Irwan

Irwan (lahia di Lubuak Alung, Padang Pariaman, 15 April 1968) adolah surang juru mangicek Rumah Bagonjong atau disabuik juo Kapalo Biro Hubungan Masyarakat Setda Provinsi Sumatera Barat, sajak 20 Juni 2012 sampai Desember 2016 ato ampek satangah taun. Baliau manjadi Kapalo Biro Humas barangkek dari pajabaik di daerah ato kabupaten-kota. Sabalumnyo, baliau adolah Asisten Ekonomi Pembangunan Setda Kabupaten Padang Pariaman.

Irwan

Biografi

Kehidupan Awal

Irwan manjalani pandidikan SD, SMP sampai SMA di kampuangnyo di Lubuak Aluang. Dari awal, liau alah bacito-cito jadi pagawai pamong praja. Makonyo, tamaik SMA (1987), liau malanjuikan pandidikan ka Akademi Pemerintahan Dalam Negeri (APDN) Bukittinggi sampai tamaik taun 1991. Pandidikan S1 Ilimu Pamarintahan, liau dapek di Universitas Brawijaya Malang, sadangkan gala Magister Manajemen (S2) liau dapek di Universitas Negeri Padang.

Tamaik APDN, Irwan mamulai langkahnyo manjadi staf di Kecamatan Siberut Selatan, Kepulauan Mentawai, yang waktu itu masih manjadi bagian dari Kabupaten Padang Pariaman. Baliak dari baraja dari Universitas Brawijaya,Malang,Jawa Timur, liau masih dibaliakan ka daerah Kapulauan di Samudra Hindia tu. Kali ko sabagai Kepala Perwakilan Kecamatan Siberut Utara (1996-2002). Kapulauan Mentawai alah manjadi kabupaten sorang di ujuang maso jabatannyo.

Salasai anam taun di Mentawai, Irwan manjadi Camaik Batang Anai di Kabupaten Padang Pariaman. Tigo taun siap itu manjadi Kapalo Kantua Pangalola Pasa jo Paparkiran Kabupaten Padang Pariaman. SIap itu, manjadi Kapalo Bagian Umum di Sekretariat Daerah. Salanjuiknyo diangkek manjadi Kepalo Badan Pamberdayaan Masyarakaik, tu akhirnyo manjadi Asisten Ekonomi Pambangunan Sekretariat Daerah Kabupaten Padang Pariaman.. Irwan pindah ka Provinsi, diangkek manjadi Kapalo Biro Hubungan Masyarakaik Pamarintahan Provinsi Sumatera Barat dari bulan Juni 2012.

Batugas manjadi