Wikipedia

Kacerdasan emosional

Kacerdasan emosional (bahaso Inggirih: emotional quotient, disingkek EQ) adolah kamampuan urang untuak manarimo, manilai, mangalola, sarato mangontrol emosi dirinyo jo urang lain di lain di sakitarannyo.[1] Dalam hal iko, emosi mangacu pado parasaan tahadok informasi ka suatu hubungan. Sadangkan, kacerdasan mangacu pado kapasitas untuak maagiah alasan nan valid kapado suatu hubuangan.[2] Kacerdasan emosional (EQ) balakangan iko dinilai indak kalah pantiang jo kacerdasan intelektual (IQ). Ciek studi manamuan bahwa kironyo kacerdasan emosional duo kali labiah pantiang. Dalam buku Daniel Goleman "Kecerdasan Emosional" dijalehan bahwasanyo kacerdasan emosional batangguang jawok ateh kabarhasilan sagadang 80% jo 20% ditantuan dek IQ.[3]

Manuruik Howard Gardner (1983) tadapek limo pokok utamo dari kacerdasan emosional sasaurang, yaitunyo mampu manyadari jo mangalola emosi diri surang, mampunyoi kapekaan tahadok emosi urang lain, mampu marespon jo banegosiasi jo urang lain sacaro emosional, sarato dapek manggunoan emosi sabagai parangkaik untuak mamotivasi diri.[4] Salain itu, sasaruang nan punyo kacerdasan emosional nan baiak, labiah murah dipacayo, bisa baradaptasi, bisa bagaua jo bakarajosamo dalam tim, mamiliki raso ingin tahu nan tinggi, sarato punyo motivasi nan tinggi pulo.[5]

Sijarah

suntiang

Konsep manganai kekuatan emosional partamo kali diperkenalkan oleh Abraham Maslow pado taun 1950-an.[6] Istilah "kacerdasan emosional" kamudian muncul partamo kali dalam makalah taun 1964 oleh Micheal Beldoch[7] dan dalam makalah taun 1966 dek B. Leuner bajudu Emotional intelligence and emancipation nan muncua pado jurna psikoterapi nan banamo Practice of child psychology and child psychiatry.[8] Pado taun 1983, Howard Gardner dalam bukunya nan bajudul Frames of Mind: The Theory of Multiple Intelligence.[9] Pado taun 1983, Howard Gardn dalam bukunyo bajudul Frames of Mind: The Theory of Multiple Inteligences[10] mampakenalan sabuah gagasan bahwa jinih kacerdasan nan umum digunoan sarupo IQ, gagal dalam manjalehan kasadoalah kamampuan kognitif. Inyo kudian mampakenalan gagasan kacerdasan ganda nan mancakuik kacerdasan interpersonal (kapasitas untuak mamahami niek, motivasi jo kainginan urang lain) jo kacerdasan intrapersonal (kapasitas untuak mamahami diri surang, untuak mangharagoi parasaan, raso takuik, jo motivasi sasaurang).[11]

Panggunoan istilah "EQ" (Emotional Quotient) atau kacerdsan sosial nan ado pado karya cetak nan taseba sacaro publik baru partamo kali ado pado taun 1987 dalam sabuah artikel dek Keith Beasley di majalah British Mensa.[12] Maski baitu, istilah kacerdasan emosional baru dipopuleran pado taun 1995 dek psikolog jo jurnalis ilmu perilaku Dr. Daniel Goleman dalam bukunyo nan bajudul Emotional Intelligence - Why it can matter more than IQ.[13] Buku tasabuik salanjuiknyo mandapekan popularitas nan kudian barakibek pado kapopuleran Daniel Goleman itu surang.[14] Akhir taun 1998, artikel Goleman di Harvard Business Review bajudul "What Makes a Leader?"[15] manarik parhatian manajemen senior di Johnson & Johnson's Consumer Companies (JJCC). Artikel tasabuik mangecek tentang pantiangnyo Kacerdasan Emosional (EI atau Emotional Intelligence) untuk kasuksesan dalam hal kapamimpinan. Daniel mangutip babarapo panalitian nan manunjukan bahwa EI acok manjadi faktor pambeda antaro pamimpin hebat jo pamimpin nan cenderung biaso sajo. JJCC mandanai sabuah panalitian nan manyimpulan bahwa ado hubungan nan kuaik antaro pamimpin bakinerja unggul jo kompetensi emosional. Hal iko mandukuang pandapek dari sabuah teori bahwa dalam kompetensi sosial, kamampuan emosional jo relasional nan biaso disabuik sabagai Kacerdasan Emosional, marupokan faktor pambeda dalam kinerja kapamimpinan.[16] Tes pengukuran IQ sabagai standar metrik dari kacerdasan nan labiah umum di masyarkaik[17] jo kacerdasan emosional juo mandapekan kritik manganai peran kacerdasan tasabuik dalam kapamimpinan jo kasuksesan bisnis.[18]

