Jourdy Pranata

Jourdy Prana (lahia 2 Januari 1994; umua 30 taun) adolah surang pamain bola nan punyo kabangsaan Indonesia. Sasudah mancapai pandidikan di Universitas Telkom, Jourdy bakararjo sabagai kru film jo babarapo kali talibaik sabagai figuran, inyo kamudian serius untuak manjalani bidang seni peran sajak 2018 jo mandapek peran dalam film Habibie & Ainun 3. Jourdy mandapek panghargaan sabagai pamain utamo laki-laki favorit di Indonesian Movie Actors Awards 2022 barakaik parannyo dalam film Kukira Kau Rumah.

Jourdy Pranata
Jourdy pada 2023
Lahia	2 Januari 1994
Kabangsaan	Indonesia
Alma mater	Universitas Telkom
Karojo	Pemeran model penyanyi pembawa acara televisi
Taun aktif	2014—sekarang
Panghargoan	Indonesian Movie Actors Awards (2)
Musical career
Genre musik	Pop
Instrumen	Vokal gitar
Taun aktif	2021—sekarang
Signature

Kahidupan awal jo pandidikan

Jourdy Pranata adolah surang putra dari tigo kakak baradiak nan lahir pado tanggal 2 Januari 1994. Jourdy adolah anak suluang dari pasangan Hasbi Burhanuddin jo Rita Ismail. Inyo punyo surang kakak nan banamo Sofia Hasbi jo Luthfiyah Hasbi. Inyo lahia dari kaluarga nan bakaturunan dari katurunan Minang sarato baragamo Islam.

Jourdy manganyam pandidikan janjang SMK di SMK Telkom Shandy Putra Jakarta. Sasudah luluih pado taun 2011, inyo manjalani pandidikannyo ka kuliah di Institut Manajemen Telkom jo program studi Ilmu Komunikasi S-1, Kamudian inyo manjadi pidah aliah bantuak di Universitas Telkom pado taun 2013 dan dinyatokan luluih pado taun 2016 jo skripsi nan judulnyo "Abstrak Komunikasi Interpersonal Anak Broken Home Akibat Perkawinan Ulang Dalam Keluarga".

Karir

Jourdy manyatokan baso inyo suko dek bidang seni. Inyo parnah maikuti paduan suara sekolah jo bamain teater. Lahia dari kaluarga Minang nan sacaro turun-tamurun suko badagang, Jourdy manyabuik baso kaduo orang tuanyo acok manggambakan definisi kasuksesan jo duo caro yoitu jo caro bakarajo kantua jo babisnis. Katiko inyo masuak dunia seni peran, Jourdy indak disatujui dek urang gaeknyo dek karano ado stigma nan malakek dalam kaluarganyo kalau surang seniman, apopun profesinyo payah untuak mandapek iduik nan layak. Jourdy akhirnya diagiah kasampatan dek urang gaeknyo untuak manunjuakan hasil pilihannyo sampai umur 25 tahun, jikok inyo alun sukses pado wakatu itu, inyo harus manarimo jalan nan dipiliah dek urang gaeknyo.

Sambia manjadi mahasiswa, Jourdy maisi wakatu luang jo malakukan karajo sabagai model untuak babarapo produk pakaian lokal di Bandung. Sasudah luluih inyo manyadari, baraso inyo indak cocok untuak bidang tu. Salain itu,saurang kawan inyo maajak untuak bakarajo sabagai kru film Pertaruhan (2017) sabagai asisten sutradara jo tim mode. Inyo juo mandapek peran sabagai tokoh dalam film itu. Pajalanan Jourdy di dunia akting, dimulai dari nol jo manjadi tokoh atau aktor tambahan dalam babarapo produksi. Salain itu, inyo juo sempat manjadi panjago waktu panata rias Talia Subandrio untuak babarapo produksi tayangan iklan jo film. Sasuda sataun manjadi kru film, inyo kamudian bagabuang jo tim kreatif Global TV jo bakarajo sabagai koordinator bakat. Sasudah salamo sataun bakarajo di kantua, Jourdy maraso katuju untuak manjalajah kamampuan dalam bidang seni peran. Sasudah maninggakan parusahaan, Jourdy manggali kamampuan aktingnyo jo malatiah di banyak tampek jo tokoh di film Indonesia. Inyo sempat mangalami pelatihan akting nan dibukak dek aktor senior Lukman Sardi jo Abimana Aryasatya. Inyo juo malibaikkan diri di Teater Tetas, kalompok teater kontemporer di Jakarta nan didirian dek babarapo aktivis teater. Inyo maambiak ilmu dalam komunitas nan didirian dek sutradara Paul Agusta, Bengkel Akting Kuma untuak mampalajari seni peran jo mampalajari katubuahan, mangolah raso, tamasuak maubah mental jo parilaku.

Jourdy mulai sarius masuak industri akting pado taun 2018. Inyo sempat bakali-kali ditolak dalam pamilian pamain, sarupo dalam film Mantan Manten dan Seperti Dendam, Rindu Harus Dibayari Tuntas. Hinggo pado umua 24 taun, Jourdy mandapek peran untuak partamo kalinyo namun indak sabagai tokoh sampiangan. Inyo akhirnya mandapek kasempatan untuak bamain di film Habibie & Ainun 3 sabagai pamain pandukuang mamerankan tokoh Bambang, senior Ainun di universitas. Pado taun 2019, inyo tarlibaik dalam proyek film pendek partamonyo nan judulnyo Suburbia nan diproduksi dek mahasiswa film Universitas Bina Nusantara nan bahasil masuak dalam seleksi layar komunitas pado Jogja-NETPAC Asian Film Festival nan ka-14.

Pado 28 Juni 2020, Jourdy diambiak sabagai pambaok acara dalam program televisi My Trip My Adventure nan ditayangkan TV Trans TV. Pado taun iko juo, Jourdy maikuti pamilian pamain untuak film Pengabdi Setan 2: Communion (2022) jo bahasil mandapek peran untuak tokoh Dino. Pado maso nan labiah dulu, inyo parnah manuruik pemilihan pamain dalam film prekuelnyo, Pengabdi Setan (2017) pado taun 2016 sasudah luluih kuliah untuak mandapek peran Toni, namun inyo gagal mandapean peran dek alun punyo pangalaman aktiang nan mumpuni. Jo prestasi-prestasi nan ditamukan Jourdy sampai masuak umur 26 tahun inyo akhirnya mandapek barakaik dari urang gaeknyo untuak karir sabagai aktor.