Institut Teknologi Sumatera

Institut Teknologi Sumatera (disingkek ITERA) adolah sabuah perguruan tinggi negeri nan tadapek di Provinsi Lampung, Indonesia. Lokasinyo di antaro wilayah Kabupaten Lampung Selatan jo Kota Bandar Lampung. ITERA didirikan badasarkan Peraturan Presiden Nomor 124 Tahun 2014 tantang Pandirian Institut Teknologi Sumatra (Lembaran Negara Republik Indonesia Tahun 2014 Nomor 253) nan ditatokkan Presiden Republik Indonesia Dr. H. Susilo Bambang Yudhoyono pado tanggal 6 Oktober 2014 dan diundangkan tanggal 9 Oktober 2014. Walaupun paresmiannyo dilaksanakan pado tahun 2014, tatapi Itera alah mamulai kegiatan akademik jo manarimo mahasiswa baru sajak tahun 2012-2013. Salain ITB dan ITS, jo dibukaknyo ITERA dan Institut Teknologi Kalimantan, kini pamarintah Indonesia mamiliki ampek institut teknologi.o

Institut Teknologi Sumatera

Logo ITERA
Moto	Smart, Friendly, and Forest Campus
Jinih	Perguruan Tinggi Negeri
Ditagakan	6 Oktober 2014 (2014-10-06)
Lembaga induk	Kementerian Pendidikan, Kebudayaan, Riset, dan Teknologi
Rektor	Prof. Dr. I Nyoman Pugeg Aryantha.
Alamat	Jalan Terusan Ryacudu, Way Hui, Kec. Jati Agung , Lampung Selatan, Lampung , Indonesia
Kampus	Sub Urban, 285 Ha
Singkatan	ITERA
Warna	Hitam
Afiliasi	Institut Teknologi Bandung
Situs web	itera.ac.id

Sejarah

Latar belakang

Upayo pacapekan pambangunan nasional, khususnyo dalam bidang sains, teknologi dan budayo, mamarlukan kasiapan panyadioan sumberdaya manusia nan unggul. Untuak itu, Kementerian Pendidikan dan Kebudayaan mamiliki program pandirian institut teknologi negeri di Sumatra.

Dalam konteks strategi utamo pelaksanaan Masterplan Pacapekan dan Paluehan Pambangunan Ekonom Indonesia (MP3EI), peran sumberdaya manusia nan bapandidikan manjadi kunci utamo dalam mandukuang patumbuahan ekonomi nan bakasinambuangan. Dek karano itu, tujuan utamo di dalam sistem pandidikan dan palatihan untuak mandukuang hal tasabuik di ateh mustilah bisa manciptakan sumberdaya manusia nan mampu baadaptasi jo capek taadok pakambangan sains dan teknologi. Upayo pacapekan pambangunan nasional, khususnyo dalam bidang sains, teknologi dan seni, butuah kesiapan panyadioan sumberdaya manusia nan unggul.

Untuak itu, Kementerian Pandidikan dan Kebudayaan mamiliki program pandirian institut teknologi negeri di Sumatra. Panyusunan proposal pandirian alah dilakukan pado tahun 2011. Institut Teknologi di Sumatra tasabuik alah ditatokan akan balokasi di Kota Baru, Kabupaten Lampung Selatan, Provinsi Lampung (SK Mendikbud No.060/P/2012). Status panyalanggaroan perguruan tinggi tasabuik akan ditataokan malalui Kaputuihan Presiden. Berkenaan jo rancana tasabuik, badasarkan panugehan dari Kementerian Pandidikan dan Kebudayaan mako pado tahap mulonyo (sambia manunggu salasainyo pambangunan infrastruktur kampus), pangambangan dan panyalanggaroan akan dilaksanakan dek Institut Teknologi Bandung (ITB) nan bakarajosamo jo saluruah Pamarintah Propinsi di Sumatra.

Sabagai langkah mulonyo panyalanggaroan, ITB dan Pamarintah Daerah Provinsi Lampung malaksanokan Seleksi Panarimoan Mahasiswa Baru Program Sarjana Itera untuak Tahun Akademik 2012/2013 malalui program mandiri (salanjuiknyo disabuik SPM-Itera 2012). Maingek pambangunan Kampus Itera masih pado tahap pambangunan, calon mahasiswa nang dinyatokan ditarimo malalui SPM-Itera 2012 dan 2013 maikuti pakuliahan di Kampus ITB Jatinangor, Jawa Barat.

Pautan lua

• Situs web resmi ITERA
• Pengantar ITERA Archived 2012-07-10 di Wayback Machine.
• Program Studi ITERA Archived 2012-07-10 di Wayback Machine.
• Situs Badan Pendiri Keluarga Mahasiswa ITERA