Definisi

suntiang

Kacerdasan emosional didefinisan dek Peter Salovey jo John Mayer, sabagai "kamampuan untuak mangatua emosi diri surang jo urang lain nan mano kacerdasan iko batujuan untuak mambedaan antaro emosi nan baragam jo maagiah label sacaro tapek, sarato manggunoan informasi emosional untuak mangatua pikiran jo perilaku".[19] Definisi iko kudian dipadalam, disamparonoan, jo kudian diusulan untuak dibagi manjadi ampek kamampuan, yaitu mamahami, manggunoan, jo mangalola emosi.[20] Kamampuan iko sabananyo babeda-beda namun saliang takaik.

Untuak labiah jalehnyo Salovey manampekan kacerdasan pribadi Gardner dalam defini dasar tentang kacerdasan emosional nan dicatuihannyo, sarayo mampaluweh kamamuan iko manjadi limo wiayah utamo.[21]

  • Manganali emosi diri. Manganali parasaan sawaktu parasaan itu manjadi marupokan dasa kacardasan emosional. Kamampuan mamantau parasaan dari wakatu ka wakatu marupokan hal pantiang untuak wawasan psikologi jo pamahaman diri. Kaindak mampuan dalam mancermati parasaan kito nan sasungguahnyo mambuek kito barado dalam kakuasaan parasaan.
  • Mangalola emsoi. Manangani parasaan bia parasaan dapek taungkap dengan pas adolah kacakapan nan bagantuang pado kasadaran diri. Urang-urang nan buruak dalam keterampilan iko akan taruih-manaruih bataruang malaawn parasaan muruang, samantaro inyo nan cadiak dapek bangkik baliak dengan jauah labiah capek dari kamerosotan jo kajatuahan dalam kahidupan.
  • Mamotivasi diri surang. Manata emosi sabagai alaik untuak mancapi tujuan adolah hal nan sangaik pantiang dalam kaitan untuak maagiah parhatian, untuak mamotivasi diri surang jo manguasai diri surang, jo untuak bakreasi. Urang-urang nan punyo kamampuan iko condong jauah labiah produktif jo afektif dalam hal apopun nan inyo karajokan.
  • Manganali emosi urang lain. Empati, kamampuan nan juo bagantuang pado kasadaran diri emosional, marupokan katarampilan bagaua dasar. Urang nan empatik labiah mampu manangkok sinyal-sinyal sosial nan tasambunyi nan mangisyaratkan apo-apo nan dibutuahan atau dikahandaki urang lain.
  • Mambina hubuangan. Seni mambina hubuangan, sabagian gadang, marupokan katarampilan mangalola emosi urang lain. iko marupokan katerampilan nan manunjang popularitas, kapamimpinan, jo kabarhasilan antar pribadi. Urang-urang nan hebat dalam katerampilan iko akan sukses dalam bidang apo nan mangandalan pagaulan nan muluih jo urang lain.

Mamaksimalan kacerdasan emosional

suntiang

Dalam kacerdasan emosional karya Daniel Goleman, pandidikan emosi marupokan bagian pantiang untuak mamaksimalan kacerdasan emosional (EQ). Goleman manakanan pantiangnyo baraja mangalola emosi sajak ketek jo sacaro bakalanjutan untuak mancapai kabarhasilan dalam babagai aspek kahidupan. Pokok bahasannyo, pado dasarnyo manuntuik guru jo murid amuah mamusekan parhatian pado jalinan emosi kahidupan saurang anak. Namo bagi palajaran samacam iko baragam, mulai dari nan namonyo social development (pangambangan sosial), life skill (katerampilan hiduik), sampai social and emotional learning (pambalajaran sosial jo emosi).

