The General in His Labyrinth

.

Gabriel García Márquez, panulih The General in His Labyrinth

The General in His Labyrinth ({{lang-es|El general en su laberinto) adolah sabuah novel sajarah nan tabik tahun 1989 karya panulis Kolombia Gabriel García Márquez. Novel ko adolah versi fiksi dari hari-hari taakhia tokoh pajuang kamardekaan Amerika Simón Bolívar.

Latar balakang

Álvaro Mutis, surang panulis Kolombia, mulai manulis naskah nan bajudul El último rostro, tantang hari-hari taakhia Bolivar, namun indak manyalasaiannyo. Kawannyo sasamo panulis Gabriel García Márquez mambaco naskah itu dan tertarik untuak manyalasaiannyo, ateh izin Mutis.

Pado awalnyo, García Márquez mamandang baso informasi nan tasadio tantang Bolivar banyak nan dalam satu perspektif sajo. Inyo manaliti salamo duo tahun, walaupun indak pernah sabalunnyo malakuan panalitian sajarah. Inyo mangkaji surek-surek Bolivar, surek kaba pado maso itu, jo memoir dari ajudan 34 jilid tantang Bolivar karya ajudannyo Daniel Florencio O'Leary. Inyo dibantu dek babarapo pakar, cando pakar geografi Gladstone Oliva, sajarawan Kolombia Eugenio Gutiérrez Celys sarato pakar astronomi Jorge Perezdoval. Pado tahap panyuntiangan, inyo juo dibantuk dek Antonio Bolívar Goyanes, surang katurunan Bolivar.

Watak

• Sang Jenderal (The General): protagonis novel, badasarkan pado watak Simón Bolívar.
• Jose Palacios: mayordomo (ajudan) utamo Bolivar.
• Manuela Sáenz: pujaan hati Sang Jenderal, didasaran pado kakasiah Bolivar Doña Manuela Sáenz de Thorne.
• Jenderal Fransisco de Paula Santander: kawan dakek Bolivar nan manjadi musuahnyo dek sebab mancubo mambunuahnyo dan dihukum pangasiangan ka Paris.
• Jenderal Antonio José de Sucre: panaruih Sang Jenderal subagai Presiden Republik Bolivia.

Rujuakan

Sumber

• García Márquez, Gabriel (1990), The General in His Labyrinth, New York: Vintage, ISBN 1-4000-3470-1 . Trans. Edith Grossman.
• Plimpton, George (2003), Latin American Writers at Work, New York: The Modern Library, ISBN 0-679-77349-5 .