Juadah

Juadah adolah hidangan khas Padang Pariaman, sebalun alek balangsuang, biasonyo untuak iringan maanta juadah dari anak daro atau calon pangantin padusi untuak marapulai atau calon pangantin laki-laki. Antaran iko manjadi makanan palengkap di acara baralek di rumah mampalai laki-laki. Dalam antaaan ko, tadapek babarapo  njenis penganan khas Padang Pariaman. Penganan ko dibuek dalam ukuran nan gadang, tapi satalah tu di potong ketek-ketek pado nio di hidangkan. Layaknyo jajanan pasa, penganan ko punyo cito raso baragam, ado nan guriah, manih, legit.

Salah satu makanan ringan juadah

Juadah adolah sarangkaian atau susunan diateh dulang nan tabuek dari papan dan pado tapi dibari kayu (± 10) sabagai panahan untuak kekokohan dari susunan juadah”. Maanta juadah adolah suatu tradisi nan alah ado samanjak nenek moyang. Juadah ko dibaok karumah pangantin laki-laki (marapulai), sajam sabalum pengantin padusi (anak daro) manjalang mintuonyo dan boliah juo sabagai iring-iringan. Fungsi dari pangantaran juadah adolah ikatan antaro laki-laki jo padusi  dari kaduo belah pihak supayo tajadinyo silaturahmi antaro kaduo balah pihak atau suku nan babeda. Makanan tradisional nan tadiri dari babarapo jenis makanan di tata jo di susun diateh dulang sabagai wadahnyo. Panataan makanan ko tabantuak lingkaran nan samakin kaateh samakin tinggi.

Mampasiapan bahan-bahan nan digunoaan untuak mangolah juadah tu mampasiapan karambiah, saka, gulo, minyak goreang, barah, bareh katan. Salanjuiknyo mampasiapan alek-alek nan digunoan untuak pangolahan juadah tu, kuali gadang, sendok basi, kukusan, panyariangan, cetakan babantuak segi tigo, babantuak segi panjang, kerucut dll. Pasiapan pambuekan juadah untuak babarapo pihak kaluarga pangantin padusi nan mampasiapan sadonyo kabutuhan bahan-bahan jo alek-alek untuak mangolah juadah. Pasiapan juadah mampunyoi tanggungjawab surang  jo di awasi samo urang tuo surang. Pasiapan ko di karajoan basamo-samo dek sumando, istri mamak, ipa bisan, dunsanak jo ibuk-ibuk satampek nan sifatnyo nan dilakuan sacaro gotongroyong.

Jenis makanan juadah nan dibaok pado acara manjalang mintuo adolah: Nan patamo adolah Wajik, wajik adolah bahan dasarnyo tabuek dari bereh katan, saka, jo santan. Wajik bawarna hitam. Nan kaduo tu Jala bio, Jala bio adolah bahan tapuang bareh putiah, tapuang katan, karambiah, minyak goreang. Jala bio bawarna putiah. Nan  katigo Aluo,  Aluo adolah bahan bareh katan, saka putiah, gulo .. Aluo bawarna putiah babintiak-bintiak sirah , sadangkan warna sirah barehlah dari saka nan dipakai sabagai pamanihnyo. Nan  ka ampek tu Kanji,  Kanji adolah bareh katan, karambiah, saka, garam. Kanji bawarna hitam. Dan nan kalimo adolah Kipang ampiang, Kipang ampiang adolah bahan bareh katan nan di goreang jo dimasak jo manggunoan saka dan gulo. Kipang ampiang bawarna sirah putiah. nan tarakhir    tu adolah Kareh kareh, Kareh-kareh adolah nan dibuek dari bahan campuran tapuang katan dan tapuang bareh jo aia bungo rayo. Kareh-kareh bawarna sirah .

Pasiapan pambuekan juadah sabalum maolah juadah nan dibaok pado manjalang mintuo tu, mampasiapan bahan-bahan untuak mangolah juadah tu bareh, bareh katan, karambiah, saka, tapuang barah, tapuang katan. Pasiapan pambuekan juadah untuak balanjo pihak kaluarga pangantin padusi nan mampasiapan sadonyo kabutuhan bahan jo alek untuak mangolah juadah. Pasiapan juadah ko mamiliki tanggungjawab surang dan di awasi dek urang tuo padusi. Parsiapan ko dikarajoan basamo-sama dek sumando, istri mamak, ipa bisan, dunsanak, jo ibuk-ibuk satampek nan sifatnyo dilakuan sacaro gotong royong. Jenis makanan ko sabagai barikuik : Wajik, jala bio, Aluo, Kanji, Kipang ampiang, dan Kareh-kareh. Makna nan takanduang dalam makanan untuak juadah nan di baok pado saaik palaksanaan acara manjalang mintuo tu hantaan pangantin padusi adolah mampararek hubuangan silaturahmi jo raso kakaluargaan antaro duo buah kaluarga nan basangkuikan.