Jambatan Beatrix
| Jembatan Beatrix | |
|---|---|
 Jembatan Beatrix tahun 2024 | |
| Namo rasmi | Beatrix Brug |
| Malintasi | Sungai Batang Asai |
| Daerah | Kabupaten Sarolangun, Jambi |
| Panjang total | 197.4 meters (648 ft) |
| Leba | 4 meters (13 ft) |
| Mulai dibangun | 1937 |
| Salosai dibangun | 1939 |
| Biayo | 150 gulden |
| Babuko | 1939 |
Jambatan Beatrix adolah sabuah jambatan di Provinsi Jambi nan panuah jo carito tantang masuaknyo panjajahan Balando ka Kabupaten Sarolangun.[1] Jambatan Beatrix dibangun pado taun 1937 dan diresmikan pado taun 1939.[2] Sejarah pambangunan jambatan ko indak bisa dipisahkan dari karajo paksa nan dilakukan dek ribuan masyarakaik Indonesia.[3]
Sajarah
suntiang
Awal pambangunan Jambatan Beatrix didasarkan pado karamnyo kapa Hekwieler Ophelia.[2] Ophelia adolah kapa baroda lambung nan dirancang khusus untuak transportasi aia dangkal.[4][2] Dimano tujuan kapa tu adolah untuak managiah pajak jo menghasilkan dari masyarakat Sarolangun. Kutiko Balando manjajah di bawah pamarintahan Ratu Wilhelmina Helena Pauline, markas mareka talatak dakek sungai Batang Tembesi nan kini alah manjadi tampek tingga rasmi bupati Sarolangun.[2] Karano kapa Ophelia karam jo marabuik nyawo pajabat-pajabat tinggi Balando,[4][2] pado taun 1937, pamarintah Balando mambangun jambatan sabagai sarana transportasi padagangan.[2] Buruah dibaok masuak dari Jawa. Jadi tajadilah karajo paksa. Sahinggo banyak urang nan mati, dek panek atau dianiaya dek tantara Balando.[5]
Pado taun 1938, jambatan ko sacaro rasmi dinamoi Beatrix karano pado taun 1938, lahia Putri Beatrix Wilhelmina Armgard. Namo Beatrix diagiah dek panguaso kolonial Balando sabagai hadiah untuak kalahiran cucu padusi Ratu Wilhelmina nan sadang bakuaso di Balando wakatu itu.[2]
Pado taun 1939, jambatan ko diresmikan, dan ado batu basurek granit nan mambaco namo jambatan "Beatrix Brug," samantaro di sabalah kanan ado batu basurek "Bt Tembesi." Jambatan iko tagak taguah di ateh Sungai Batang Tembesi,[2] mampunyoi panjang 197,4 meter jo leba ampek meter, jo ampek lengkungan.[6] Jambatan Beatrix marupoan pahubungan alternatif antaro Kampuang Sri Pelayang jo Pasar Bawah Sarolangun. Di sisi utara, jambatan ko mahubuangkan ka Bangko jo Sumatera Barat, sadangkan di sisi selatan manuju ka Lubuk Linggau jo Sumatera Selatan.[2] Pitih untuak mambangun Betrix pado maso pamarintahan Balando dipakiroan sabanyak 150 gulden.[1]
Pado taun 1973, jambatan Beatrix rusak di ujuang jambatan dan indak dapek lai digunoan. Sabaliaknyo, pamarintah Indonesia mambangun jambatan baru nan talatak di sabalah kanan Jambatan Beatrix. Jambatan baru ko mahubuangkan jalan raya Sumatera nan malalui Provinsi Jambi.[6]
Pado taun 2000, sasudah 27 taun indak bafungsi, karano punyo nilai sajarah jo punyo potensi untuak manjadi objek wisata, Pamarintah Kabupaten Sarolangun mameloki bagian jambatan nan rusak.[6][7]
Pado 13 Januari 2024, manuruik paningkekan aliran aia di Sungai Tembesi, Pamarintah Kabupaten Sarolangun manutup samantaro Jambatan Beatrix. Badasakan pangamatan panutupan samantaro Jambatan Beatrix, maanggap baso paras aia Sungai Tembesi samakin maningkek, jo panunjang basi sagi tigo pado tiang tangah putuih, paras aia hanyo labiah kurang 2 meter dari manyantuah lantai jambatan. Faktor lain nan manyababkan panunjang baja bageser adolah sarok jo balok kayu nan dibaok banjir dan talibaik pado tiang-tiang basi nan panunjang jambatan.[8][9]
Reperensi
suntiang- ↑ a b "Sejarah Jembatan Beatrix, Berawal Dari Tenggelamnya Kapal Konselor Belanda di Sungai Batang Tembesi". TribunJambi Wiki (dalam bahasa Indonesia). Diakses tanggal 2024-12-29.
- ↑ a b c d e f g h i Widya Wahyu Ningsih; Meslita, Rima; Ali Murtadlo (2024-11-30). "EKSPLORASI ETNOMATEMATIKA PADA JEMBATAN BEATRIX DI KABUPATEN SAROLANGUN". Jurnal Math-UMB.EDU. 12 (1): 77–87. doi:10.36085/mathumbedu.v12i1.6714. ISSN 2715-4912.
- ↑ Mahasiswa, Pers (2024-06-20). "Jembatan Beatrix Sarolangun: Warisan Sejarah dan Pesona Wisata Kabupaten Sarolangun, Jambi". LPM PATRIOTIK (dalam bahasa Inggris). Diakses tanggal 2024-12-29.
- ↑ a b buitenzorg (2016-09-06). "De ramp met de Ophelia". Java Post (dalam bahasa Belanda). Diakses tanggal 2024-12-29.
- ↑ Wendy, Suwandi. "Sejarah Kelam Jembatan Beatrix Sarolangun Tempat Pembantaian, Berasal dari Nama Cucu Ratu Belanda". Jambian (dalam bahasa Indonesia). Diakses tanggal 2024-12-29.
- ↑ a b c Okezone (2020-11-23). "Jembatan Beatrix, Aset Sejarah Peninggalan Belanda di Sarolangun" (dalam bahasa Indonesia). Diakses tanggal 2024-12-29.
- ↑ "Ikon Kabupaten Sarolangun, Jembatan Beatrix Ternyata Pernah Runtuh". TribunJambi Travel (dalam bahasa Indonesia). Diakses tanggal 2024-12-29.
- ↑ admin (2024-01-12). "Demi Keselamatan, Jembatan Beatrix Sarolangun Ditutup Sementara » Berita Media Online". Berita Media Online (dalam bahasa Indonesia). Diakses tanggal 2024-12-29.
- ↑ jambiekspres.co.id. "Polisi Resmi Tutup Jembatan Beatrix Sarolangun untuk Hindari Korban Jiwa". jambiekspres.co.id (dalam bahasa Indonesia). Diakses tanggal 2024-12-29.