Jeruk siam Gunuang Omeh
Jeruk Siam Gunuang Omeh atau di singkek "JESIGO" adolah namo dari limau atau jeruk nan barasal dari kecamatan Gunuang Omeh Kabupaten Limo Puluah Kota. Laweh lahan untuk mananam limau "JESIGO" tiok tahun taruih maningkek, tahun 2011 hanyo 500 hektare, tahun 2012 batambah manjadi 700 hektare, 2013 manjadi 750 hektare, 2014 manjadi 785 hektare, tahun 2015 manjadi 891 hektare, hinggo tahun 2018 laweh lahan limau jesigo alah mancapai 1133,80 hektare. [1] [2]
Limau "JESIGO" marupokan bibit unggul, bobot limau jesigo mancapai 300 - 400g per buahnyo, babeda dari siam lain, bantuak siam madu nan hanyo mancapai 90 - 250 g per buahnyo. Daya simpan dari limau "JESIGO" labiah lamo yaitu salamo 18 - 22 hari, biasonyo hanyo 10 -15 hari sajo. limau "JESIGO" mulonyo ditanam dek salah surang warga di kecamatan Gunuang Omeh, tapeknyo di kenagarian Kotitinggi, tapi kini limau "JESIGO" alah dikambangkan dan di tanam di lua kecamatan Gunuang Omeh. [3]
Rujuakan suntiang
- ↑ Jitunews.com (2015-11-07). "Petani di Sumbar Mulai Membudidaya Jeruk Jesigo". Jitunews.com (dalam bahasa Indonesia). Diarsipkan dari versi asli tanggal 2019-10-22. Diakses tanggal 2019-10-22.
- ↑ "Diminati Masyarakat, Limapuluh Kota Perluas Lahan Jesigo". www.harianhaluan.com. Diakses tanggal 2019-10-22.
- ↑ "Emas Baru Gunung Omeh". Majalah Pertanian (dalam bahasa Inggris). 2010-11-04. Diarsipkan dari versi asli tanggal 2019-10-22. Diakses tanggal 2019-10-22.