Konsorsium W.T Grant tentang promosi kompetensi berbasis sekolah mangidentifikasi babarapo unsur aktif katerampilan emosional dalam program pancegannyo, nan dirancang untuak maningkekan kacerdasan emosional jo kompetensi sosial pado siswa.

Rujuakan

suntiang
  1. ↑ Fadhil, Sahabat (2021). "Quantum Quotient (Kecerdasan Emosional) Pada Manusia". PMII Pakuan. Diakses tanggal 2022-03-07.
  2. ↑ Purnama, Indah Mayang (2016). "Pengaruh Kecerdasan Emosional dan Minat Belajar Terhadap Prestasi Belajar Matematika di SMAN Jakarta Selatan". Formatif: Jurnal Ilmiah Pendidikan MIPA. 6 (3): 237. doi:10.30998/formatif.v6i3.995. ISSN 2502-5457.
  3. ↑ Selviana (2021). "Skala Kecerdasan Emosional" Archived 2022-03-26 di Wayback Machine. (PDF). Mahasiswa YAI. hlm. 2.
  4. ↑ Baktio, Hari (2013). "Kecerdasan Emosi" Archived 2022-08-14 di Wayback Machine. (PDF). Pusdikmin. hlm. 19.
  5. ↑ Misbach, Ifa Hanifah (2008). "Antara IQ, EQ, dan SQ" (PDF). File UPI. hlm. 5-6.
  6. ↑ Priyam Dhani, Tanu Sharma (Juli 2016). "Emotional Intelligence; History, Models and Measures". International Journal of Science Technology and Management. 5 (7): 189–201.
  7. ↑ Argyle. Social Encounters (dalam bahasa Inggris). Transaction Publishers. hlm. 121. ISBN 978-0-202-36897-9.
  8. ↑ Edara, Inna Reddy (2021). "Exploring the Relation between Emotional Intelligence, Subjective Wellness, and Psychological Distress: A Case Study of University Students in Taiwan". Behaviorial Sciences. 11 (124): 1–20.
  9. ↑ "Gardner's Theory of Multiple Intelligences". Verywell Mind (dalam bahasa Inggris). Diakses tanggal 2022-03-18.
  10. ↑ "Gardner's Theory of Multiple Intelligences". Verywell Mind (dalam bahasa Inggris). Diakses tanggal 2022-03-18.
  11. ↑ "Howard Gardner, multiple intelligences and education". web.archive.org. 2005-11-02. Archived from the original on 2005-11-02. Diakses tanggal 2022-03-18.
  12. ↑ Beasley K (May 1987). "The Emotional Quotient" (PDF). Mensa: 25.
  13. ↑ "What is emotional intelligence (EI)? - Definition from WhatIs.com". SearchCIO (dalam bahasa Inggris). Diakses tanggal 2022-03-18.
  14. ↑ "Daniel Goleman on Leadership and The Power of Emotional Intelligence - Forbes". web.archive.org. 2012-11-04. Archived from the original on 2012-11-04. Diakses tanggal 2022-03-18
  15. ↑ Goleman, Daniel (1998). "What Makes a Leader?" (PDF). Harvard Business Review: 82–91.
  16. ↑ "Emotional Competence and Leadership Excellence at Johnson & Johnson: The Emotional Intelligence and Leadership Study". www.eiconsortium.org. Diakses tanggal 2022-03-18.
  17. ↑ "What is Emotional Intelligence? +23 Ways To Improve It". PositivePsychology.com (dalam bahasa Inggris). 2018-11-14. Diakses tanggal 2022-03-18.
  18. ↑ "Why emotional intelligence is just a fad - CBS News". web.archive.org. 2012-11-28. Archived from the original on 2012-11-28. Diakses tanggal 2022-03-18.
  19. ↑ "Emotional Intelligence". Noba (dalam bahasa Inggris). Diakses tanggal 2022-03-18
  20. ↑ Salovey, Peter; Grewal, Daisy (2005). "The Science of Emotional Intelligence". Current Directions in Psychological Science. 14 (6): 281–285. ISSN 0963-7214.
  21. ↑ Goleman, Daniel (1995). EMOTIONAL INTELLIGENCE Kecerdasan Emosional Mengapa EI lebih penting daripada IQ (bahasa indonesia). Jakarta: Percetakan PT Gramedia. hlm. 55, 56. ISBN 978-602-03-2313-8.
Diambiak dari "https://min.wikipedia.org/w/index.php?title=Kacerdasan_emosional&oldid=3158271"