Pabedaan antaro revisi dari "Sumatera Barat"
Konten dihapus Konten ditambahkan
Barih 188:
== Parekonomian ==
Sacaro batahap parekonomian Sumatra Barat mulai bagerak positif salapeh mangalami takanan akibaik dampak [[Gampo bumi Sumatera Barat 2009|gampo bumi tahun 2009]] nan malando kawasan tasabuik. Dampak bancano ko nampak pado triwulan IV-2009, di mano patumbuahan ekonomi anyo mancapai 0,90%. Namun kini parekonomian Sumatra Barat alah mulai elok, jo tingkek patumbuahan di ateh rato-rato nasional. Pado tahun 2012 ekonomi Sumatra Barat tumbuah sagadang 6,35%, labiah ancak dibandiangan tahun sabalunnyo nan anyo sagadang 6,25%. Dan pado triwulan I-2013 parekonomian Sumatra Barat alah tumbuah mancapai 7,3%. Tingginyo patumbuahan ekonomi Sumatra Barat dalam tigo tahun tarakhia, alah manurunkan tingkek kamiskinan di provinsi ko dari 8,99% (2011) manjadi 8% (2012). Untuak Pendapatan Domestik Regional Bruto (PDRB), pado tahun 2012 provinsi ko mampunyoi PDRB mancapai Rp 110,104 triliun, jo PDRB per kapita sagadang Rp 22,41 juta.
=== Transportasi ===
{{unreferenced section|date=Juni 2018}}
[[Berkas:Suasana di Kelok 9.jpg|jmpl|210px|ka|Kelok Sambilan]]
Transportasi dari dan ka Sumatra Barat kini dihubuangkan dek [[Palabuahan Udaro Internasional Minangkabau]] jo [[Palabuahan lauik Taluak Bayua]]. Palabuahan Udaro Minangkabau mulai aktif baoperasi pado akhia tahun [[2005]] manggantikan [[Palabuahan Udaro Tabiang]]. Palabuahan udaro ko tahubuang jo babagai kota utamo di Indonesia, mode [[Jakarta]], [[Kota Medan|Medan]], [[Batam]], [[Bandung]], sarato [[Kuala Lumpur]] di [[Malaysia]]. Untuak maningkekan aksebilitas Palabuahan Udaro Minangkabau, kini pamarintah manyadiokan kareta bandara dari dan manuju pusek kota Padang.
Salain Taluak Bayua, transportasi lauik untuak jarak dakek bapusek di [[Palabuahan Muaro]]. Palabuahan ko antaro lain juo malayani transportasi manuju Kapulauan Mentawai jo manggunokan kapa feri atau ''speed boat''. Palabuahan Muaro juo manjadi tampek basanda kapa-kapa pesiar (''yacht'') dan kapa-kapa nalayan.
Untuak transportasi antar kota, kini dilayani dek bus-bus AKDP dan AKAP sarato travel. Di Padang, angkutan umum bapusek di Terminal Bingkuang Aia Pacah. Di Bukiktinggi bapusek di Terminal Aua Kuniang, [[kota Payakumbuh|Payokumbuah]] bapusek di Terminal Koto Nan Ampek, dan [[kota Solok|Solok]] bapusek di Terminal Bareh Solok.
Transportasi darek lainnyo, [[kareta api]] masih digunoan untuak jalua dari Padang ka Sawahlunto, nan malalui Padang Panjang jo Solok. Pado jalua ko, kareta api anyo dipagunokan sabagai sarana pangangkuik [[batubaro]]. Sadang dari Padang manuju Pariaman, kini masih digunoan untuak angkutan panumpang.
== Pariwisata, Seni, jo Budayo ==
| |||