Itji Tarmizi
Itji Tarmizi (lahia di Desa Tepi Selo, Lintau, Tanah Datar, Sumatera Barat, 21 Juli 1939 – maningga di Jakarta, 27 November 2001 pado umua 62 taun) adolah surang seniman senirupo Indonesia.[1] Lukisan Itji Tarmizi baaliran realisme-sosialis, bahkan Itji Tarmizi dianggap salah surang maestro di aliran itu. Itji adolah salah surang palukih di zaman Orde Lamo pariode 1950-1960-an, katiko pado maso itu sadang balangsuang sosialisme nan gegap gempita.[2]
Itji Tarmizi | |
|---|---|
| Lahia | 21 Juli 1939 |
| Maningga | 27 November 2001 (umua 62) |
| Kabangsaan |  Indonesia |
| Alma mater | Akademi Seni Rupa Indonesia (ASRI), Yogyakarta |
| Karojo | Palukih |
Salah surang palukih kasayangan Soekarno jo Mohammad Hatta ko dianggap sabagai satu mato rantai nan ilang dalam jagad senirupo Indonesia. Mato rantai tu adolah karya-karya senirupo pariode 1950-1960-an nan alun dikenal sacaro laweh karano barado ditangan para kolektor.
Babarapo karya lukih Itji Tarmizi nan mamvisualkan kahidupan kaum papa, objek-objek manusia nan bakarajo kareh untuak kalangsuangan iduik, antaro lain "Perkampungan Nelayan", "Lelang Ikan", "Potret Pribadi", "Melepas Gembala Kerbau", jo nan lain-lainnyo.
Pado maso Orde Lamo Itji mahinda dari publisitas karano lukisan-lukisannyo nan kritis pado katidak-adilan dalam kahidupan sosial masyarakaik. Parubahan rezim alah mananggalaman namonyo sahinggo indak sapopuler kawan-kawan saangkatannyo. Sajak taun 1975, dalam kasunyiannyo di kampuang laman Itji indak pernah baranti bakarya. Sasudah rabahnyo Orde Baru sarato baganti jo Orde Reformasi, Itji mancogok baliak di Jakarta, sarato bakiprah baliak didunia senirupo. Tapi indak lamo kudian, pado tanggal 27 November 2001 Itji maningga dunia, lalu dimakaman di TPU Pondok Kelapa, Jakarta Timur.[3]
Pandidikan jo kagiatan
suntiang- Otodidak.
- Mahasiswa Luar Biaso Akademi Seni Rupa Indonesia (ASRI), Yogyakarta.
- Sanggar Pelukis Rakyat basamo jo palukih Hendra Gunawan, Affandi sarato nan lain-lain.
- Sanggar Bumi Tarung.
Rujuakan
suntiang- ↑ Arsip IVAA[pranala nonaktif permanen]
- ↑ "Itji Tarmizi, Sang Realisme-Sosialis". Kisihati.wordpress.com. Diakses tanggal 28 Desember 2013.[pranala nonaktif permanen]
- ↑ "Soeharto dan Fenomena Politik Kebudayaan". Sastra Indonesia. Diakses tanggal 25 Desember 2013.
Pautan lua
suntiang- "Basoeki Abdullah, Pelukis Pertama Istana". Presidenri.go.id. Diakses tanggal 25 Desember 2013.