satuan Transmisi, Satasiun Radio RI Regional I dan II, Multimedia Training Center Yogyakarta, sarato Maintenance Center Medan dan Ujung Pandang.

caliak juo suntiang

  • Daftar Menteri Komunikasi dan Informatika Indonesia
  • Kementerian Indonesia
  • Dewan Pers
  • Badan Regulasi Telekomunikasi Indonesia
  • Komisi Penyiaran Indonesia
  • Dewan Teknologi Informasi dan Komunikasi Nasional
  • Lembaga Sensor Film
  • Lembaga Penyiaran Publik
  • Komisi Informasi
  • PT Pos Indonesia
  • PT Telkom Indonesia
  • LKBN Antara

Rujuakan suntiang